عايز أركب ريموت للسنتر

**msaleh_353** · 14-08-2010 07:33 PM

السلام عليكم ورحمة الله وبركاته
كل سنه وانتو طيبين
عربيتي لانوس 2005 كاملة مانيوال يعني فيها سنتر بس أنا عايز أركب ريموت للسنتر ده بدون انذار ينفع ولا لأ ؟
لأن واحد صاحبي معاة فيرنا فاضيه راح جابلها سنتر بالريموت بتاعه ومركبش جهاز انذار فهل ممكنت أعمل الحكايه دي عندي ولا لازم أجيب سنتر جديد بالريموت بتاعه ؟؟؟

**محمد الشامي** · 14-08-2010 10:25 PM

على اللي فهمته من كلام حضرتك مينفعش تعمل ريموت للسنتر لوك بتاع العربيه , لان جهاز الانذار ده زي نظام مستقل بذاته وليه وظيفته واللي من ضمنها فتح وقفل العربيه وتأمينها بالإنذار , وبالتالى لازم تركب نظام الانذار كاملا على السنتر لوك الاصلي بتاع العربيه عشان تستفيد من الميزه بشكل سليم

لكن حسب كلام حضرتك انت عايز تركب ريموت للتحكم في سنتر العربيه , طيب السنتر ده هيستقبل اشاره الريموت ازاي ؟؟؟ :-)

اتمنى اكون فهمت قصد حضرتك صح واكون رديت رد مقنع :-)

**msaleh_353** · 15-08-2010 02:14 AM

شكرا يا أستاذ محمد أيوة أنا فهمت أنا اللي خلاني أقول كدة موضوع الراجل اللي ركب سنتر بريموت ده من غير انذار أصل أنا مش عايز انذار أنا كل اللي أنا عايزة أفتح العربيه وأقفلها من غير مفتاح

**mahmoodallam** · 15-08-2010 02:37 AM

انزل التوفيقية اسأل على ريموت بالكتاوت من غير سنتر هتلاقي في حدود 50 جنيه .

**karimfahmy99** · 15-08-2010 03:44 AM

عادى هات جهاز انذار و ركبة بس على السنتر بدون تكملة باقى التوصيلات و ممكن تعمل مكن رفع زجاج . المهم فى الموضوع انة عندى حط طرمبة زيادة على باب السواق و فهمت انة هو اللى بيشغل السنتر العمومى و لابد منة وضعة

معلش سؤال . اية المشكلة لو عملت الانذار هل خوف من الدوشة ممكن توطى الحساس و لا اية اعتراضك على الانذار ؟؟؟