صباح الفل على رجالة التمبرا
النهرده الصبح العربية اتخبطت تاني مش عارف ايه الحكاية اليومين دول
كنت ماشي على مهلي و مدي اشارة يمين و ابتديت الف و لقيت واحد بميكروباص سوزوكي دخل فيا من ورا
و الاكصدام و الشنطة دخلو لجوة من شدة الخبطة و لما فتحت الشنطة مرضيتش تتقفل تاني
المهم الناس قعدو يقولولي خلاص دي عربية شركة و ده راجل غلبان لكن انا صممت على موقفي و قلت لازم هيصلحلي العربية لان اللي فيها مش بسيط
بعدها اخدت اللي خبطني و رحنا لسمكري في الحي السابع و رد الشنطة و الاكصدام على البارد و خد منو 150 جنيه
الحمد لله العربية رجعت زي ما هي بنسبة 75% و اللون مطلعش و البوية زي ماهي و لكن الشنطة باين عليها اثار الخبطة
و اخبرا الحمد لله على كل حال و هو الذي لا يحمد على مكروه سواه
و اسف وجعت دماغكو بقا