رابطة مالكي وعشاق التمبرا (الجزء الثاني)

**tamerkhalel** · 06-12-2010 09:43 PM

علي فكره البطاريه الديلكوا كويسه انا كانت معايا في عربيتي الاوبل وكانت شغاله كويس لحد مابعت العربيه

**tamerkhalel** · 06-12-2010 09:44 PM

ازيك يا استاذ هشام كل سنه وانت طيب

**heshamzaky** · 06-12-2010 09:45 PM

المشاركة الأصلية كتبت بواسطة hossny2003

لمؤاخذه يعنى ده راجل ....... الديلكوا اثبتت نفسها انا معايا ال 70 امبير بقالها دلوقتى سنه و 7 شهور ومافيش اى شكوى وكفايه انها جافه وضمانها استبدال فى اى وقت فى سنه الضمان دون اى مقابل

بص يا حسنى الراجل دة أنا أعرفة كويس و بثق فية و حا أقولك النوعين عندة و هو معرفة كويسة لان المحل بتاعة جنب بيت أخويا و بنتعامل معاة و لعلمك أنا ركبت البطارية و قولت لة حا أحاسبك بعدين قالى عيب و مشيت و السلام و دة شكل الديلكو هو قالى دى موجودة و أرخص بس أنا عارف ان ساعات بيكون فيها مشاكل و ساعات بتبقى كويسة جابلى الدفتر و قعد يورينى مبيعاتة و باعها بكام و المرتجع منها كام واحدة و فى النهاية أنا الى اخذت القرار و قولت لة ركب الكورى لآنى مجربها 3 مرات قبل كدة و أدى صورة الديلكو يا عم

**heshamzaky** · 06-12-2010 09:46 PM

المشاركة الأصلية كتبت بواسطة tamerkhalel

ازيك يا استاذ هشام كل سنه وانت طيب

و أنت طيب يا باشا و سنة سعيدة و السنة الجاية على عرفات بأذن الله

**tamerkhalel** · 06-12-2010 09:47 PM

ياباشا ربنا يخلي ونكونا جماعه انشاء الله

**heshamzaky** · 06-12-2010 09:51 PM

و دى شكل البطارية الى كانت عندى و الى جبتها بس دى 62 أمبير بس قوية بدليل ان ال 55 أمبير بتاعتها كانت مشغلة التمبرا كويس جدا سنة و نصف تقريبا و لسة ما ماتتش خالص

**tamerkhalel** · 06-12-2010 10:02 PM

علي فكره يا استاذ هشام انا وصلت للعيب اللي كان في الموتور انه بيعلا ويوطا طلع حساس الماف اللي راكب علي سدر العربيه وفي خرطوم رفيع واصل للرشاشات غيرته والعربيه اتظبطت

**zago** · 06-12-2010 10:11 PM

المشاركة الأصلية كتبت بواسطة heshamzaky

و دى شكل البطارية الى كانت عندى و الى جبتها بس دى 62 أمبير بس قوية بدليل ان ال 55 أمبير بتاعتها كانت مشغلة التمبرا كويس جدا سنة و نصف تقريبا و لسة ما ماتتش خالص

دي بقى بكام ؟؟
اللي انا جبتها 70 امبير علشان الاوبل 2000 سيسي
وجبت العاديه لسببين
اولا انها ارخص
ثانيا الاتنين ضمانهم سنه فمش حتفرق لانها كده كده بعد سنه حتكون ماتت ادفع زياده ليه بقى؟؟

**heshamzaky** · 06-12-2010 10:19 PM

دى كانت ب 430 من شهر النهاردة ب 500 جنية و ال 55 أمبير كنت جايبها ب 380 النهاردة ب 450 جنية

**heshamzaky** · 06-12-2010 10:21 PM

المشاركة الأصلية كتبت بواسطة tamerkhalel

علي فكره يا استاذ هشام انا وصلت للعيب اللي كان في الموتور انه بيعلا ويوطا طلع حساس الماف اللي راكب علي سدر العربيه وفي خرطوم رفيع واصل للرشاشات غيرته والعربيه اتظبطت

انا مش متخيل الشكل ممكن تصورة و تورينى شكلة لانى مش عارف انهى واحد الى قصدك علية بص حا أوريلك صورة لموتور كدة و قولى دة الموتور بتاعك و لا لآ