السلام عليكم , ازيكم جميعا ؟ يا رب تكونوا بخير و سعاده ان شاء الله
عندى حوار كده و محتاج digiplex 2 اجرب بيه
لو حد عنده الموديل 474m و عنده استعداد افكه اجرب بيه و هو معايا اكون شاكر جدا , و لو موافق ممكن اقابله فى اى مكان
تحياتى للجميع , و الف الف مبروك للدكتور ضياء و ربنا يتمملك بخير ان شاء الله
فى شوية حاجات كنت عايز اقولها :
انا ما قلتش ان دورة زيت الباور بيتاخد منها هوا بفك الخرطوم , هشام فهمنى غلط , الهوا بيتاخد بانك بتزود زيت و العربية مطفيه و كل حاجة راكبة مكانها و تلف الدركسيون 5-6 مرات من اقصى اليمين لاقصى الشمال , فك الخرطوم بيبقى لتغيير الزيت بس
فى بعض العربيات الكربراتير كانت نازلة بالعمة البلاستيك المستطيلة , و بالتالى مش قاعدة ان كل ابو عمة مستطيلة يبقى انجكشن , فى حاجتين ممكن تعرف منهم الانجكشن من الكربراتير , اولا فى 3 فيش كهربا بتبقى راكبة على ال tb فى الانجكشن ( 2 يمين و واحدة شمال) , و ثانيا مكان سلك دواسة البنزين , فى الانجكشن بيبقى السلك داخل من الجنب و فى الكربراتير بيبقى داخل من قدام
مش كل الموديلات بيبقى فيها لمبة الانجكشن شغالة فى التابلوه , انا عندى موجودة بس مش شغالة , بتبقى شغالة فى الموديل الاحدث اللى فيه microplex
والله والله ليك واحشة والرابطة من غيرك زى العربية من غير موتور وطبعا من غير الدعم الفنى بتاع حضرتك الدنيا بتبقى سايحة ومش متظبطة وبعدين موضوع الديجيبلكس اللى انت عايزة دة انا معزوهوش عنك بس هقول لحضرتك حاجة انا يمكن قولتها هنا على الرابطة قبل كدة كان يا ما كان يا سعد يا...... ايه اللى انا بقولة دة هى حدوتة قبل النوم المهم الديجبلكس اللى كان راكب عندى فى الاصل 474a وكان لما بيسخن بيقطع كهربا خالص المهم دوخت عليه فى الحرفيين والعزبة وملقتهوش وفى الاخر لقيت 474m وجبته وشغال بس حاسس ان العربية مرجعتش زى الاول يمكن يكون مجرد احساس معلش طولت عليك المهم لو عايز تجرب بيه حاجة مش هتأثر عليه أنا تحت أمرك ( متزعلش من الجملة دى بس والله فعلا دوخت على الرقم ده اكتر من 3 شهور ) وانا الان فى الشغل لو عايز تيجى وتجرب أنا تحت أمرك
السلام عليكم , ازيكم جميعا ؟ يا رب تكونوا بخير و سعاده ان شاء الله
عندى حوار كده و محتاج digiplex 2 اجرب بيه
لو حد عنده الموديل 474m و عنده استعداد افكه اجرب بيه و هو معايا اكون شاكر جدا , و لو موافق ممكن اقابله فى اى مكان
معنديش مانع طبعا بس قولي اعرف رقم الدجيبلكس منين و لو هو هقولك انشاء الله و نظبط معاد عشان تجرب
تنبيه عام لكل الرابطه عايزين نعملها عشان الصفحه تبقي اسرع في التحميل
اي حد يحط صورة يرفعها احسن علي image shake عشان فيه في ال option تعديل حجم الصورة image resizing وخليها علي اختيار 320*240 for web sites and email
كده الصورة هتطلع زي مشاركتي في صفحه 317 وتلاقي حجمها صغير مش تحمل كبيره وبعدين تصغر
وشكرا
يا باشا انا بخليها كده عشان لو فيه تفاصيل صغيرة في الصورة لما تكبرها تبان التفاصيل دي
انا لا احبذ ال resize هو كدا كدا المنتدى بيعملها اتوتماتيك
عشان التفاصيل تبقى اوضح على راى يوفنتوس
والموقع دا بقى تعبان اوى فى رفع الصور انا برفع على photobucket اسرع وسرفراته انضف
وفيه مواقع تانيه محارمه اوى وكله بيعمل resize بس مش كويس ال resize دا
لا يا استاذ هشام هي قبل ما اشتريها الراجل قالي العداد باظ وكان وقتها ثابت علي 196 الف كيلو تمام
اما ركبت العداد الجديد لقيتها 198600 كيلو ومتهيألي الفرق ده الشويه اللي العربيه مشيتهم والعداد بايظ
يبقي كده في حاجه بتعد اللي العربيه بتمشيه وملهاش علاقه بالتابلوه ممكن يكون وير زي العربيات القديمه او شريحه بقي مش عارف
بص ياباشا استحاله ومش استحاله من رابع المستحالات انه يكون عدادك والعداد مش على واير العداد بسلك وواصل على ساعه سوداء فى الفتيس دى بتحول من حركه الى ارقام و الارقام اللى عندك دى ارقام العداد مش ارقام عربييته
لانى مغير العداد ولاقيت الكيلوات 52000 طبعا ده مش عدادى ده العداد الجديد بيجى بالقراءه بتاعته
واى استفسار بالنسبه للعداد الديجتال انا جاهز
المفضلات