نيسان اي اكس كامله اوتوماتيك ايه بي اس

هي مواعيد الصيانه في مركز السبع اللي في زهراء المعادي ايه في رمضان
وكمان عايز استفسر عن حاجه انا امبارح الاكصدام الخلفي اتخبط من ناحيه اليمين بس رحت عند واحد بتاع سمكره عملهولي بس قاللي ان فيه قطعه من جوه بتبقي شايله الاكصدام ده اتكسرت انا ممكن اشفلك حل ليها قلتله لا انا كده كده ادامي اسبوع وهعمل صيانه الالف كيلو فايه رايكم اغير الاكصدام كله ولا في الصيانه اخليهم يركبولي القطعه اللي اتكسرت دي و كمان وانا ماشي بقالي يومين وباخد ملفات باسمع صوت طقطقه في العربيه هل يا تري دي العفشه ولا ايه افيدونا افادكم الله

لو هتروح توكيل السبع بيفي تقلهم علي كل حاجة انت حاسسها في العربية في صيانة الاف وبالزات صوت الطقطقة ده ممكن يكون طنابير العربية فيها عيب صناعة وحصل معايا الكلام دة بس كان واضح علي طول مش في الملفات بس وغيرتهم
اما موضوع الاكصدام متستعجلش في تركيبة لسة العرببه جديدة ومتكلفش نفسك وخلاص
خد تليفون السبع زهراء المعادي
0100050700
0225162518
اتصل بيهم ونت تعرف ميعاد الصيانة

اثبت عندك
انا حصلى زيك فى التيدا عندى
وروحت لسمكرى وظبطلى الدنيا , واحسن حل , سيبه هو حيظبلك الدنيا ويشوفلك ليها حل فعلا , وممكن يتصرف ويلحمها او يوديك عند واحد بتاع فبر ويعملهالك , وياخد 50 او 100 جنية بالكتير ,
لان فى التوكيل مش بيعملوا الحاجات دى , وحيقولك غير اكصدام بالوفات الجنيهات , وحرام طبعا
او لو حضرتك مأمن على العربية يبقا ممكن تغيره على التامين وكدا مفيش مشكلة

بخصوص الطقطقة الاول ممكن تقولنا عربيتك عاملة كام الف كيلو وتوصفلنا صوت الطقطقة دى اكتر لتكون كبالن عشان نتاكد بس

ماتخدش في بالك ياباشا من حتة الاكصدام دي سواء الامامي او الخلفي هما الاتنين ضعاف اخر حاجه و ترييحه بسيطه هتلاقيهم طلعوا من الجنب كده لانهم علي بلاستيك و الكليبسات بتطق علطول و دي بصراحه ميزه و في نفس الوقت عيب
ميزه لان الاكصدام مش بيحصلوا حاجه ولا بيبتقطع لان لما اي حاجه بتحصل الكليبسه هيا اللي بتطق
عيب لان مش كل ماتريح ترييحه صغيره علي حد او حد يخبطك خبطه خفيفي هاتروح تعمله و تركب كليبسات او حامل داخلي و كمان لو ماعملتهمش هايخلي شكل العربيه كأن الاكصدام مفارق حاجه بسيطه من تحت الفانوس بس عادي الاريح انك تتعود علي شكله كده و خلاص
انا مره الاكصدام الخلفي وقع مني تمام الداخلي بتاع التريلات الكبير دا لما بيوقع منهم دخل تحت العربيه و لطش في الاكصدام وقعه و جيت من عند القليوبيه حاطه في الصالون من ورا المهم لما جيت علي البيت خاليت المكيانيكي بتاعي يعمله جيبتله شويه كليبسات ب 2 جنيه و ظبطهولي تمام عادي يعني اي حد بيشغل مخه هايشتغل فيهم

الف شكر يا رجاله نيسان علي الردود
واسف علي التاخير
العربيه عامله لفايه انهارده 980 كيلو يعني خلال يومين هعمل صيانه الالف

السلام عليكم ورحمه الله وبركاته
الف شكر يا رجاله نيسان علي ردودكم
انا تقريبا لغايه انهارده العربيه عامله 980 كيلو وخلال يومين انشاء الله هعمل اول صيانه اللي لاهي الالف
شكره

اولا مبارك عليك الصني
ثانيا لو الإكصدام سليم وودانه سليمة وحامل الإكصدام هو الي اتكسر خليهم يركبولك واحد ثاني وده في حدود 50-60 جنية + منعية تصبيت إكصدام ححوالي 50 جنية برضة
بس لو وقع تاني اي سمكري يشفلك ليه حل (مسمار بورمة من الداخل مش بيبان وبيخلي الإكصدام حديد)