الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة eng_tefa

طب والله فكره رائعه ممكن اعملها وابسط من كدا مش لازم الجهاز العملاق دا ممكن نخليها حركه واحده معينه وخلاص
اوك هضمها للموسوعه

تيفا انا نسيت احكى انا النهاردة بعد الفطار عديت على الكهربائى بتاعى كنت بعمل تعديل بسيط كدة بكرة اصورة و اقولة و لقيت عندة عربية 131 كان مركب فى التابلوة بتاعها لمض ليدات بس معمولة نظيف جدا لونها أزرق جميل سألتة دى بكام قال لى الشريط دة ب 20 جنية و 20 جنية مصنعية يعنى الاجمالى 40 جنية يا باشا بص انا شوفت ليدات فى التوفيقية من أول 7 جنية الى 25 جنية بس الكهربائى بقى عارف بيعمل اية بفكر أعملها بس عاوز لون برتقالى مش أزرق

ايه اللى جاب مصر الجديده - مش قولنا نجيبها من الوكيل بتاعها - منا عندى بتتباع هنا بس اخاف اجيبها من محل عادى يمكن تكون قديمه و مركونه ولا مضروبه

المشاركة الأصلية كتبت بواسطة mikology

بص يا اتش انا نقصنى حاجتين فى العربيه يتعملو لو عملتهم و مابعتش - مش هتعدى منى ابدا !! نيها نيها نيها نيهااااا

يا باشا انا ما عدتش شطارة منى لا سمح الله بس دى يا ميكو كان فرق فى ظبط الموتور أنا بس بنكشك و اسخنك يا معلم و و الله يا ميكو ماشاء الله الموتور الانجيكشن فى التمبرا و الله أقوى من الموتور العادى علميا دة كلام مصاطب بس فعليا دة الى بيحصل كل ما أجر شكل أى حد فى الشارع و اشد معاة و ساعات الواحد بيفتكر ايام الشقاوة و شعار عفاريت الاسفلت خصوصا لو كان غلش عليا او رمى عليا بس مش من الباب لل طاق كدة

المشاركة الأصلية كتبت بواسطة mikology

ايه اللى جاب مصر الجديده - مش قولنا نجيبها من الوكيل بتاعها - منا عندى بتتباع هنا بس اخاف اجيبها من محل عادى يمكن تكون قديمه و مركونه ولا مضروبه

يا عم من غير ضرب حا أجيبهم ووعد شرف لو جبتهم حا يكون من المحل بتاعهم الى فى شارع رمسيس

بص انا شايف ان المواتير دى حلو قوى لحد 100 بعد كده التجميع بيقل بشكل ملحوظ - عززمها شديد بس عدد الاحصنه صغير

ميكو بجد انت ناوى تعمل اية يعنى اية الى عاوز يتظبط بس مبدئيا لو الانجيكشن البوابة منورة يعنى مش محكومة العربية حا تاكل بنزين و ما بتبقاش مظبوطة الا فى السرعة الكبيرة الثابتة على طريفق مفتوح يعنى و الله أعلم

صحيح سؤال - انا لما باخد ملف على 50 كده مثلا بحس ان العربيه بتميل بشكل غبى - ده طبيعى ولا لأ ؟؟
شكلى كده هاروح لعشجى بيفهم قريب - بس بعد ما اركب الجنوط و الكاوتش

لا مابتاكلش - انا روحت بوسعيد ب 15 لتر مع التكييف - ده كده كويس ؟؟