رابطة مالكي وعشاق التمبرا (الجزء الثاني)

**heshamzaky** · 21-08-2010 03:47 AM

ميكو مساء الفل يا باشا بس مكنتش عارف أرفع صورة البار الامامى الحمد لله بسيطة جدا يا باشا و بص بقى يا معلم عملت تعديا فى الكهرباء سهل جدا خا أقولك علية بس بنزل الصور و التعديل دة حا يفيد العربيات الانجيكشن تحديدا لانها بتستهلك كهرباء شوية زيادة يعنى العيب دة عند عم جاليليو الى مش معبرنا خالص بس يالا حا اقولة

**heshamzaky** · 21-08-2010 03:55 AM

نداء الى السيد العضو جاليليو انت فين يا جاليليو مختفى لية لو فية خط اكبر من كدة كنت عملتة علشا تشوف المشاركة دى و ترد يا باشا أرجو توجية هذا النداء من كل محبين جاليليو الى جاليليو بدل ما اجيلك عند البيت و أعملك أزعاج بالكلاكس

**kdosoki** · 22-08-2010 12:20 PM

المشاركة الأصلية كتبت بواسطة heshamzaky

نداء الى السيد العضو جاليليو انت فين يا جاليليو مختفى لية لو فية خط اكبر من كدة كنت عملتة علشا تشوف المشاركة دى و ترد يا باشا أرجو توجية هذا النداء من كل محبين جاليليو الى جاليليو بدل ما اجيلك عند البيت و أعملك أزعاج بالكلاكس

انا هاجى معاك يا هشام
الكلاكس بتاعى تمام

**heshamzaky** · 21-08-2010 04:03 AM

انا خايف لحسن الرابطة تتحسد الله أكبر و الحمد لله [youtube]http://www.youtube.com/watch?v=BtZ0dddXFTM&feature=search[/youtube]

**mikology** · 21-08-2010 04:07 AM

جاليليو شكله مطحون فى الشغل - الله يعينك يا ريس - بس حن علينا بكلمه احسن اجيلك بال 66 ك ههههههههههههههه

**heshamzaky** · 21-08-2010 04:26 AM

المشاركة الأصلية كتبت بواسطة mikology

جاليليو شكله مطحون فى الشغل - الله يعينك يا ريس - بس حن علينا بكلمه احسن اجيلك بال 66 ك ههههههههههههههه

و انا أول المؤيدين انت فين يا جاليليو واحشنا يا باشا

**galilio_mad** · 22-08-2010 01:40 PM

المشاركة الأصلية كتبت بواسطة mikology

جاليليو شكله مطحون فى الشغل - الله يعينك يا ريس - بس حن علينا بكلمه احسن اجيلك بال 66 ك ههههههههههههههه

حبيبى ميكو , فعلا الشغل واخد كل وقتى اليومين دول

المشاركة الأصلية كتبت بواسطة zalabany

السلام عليكم
ازيكم يا شباب يارب تكونوا بخير كلكم
انا شكلي مقبل على اسطوانه وديسك عشان العربية بترجرج في الطلعة عندي جامد

تربيط العفشه عباره عن ايه وايه هي الصواميل والمسامير اللي بتتربط ياريت صورك بأه ياعم هشام وايه هس العده اللي محتاجينها للتربيط مش عارف طالبه معايا اشتغل بايدي

زلابانى باشا , سؤال , هل الرجرجة و العربية باردة و لا سخنة و لا سخنة و واقفة كتير ؟؟؟؟؟

بالنسبة لتربيط العفشة ,

4 مسامير 15 اللى ماسكين المقص فى القنطرة
2 صامولة 17 بتوع صباع الميزان , و احدة افقية وواحدة رأسية
2 مسمار 13 اللى ماسكين علبة الدركسيون فى القنطرة
2 مسمار 17 بتوع المساعد من تحت + 3 مسامير 13 بتوع البطاحة من فوق
1 مسمار 17 ( و فى بعض الموديلات القديمة 13 ) بتاع بيضة المقص
4 مسامير 13 بتوع الميزان ( اللى ماسكين الكاوتشة )

