رابطة مالكي وعشاق التمبرا (الجزء الثاني)

**ZALABANY** · 09-10-2010 03:38 PM

Juventus باشا أخبار الجفرنر ايه انا كنت بدور عليه من سنه تقريبا ما لقيتهوش لا جديد ولا مستعمل ياريت لو لقيته بلغنا الأخبار
الرادياتير تمام ياهشام الحمد لله بس لسه في مرحلة الاختبار هاشوف الميه هاتنقص ولا لا وبعد كده هاشوف نوع ميه خضرا كويسه احطه
ألف سلامه عليك ياعدول وفداك وان شاء الله العربية ترجع زي ما كانت

**yoyomano** · 09-10-2010 04:09 PM

المشاركة الأصلية كتبت بواسطة heshamzaky

عددولة كلمنى النهاردة العربية بتاعتة اتجبطت من الخلف بس الحمد لله جت سليمة الف سلامة للعربية يا باشا و مستنى الصور الى قولت لى عليها و الحمد لله انا جت خفيفة بص الفانوس الخلفى كامل ب 80 من العزبة و ان شاء الله السمكرى يرد ظهر الشنطة فى حالة لا قدر الله انة متبهدل خالص هو ب 100 جنية ما تقلقش ان شاء الله كلة يتلم و تبقى تمام التمام

الف سلامة على العربية يا عدولة معلش المؤمن مصاب ويارب تكون بسيطة

**yoyomano** · 09-10-2010 04:42 PM

الاخوة الاعزاء رجالة التمبرا السلام عليكم ورحمة الله وبراكاته
اما بعد
ايه ال انا بقوله دة هو انا هكتب جواب هههههههههههههه
المهم انا عايز احذركم من شراء مساعدين من عند محل اسمه شركة الفتح فى شارع زكى لأنى للاسف اشتريتهم من عنده وقالى انهم ايطالى وهو المستورد ليهم وكيت وكيت المهم اشتريتهم ب390 جنيه وكان مكتوب عليهم Made in Ietaly وبعد تركيبهم بشهرين او اقل قليلا وجدت احدهم ضرب زيت وبعد ذلك اصبحت السيارة تخبط (تدب) من اقل مطب فى ناحية هذا المساعد مع ان المساعين القدام كانوا مرشحين زيت بس عمرهم ما خبطوا ( دبوا )
محدش بقى عندة مساعد نص عمر مش محتاجه وليه الاجر والثواب ( ايه نظام الشحاتة دة) ههههههههههههه بجد لو حد عندة مساعد معقول انا ممكن اشتريه واكون شاكر
معلش طولت عليكم

**mlav_cbr** · 09-10-2010 05:52 PM

المشاركة الأصلية كتبت بواسطة heshamzaky

معلش يا رجاله يا انا فاهم غلط يا مش مجمع ازاى ال rpm على 5 و 6 و 7 اعتقد الموتور عالى جدا جدا دة بيبقى من 10 الى 15 و العربية واقفة

كتير اوى كدة يا h المفروض بدون تكييف اقصى حاجه 6 او 7 بالتكييف 10 12 لكن اكتر من كدة فى اى حاله العربيه تسخن على طول

**aliit** · 09-10-2010 06:18 PM

المشاركة الأصلية كتبت بواسطة mlav_cbr

كتير اوى كدة يا h المفروض بدون تكييف اقصى حاجه 6 او 7 بالتكييف 10 12 لكن اكتر من كدة فى اى حاله العربيه تسخن على طول

هوا دا كان كلام الميكانيكى لما قولتله عاليها شويه قالى هتسخن وخلاها على 5

**JUVENTUS** · 09-10-2010 07:58 PM

مساء الفل على كل الناس العسل اللي في الرابطة
طبعا انا النهارده نزلت العزبة عشان اشوف موضوع الفاكيوم (الجفرنر)
اول حاجة رحت لفاروق سلمت عليه و سألته ان كان موجود و لا لأ فرد عليا و قالي ان هو نفسه بيدور عليه لعربيته و مش لاقيه !!!!!!!
وقالي انه بيتعمله طقم اصلاح عند واحد اسمه جرجس في شارع شمبليون بس ميعرفش مكانه بالضبط و ده تكلفته تقريبا حوالي 150 جنيه
المهم قلت طالما جيت العزبة اخد لفة و اسأل و مش هخسر حاجة و فعلا لقيته عند محلين بس تمنه 200 عند واحد و 250 عند التاني بصراحة غااااااااااااااااالي اوي و محدش رضي ينزل قرش واحد و في الاخر مجبتوش و هركب الفديم تاني
بالنسبة للجديد منه ب 350 جنيه بس مش عارف المكان فين لان الميكانيكي هو اللي كان دورلي عليه و قالي على سعره لكن انا ممكن اساله عن المكان لو حد حابب يجيبه

**ZALABANY** · 09-10-2010 08:58 PM

بص في واحد مشهور أوي في شبرا اسمه الحاج ابراهيم بتاع الكاربيراتير ده اشهر واحد بتاع ظبط كاربيراتير في مصر اسأل عليه

**heshamzaky** · 09-10-2010 11:10 PM

يا رجالة بالنسبة لل rpm دة كدة و العربية واقفة و مشغل التكيف و الصبح بيزيد شوية اول ما تدور العربية

**heshamzaky** · 09-10-2010 11:11 PM

المشاركة الأصلية كتبت بواسطة eng_tefa

يا رجاله حدش يعرف حد بيفهم بتاع كربرتير
التفويله خلصت وعملت 370 كيلو

المشاركة الأصلية كتبت بواسطة zalabany

بص في واحد مشهور أوي في شبرا اسمه الحاج ابراهيم بتاع الكاربيراتير ده اشهر واحد بتاع ظبط كاربيراتير في مصر اسأل عليه

شوف الكاربراتير المستعمل بكام الاول

-

الموضوع: رابطة مالكي وعشاق التمبرا (الجزء الثاني)

LinkBack

أدوات الموضوع

عرض

-

-

-

-

المواضيع المتشابهه

رابطة مالكي وعشاق التمبرا (الجزء الخامس)

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة