رابطة مالكي وعشاق التمبرا (الجزء الثاني)

**mikology** · 25-08-2010 11:33 PM

المشاركة الأصلية كتبت بواسطة caysersosaih

وانا اصلا مركب لمض فيليبس رالي

ازايك يا دوك - اخبار الرالى معاك ايه - حلوة و اقوى من العادى بفرق ملحوظ ولا خساره فيها الفلوس ؟؟
مش هى دى ؟

**zago** · 26-08-2010 12:43 AM

الكارتيرات الواحده ب 80 جنيه بس معندوش كارتيرات ورا ومشفتش خامتها أزاي والبياع كان تنك ورخم كأني جاي اشحت منه
رحت للراجل اللي جبت منه العلبه بتاعت فلتر الهوا قاللي نفس الكلام وسألت على الدركسيون لاقيته ب 150 جنيه والقطمه كلها ومعاها الكونتاكت ب 350 والغريب بقى ان ظهر الكنبه اللي ورا اللي هو فيه المسند تمنه 70 جنيه
انا كده مجبتش حاجه واتخنقت من البياعين اللي هناك حبقى اجيب الكارتيرات اللي ورا جداد من فيات 2000 ب 150 جنيه الاتنين

وسألت كذا واحد فين محل اولاد فاروق محدش يعرفه
ولاقيت صيدليه مكتوب عليها...
صيدليه دكتور ضياء الدين
هههههههههههههههه
يعني الدكتور ضياء يبقى شريك الكبير قوي في العزبه هههههههههههههههه

**mikology** · 26-08-2010 02:13 AM

طيب يا زاجو كنت اتصلت بفاروق على الموبيل احسن من اللف ده كله
ثم الكارتيرات جديده كده ارخص من الاستيراد - مممممم - مش معقوله اكيد هتفرق - ممكن تفرق فى الخامه و تكون مصرى او صينى خفيفه بتاع مش عارف بصراحه بس استنى هشام طيب يسألك ولو كده تجيبها استيراد أامن

**heshamzaky** · 26-08-2010 03:16 AM

المشاركة الأصلية كتبت بواسطة caysersosaih

عشان تخرج القربة الاسهل بعد ماتفك المسامير الي قالك عليعا هشام تفك كارتيرة العجل وتنزلها من تحت
انا غيرتها قبل كده
اسهل بكتير انك تجيبها من عند العجل من تحت

مساء الفل يا دوك واحشنى يا باشا بقالى كتير مشوفتكش هههههههههه معلش عاوز اقول حاجة الواد عند بتاع الرادياتير لما فك فك قربة المية بعدها انا كنت شايف المسامير الى مسكاها بس مش عارف اذا كان ممكن فكها كدة على طول و لا لآ بس الدوك هو الى غيرها فأكيد شاف بتتفك أزاى

**caysersosaih** · 26-08-2010 03:20 AM

يا ميكولوجي باشا اللمض الرالي حلوة جدا وفارقة كتير عن العادية وبعدين مش غاليه
والنبي يا زاجو تقولي علي الصيدلية دي عشان هشام مش عايز يدخلني شريك

**caysersosaih** · 26-08-2010 03:22 AM

علي فكرة انا هشام كان عندي النهارده واتشرفت جدا بيه وبعد ما مشي رحت للكهربائي وقاس الشحن وطلع الدينامو سليم وبيشحن قالي العيب من لمبة البطارية نفسها
فك التابلوه والعدادات ولقينا الفيشة مهزوزة بس والحمد لله كله طلع مظبوط

**heshamzaky** · 26-08-2010 03:22 AM

زاجو انت رحت العزبة يا حبيبى من غير ما تاخد تأشيرة على الباسبور ههههههههههههههههه ما كلمتنيش لية و قولتلى كنت حا اقولك المفيد فى ثانية معلش يا باشا ههههههههههههه

**heshamzaky** · 26-08-2010 03:28 AM

زاجو انا مش فاهم انت لقيت الكارتيرات ب 160 جنية الجوز الامامى طب ما جبتهمش لية فهمنى

**heshamzaky** · 26-08-2010 03:30 AM

المشاركة الأصلية كتبت بواسطة mikology

طيب يا زاجو كنت اتصلت بفاروق على الموبيل احسن من اللف ده كله
ثم الكارتيرات جديده كده ارخص من الاستيراد - مممممم - مش معقوله اكيد هتفرق - ممكن تفرق فى الخامه و تكون مصرى او صينى خفيفه بتاع مش عارف بصراحه بس استنى هشام طيب يسألك ولو كده تجيبها استيراد أامن

يا ميكو انا قلت ان الخامة المستوردة مليون فى المية أحسن و بيبقى البلاستيك مرن ممكن تثنية علشان لو بلاستيك ناشف حا يتكسر و يتقطم و قولت ل زاجو كدة

**ZALABANY** · 26-08-2010 10:20 AM

صباح الجمال
دكتور ضياء السخان بتاع الصبح مالهوش علاقة بكاربيراتير او انجيكشن وموجود في الاتنين وهي دي فايدة الجفرنر الاتنين ماسوره بتاع الكاربيراتير بيطلع منه خرطومين فاكيوم واحد يعلي العربية مع التكييف وواحد يسخن العربية اوتوماتيك الصبح لو هي بارده