لانسر سوبر أكشن وأوكتافيا A5 "فروق حقيقية"

**scream11** · 05-03-2008 01:23 AM

أهلا بيكوا يا رجالة اللانسر
أنا زكي من اسكندرية
أنا معايا لانسر سوبر أكشن موديل 2007لونها أبيض بس هي ملاكي القاهرة عشان أنا شاريها مستعملة
السيد الوالد معاه أوكتافيا A5 موديل 2006 فضي
قبل ما أجيب العربية اللانسر كنت باخد الأوكتافيا كتير وكنت باموت فيها لانها عربية مالهاش حد
وده كان من وجهة نظري وقتها
بس دلوقت حسيت ان في فروق كتير بين الاتنين وان مفيش عربية فيهم كاملة
أولها السحب العالي جدا وال DS اللي مافيش مقارنة بينه وبين الأوكتافيا
وأظن ده له سببين
الأول وزن وحجم الأوكتافيا اللي بيخلي الموتور ال1600 قليل جدا لكن ال1800أكيد هيبقى أحسن كتيرعليها بعكس جسم اللانسر اللي أقرب للأرض وأخف كتير من الأوكتافيا
السبب التاني أفتكر انه الموتور لأن موتور اللانسر 122 حصان لكن الأوكتافيا 107 بس وده طبعا بيفرق كتير في السحب
اللانسر تفوقت في السحب لكن تراجعت في استهلاك البنزين
أنا بحس اني ماشي في صحرا والعربية على طول عطشانة ، وحش مش بيشبع بنزين بجد اللانسر بتاكل بنزين علما بأنها مش عاملة غير 13000 كيلو والأوكتافيا عاملة 50000 كيلو !!
الفرامل في الأوكتافيا أحسن وأكيد الاضاءة أو النور الأمامي أنا باستغرب لما باشوف لانسر مش مركب جهاز زينون
الكاسيت اللي في اللانسر وال cd changer يضربوا الكاسيت بتاع الأوكتافيا بالجزمة
العفشة بتاعت الأوكتافيا أشد
أسعار قطع غيار اللانسر أقل كتير من الأوكتافيا
وعموما أنا بحب اللانسر دلوقت وباحترمها جدا وباحترم الشكل الرياضي ده جدا واللون الأبيض عليها تحفة تحفة تحفة مع اني عمري ما حبيته على عربية تانية وكنت عايز أسود بس فعلا الأبيض مميز عشان مش منتشر ورياضي أكتر كتير خصوصا مع السبويلر وفتحة السقف والdevil و النواكل في العجل والمقابض والفوانيس الغامقة
آخر حاجة أحب أقول ان سعر اللانسر الشكل ده ممتاز جدا بالنسبة للأوكتافيا لأنها عاملة 120 ألف جنيه الكاملة الأوتوماتيك سوبر أكشن و حط انت زينون و شوية ترويش صغيرين تبقى تمام جدا جدا جدا جدا
أنا جبت عربيتي عاملة 10000 كيلو بالزينون و النيكل ب105 ألف جنيه وشايف انه سعر معقول جدا بالنسبة لحالتها الزيرو بس ممكن أبيع برده على 107 :):D:D:)
كنت عايز أسأل على اسم ومكان أحسن مركز صيانة هنا في اسكندرية علما بانها خليجي
حبيت بس أقول رأيي وأعرفكوا بيا وأحب أتعرف عليكو وأشوف آراءكوا اللي استفدت منها كتير ودايما للأمام رجالة اللانسر

**crazylambada** · 05-03-2008 01:33 AM

مع احترامي الكامل لحضرتك
مينفعش تقارن ما بينهم لان دي فئة و دي فئة
يعني ما ينفعش اقارن الجولف ب الاوكتافيا و لا الجين 2 ب الجيتا
لان كل عربية تنزل بيبقى موجهة لفئة عمرية معينة
و حضرتك بتقول فرق سعر
لا في فرق سعر جامد ما بينهم السوبر اكشن بكام
و الاوكتافيا المانيوال بكام
و حوار الكاسيت معلش ما هو في موديل الاليجانس اللي كاسيت 6 اسطوانات في رايي احسن من اللنسر
انتا قارنت اعلى فئة في لانسر و اقل فئة في الاوكتافيا في الاول و الاخر
مفيش وجهه للمقارنة

**johnyweb** · 05-03-2008 03:11 AM

mabrok ya basha 3ly el lacer mafesh sora keda lel3arbya tefrgna 3aleha shw2tna ya pacha

**nobody** · 08-03-2008 05:32 PM

فعلا معاك كامل الحق في موضوع استهلاك البنزين صحابها بيشتكوا من الموضوع ده جامد
واللون الأبيض على اللانسر الرياضية فعلا رائع

**CryptonX** · 08-03-2008 05:45 PM

المشاركة الأصلية كتبت بواسطة crazylambada

مع احترامي الكامل لحضرتك
مينفعش تقارن ما بينهم لان دي فئة و دي فئة
يعني ما ينفعش اقارن الجولف ب الاوكتافيا و لا الجين 2 ب الجيتا
لان كل عربية تنزل بيبقى موجهة لفئة عمرية معينة
و حضرتك بتقول فرق سعر
لا في فرق سعر جامد ما بينهم السوبر اكشن بكام
و الاوكتافيا المانيوال بكام
و حوار الكاسيت معلش ما هو في موديل الاليجانس اللي كاسيت 6 اسطوانات في رايي احسن من اللنسر
انتا قارنت اعلى فئة في لانسر و اقل فئة في الاوكتافيا في الاول و الاخر
مفيش وجهه للمقارنة

انا فاهم قصدك و فاهم انت عايز تقول ايه
بس انت استعنت بمثال سيء :)

الاوكتافيا هي هي الجولف و الجولف هي هي الجيتا :)
شاسيه واحد - موتور واحد
باستثناء ان الجولف هاتشباك - السيارتين نفس الشيء وتمنهم لو تلاحظ قريب جدا .

**CryptonX** · 10-03-2008 11:02 AM

الموتور الواحد ( المطروح في مصر ) و هو ال 1600 108 حصان
هو هو في الجيتا و الاوكتافيا و الباسات و الجولف .

فعلا من ناحية العمرية " عندنا " بس مش برة
لأن الهاتشباك لا تعتبر سيارة شبابية الا في الدول العربية !

انما باقي دول العالم السيارة الشبابية = تساوي سيارة كوبيه - سيارة رياضية - او سيارة "Hot Hatc" و هي بتبقى النسخة الرياضية من نفس السيارة ( Golft R32 - Civic R-type - Astra VXR ) و هكذا .

**مازن الطويل** · 14-03-2008 02:14 AM

انا معايا لانسر سوبر اكشن 2008 الشكل القديم وبتعمل 240كيلو في الصفيحة _انا شايف ان دا استهلاك حلو بالنسبة لعربية اتوماتيك ولا اية

**Ahmed Hassan** · 14-03-2008 03:16 AM

المشاركة الأصلية كتبت بواسطة CryptonX

انا فاهم قصدك و فاهم انت عايز تقول ايه
بس انت استعنت بمثال سيء :)

الاوكتافيا هي هي الجولف و الجولف هي هي الجيتا :)
شاسيه واحد - موتور واحد
باستثناء ان الجولف هاتشباك - السيارتين نفس الشيء وتمنهم لو تلاحظ قريب جدا .

الشاسيه مش واحد في حاله OCTAVIA A5.
OCTAVIA A4 & Golf نفس الشاسيه

و تقريبا برضو الـ JETTA نفس شاسيه A5 بس دي مش متأكد منها 100%