نيسان اي اكس كامله اوتوماتيك ايه بي اس

**amrstreet** · 14-08-2010 07:05 PM

هي مواعيد الصيانه في مركز السبع اللي في زهراء المعادي ايه في رمضان
وكمان عايز استفسر عن حاجه انا امبارح الاكصدام الخلفي اتخبط من ناحيه اليمين بس رحت عند واحد بتاع سمكره عملهولي بس قاللي ان فيه قطعه من جوه بتبقي شايله الاكصدام ده اتكسرت انا ممكن اشفلك حل ليها قلتله لا انا كده كده ادامي اسبوع وهعمل صيانه الالف كيلو فايه رايكم اغير الاكصدام كله ولا في الصيانه اخليهم يركبولي القطعه اللي اتكسرت دي و كمان وانا ماشي بقالي يومين وباخد ملفات باسمع صوت طقطقه في العربيه هل يا تري دي العفشه ولا ايه افيدونا افادكم الله

**mohamedbook** · 14-08-2010 07:13 PM

لو هتروح توكيل السبع بيفي تقلهم علي كل حاجة انت حاسسها في العربية في صيانة الاف وبالزات صوت الطقطقة ده ممكن يكون طنابير العربية فيها عيب صناعة وحصل معايا الكلام دة بس كان واضح علي طول مش في الملفات بس وغيرتهم
اما موضوع الاكصدام متستعجلش في تركيبة لسة العرببه جديدة ومتكلفش نفسك وخلاص
خد تليفون السبع زهراء المعادي
0100050700
0225162518
اتصل بيهم ونت تعرف ميعاد الصيانة

**Ahmed.TV** · 17-08-2010 05:34 PM

اثبت عندك
انا حصلى زيك فى التيدا عندى
وروحت لسمكرى وظبطلى الدنيا , واحسن حل , سيبه هو حيظبلك الدنيا ويشوفلك ليها حل فعلا , وممكن يتصرف ويلحمها او يوديك عند واحد بتاع فبر ويعملهالك , وياخد 50 او 100 جنية بالكتير ,
لان فى التوكيل مش بيعملوا الحاجات دى , وحيقولك غير اكصدام بالوفات الجنيهات , وحرام طبعا
او لو حضرتك مأمن على العربية يبقا ممكن تغيره على التامين وكدا مفيش مشكلة

بخصوص الطقطقة الاول ممكن تقولنا عربيتك عاملة كام الف كيلو وتوصفلنا صوت الطقطقة دى اكتر لتكون كبالن عشان نتاكد بس

**WalidAdel** · 18-08-2010 03:15 AM

ماتخدش في بالك ياباشا من حتة الاكصدام دي سواء الامامي او الخلفي هما الاتنين ضعاف اخر حاجه و ترييحه بسيطه هتلاقيهم طلعوا من الجنب كده لانهم علي بلاستيك و الكليبسات بتطق علطول و دي بصراحه ميزه و في نفس الوقت عيب
ميزه لان الاكصدام مش بيحصلوا حاجه ولا بيبتقطع لان لما اي حاجه بتحصل الكليبسه هيا اللي بتطق
عيب لان مش كل ماتريح ترييحه صغيره علي حد او حد يخبطك خبطه خفيفي هاتروح تعمله و تركب كليبسات او حامل داخلي و كمان لو ماعملتهمش هايخلي شكل العربيه كأن الاكصدام مفارق حاجه بسيطه من تحت الفانوس بس عادي الاريح انك تتعود علي شكله كده و خلاص
انا مره الاكصدام الخلفي وقع مني تمام الداخلي بتاع التريلات الكبير دا لما بيوقع منهم دخل تحت العربيه و لطش في الاكصدام وقعه و جيت من عند القليوبيه حاطه في الصالون من ورا المهم لما جيت علي البيت خاليت المكيانيكي بتاعي يعمله جيبتله شويه كليبسات ب 2 جنيه و ظبطهولي تمام عادي يعني اي حد بيشغل مخه هايشتغل فيهم

**أحمد علاء** · 19-08-2010 12:31 PM

اولا مبارك عليك الصني
ثانيا لو الإكصدام سليم وودانه سليمة وحامل الإكصدام هو الي اتكسر خليهم يركبولك واحد ثاني وده في حدود 50-60 جنية + منعية تصبيت إكصدام ححوالي 50 جنية برضة
بس لو وقع تاني اي سمكري يشفلك ليه حل (مسمار بورمة من الداخل مش بيبان وبيخلي الإكصدام حديد)