طيب معلش بقى ركز معايا يا كبير
دلوقتي الميكانيكي بتاعي ربنا ياخده لما غير البلي بتاع العجل راح الصوت خالص
لكن دلوقتي بسمع صوت صفير جاي من الفرده اللي ورا شمال
بصيت تحت العربيه لاقيت خرطوم زيت الفرامل تقريبا بيخك في العجل علشان مفكوك من الحته اللي بيكون مكبوس فيها
رجعته مكانه وربطه بحزام بلاستيك احتياطي والصوت راح
لكن كل فتره بسمح صرير واطي اوي بييجي ويروح
يبقى البيل وحش ولا الحمار ركبه غلط؟؟ مع ملاحظه انه جايب بلي الماني
تاني حاجه من ساعه ما غيرت طقم الدبرياج العربيه بتنقط زيت فتيس بس بسيط قوي يعني كل يوم ببص تحتيها الاقي 5 نقط مثلا قلتله قاللي اغسلها من تحت واجيبهاله
ده يبقى ايه ؟؟ عيب من تقفيل الفتيس تاني بعد ما فكه ولا عايز جوان مثلا ولا اضرب الراجل بالشاكوش وخلاص؟؟
تالت حاجه ساعه ما ظبطت التاكيهات بتاع التاكيهات قاللي الجوان بتاع الشكمان منفس سنه
رخت لبتاع الشكمان غيره ب 20 جنيه
بعديها العربيه بقت بتطلع ريحه عادم رحتله تاني قاللي الفرن مش عارف فيه ايه والميكانيكي هو اللي بيصلحه
وديت العربيه للميكانيكي وسيبتها لما رحت اجيبها قاللي انه فك الفرن تقريبا وخرط مش عارف ايه وغير جوانين والحساب كان 90 جنيه ( عالجزمه )
بعديها الريحه فضلت موجوده رحتله راح مغير بكات الكربراتير والريحه راحت
لكن دلوقتي اكتشفت انها موجوده على بسييييييط وبتظهر لما اكون مسرع بعدين أهدي بعدين اسرع تاني

انا النهارده قلت الكلام ده للميكانيكي وقلتله حجيبلك العربيه يوم الجمعه تعملها وقلتله ان الموتور بقى خشن من ساعه الصبابات والتاكيهات وقلتله حستلم منك العربيه عالشعره
حد عنده نصائح في اللي قلته ده ؟؟
وعلى فكره العربيه ماشي بيها عادي وبتشد وكله تمام بس بقيت احس الموتور خشن ومخنوق منها بصراحه