قواعد الموتور فى جسم العربية راكبة بمسامير 13 , المسمار الطويل يا 17 يا 19 مش فاكر بالضبط

**adelco** · 22-08-2010 01:50 PM

المشاركة الأصلية كتبت بواسطة galilio_mad

حبيبى ميكو , فعلا الشغل واخد كل وقتى اليومين دول

زلابانى باشا , سؤال , هل الرجرجة و العربية باردة و لا سخنة و لا سخنة و واقفة كتير ؟؟؟؟؟

بالنسبة لتربيط العفشة ,

4 مسامير 15 اللى ماسكين المقص فى القنطرة
2 صامولة 17 بتوع صباع الميزان , و احدة افقية وواحدة رأسية
2 مسمار 13 اللى ماسكين علبة الدركسيون فى القنطرة
2 مسمار 17 بتوع المساعد من تحت + 3 مسامير 13 بتوع البطاحة من فوق
1 مسمار 17 ( و فى بعض الموديلات القديمة 13 ) بتاع بيضة المقص
4 مسامير 13 بتوع الميزان ( اللى ماسكين الكاوتشة )

قواعد الموتور فى جسم العربية راكبة بمسامير 13 , المسمار الطويل يا 17 يا 19 مش فاكر بالضبط

السلام عليكم
ازيك يا جاليليو يا اللى مش واحشنى خالص
بس عارف انا بس كنت واحشنى عشان اقولك انك مش واحشنى يعنى انا واحشنى انى اقولك مش واحشنى خالص
كل سنه وانت طيب
وحمد الله على السلامه
وشكرا على المعلومه القيمه

**heshamzaky** · 21-08-2010 04:17 AM

بص بقى يا باشا انا لاحظت انة فى بعض الاوقات العربية عندى تيجى تدورها ما تدورش و ساعات بتغلس , أضطر أديلها زقة خفيقة كدة و بتدور على طول و الموضوع دة برضو بيحصل فى عربية جاليليو مرة كنت راكب العربية عندة و عملتها و طبعا أنا زقيت و عمك جاليليو باشا ههههههههههه هو الى كان راكب بس طبعا علشان يرمى و العربية دارت فى تانية المهم العيب دة ساعات بيحصل بس العربية تقيلة زى الداهية و مش سهل تزقها أبدا لوحدك لازن نفرين مش فرد واحد المهم قلت للميكانيكى الى قريب منة قالى ما تدورش وورينى العربية عارف عمل أية جاب كابل كهرباء ووصلة من البطارية لجسم العربية عمل أرضى يعنى دارت زى الطلقة المهم قال لى كدة نعمل تقوية لل الارضى بس كان عاوز يقص كابل البطارية الاصلى قولت لة لآ لآ لآ و رحت لكهربائى انا بتعامل معاة من زماااااااااااااان طلعت عينة بصراحة و موتة شغل قالى أشترى كابل كهرباء نوع نظيف و عدد 2 اكوص ((( أكوص )))) حا تشوفة فى الصور حلقى مدورة وبتتلف على السلك و بعدين المفاجأة التمبرا بها أساسا أرضى راكب بمنتهى النظافة بتاع الفابريكا و هو عبارة عن سلك كهرباء تخين متوصل فى جسم العربية و مربوط بمسمار فى جسم العربية و متوصل للبطارية المهم قلت لة ركب تقوية زيادة جبت نص متر سلك نوع السلك أسمة حجازى المتر ب 23 جنية و عدد 2 أكوص ب 3.50 يعنى الاجمالى 15 جنية وتم فك المسمار الى راكب فية الارضى بتاع العربية كلها و ربطة من الناحية الاخرى فى جسم العربية ربطة فى المارش بص الصور كدة أول صورة ال أكوص هههههههههههه اسمة يضحك فعلا