ربنا يغفرله ويرحمه ويرحم جميع المسلمين
وربنا يقدرك تربى بنتك وتفرحى بيها ان شاء الله
رقم العضوية : 77721
تاريخ التسجيل : 15Aug2010
المشاركات : 24
الحالة :
انا مش عارفه أقول ايه قبل اى حاجه كل عام وانتم بخير
أنا زوجه محمد جمعه أنا كنت بثق فى زوق محمد وإختياره لاى شئ من غير تردد بس تعرفوا عرفت أن زوقه راقى قوووووووووووووووووى تحديدا لما مات ولقيت فى ناس كتير قوى كدا عارفين أنه مات ومازالوا بيسألوا عن الباقى منه
اللى هوا انتم طبعا
بالمناسبه انا شوفت المواضيع اللى عملتوها
عن محمد أو مريم ومش عارفه اكتب ايه بس عايزه اقولكم شكرا
أنا عرفت محمد جمعه وأنا بدرس فى جامعه المنيا وكتبت كتابى سنتين واجوزت بعد الزفاف تسع شهور وكانوا أجمل تسع شهور المهم إن فى خلال الفتره دى عمرى مافكرت اقوله على حاجه لا او اعمل حاجه يكون نفسيا مضايق منها
فبعد أذنكم أسمحولى اشكركم مره تانيه واقولكم بلاش موضوع طلب فلوس او هدايا من اى حد لان دا هيزعل حمو حبيبى اصل انتم ماعندكمش فكره هو اقد ايه كان حساس وبرئ اسألواالأستاذ سامح والاستاذ هشام وغيرهم من الناس اللى كانوا بيجوا القصر العينى دا حتى التبرع بالدم كان رافض كنت بسأله ليه ياحمو مش دول صحابك ولازم يساعدوك كان يقولى وعشان هم صحابى مش عايز حد فيهم يتشك بأبره عشانى أصل مش عندك فكره أنا بحبهم أقد ايه ...........اللى اقصده إنى مش عايزه حد يكلف نفسه بحاجه غير لما لاقى نفسى فعلا محتاجه لها وبعد مازور حمو واستأذن منه أن هعمل كذا وتأكدا من دا كويس لأن أنا اصلا مليش حد بعد ربنا ثم أنتم نايل موتورز وكمان لأن حمو مش سامح لى أكلم حد غيركم وكلام محمد على رقبتى سيف
أنا قررت أنى أقعد فى المنيا بمريم فى شقتى لمده سنتين وبعدين أسافر الكويت لسببين عشان اشتغل وعشان أنا عندى أخ المهندس وليد مش موافق على وجودى فى المنيا بعد موت حمو ...........شايف ان خلاص مش لى حاجه تانى هنا الراجل ومات وأن 24سنه مش كتير على أنى أبدء حياه جديده ................أحتمال يكون كلامه صح بس مش قادر يفهم أن الراجل اللى مات سايب من الذكريات والمحبه اللى يغطى عمرى اللى فات وعمرى اللى جاى .................هو بس منتظر وفاه بابا عشان يبقى هو اللى يحكم على ..نفسى ربنا يهديه ويبعده عنى.فلما أبقى فى دوله تانيه مش هيقدر يوصلى لأنه جماعات أسلاميه وممنوع يسافر بره...........المهم أدعوا لى أن ربنا يباركلى فى مريم وأقدر اعمل معاها اللى ملحقتش اعمله مع حمو .........حاجات كتييييييييييييييييير كان نفسى فيها وعملها لى بس أنا مش لحقت أعمله أى حاجه يارب يكون مسامحنى قولوا ..........أمين.أبسط حاجه كان نفسه يسافر عند أهلى فى أسكندريه عشان كان جايب لهم هدايا من الكويت بس أنا رفضت لأنه كان بيسوق بسرعه جدا خوفت من مواصلات الطريق الصحراوى السريعه خوفت يعمل حادثه ويموت منى وأنا مليش غيره رفضت.........كان نفسه انقله من العنايه من على السرير اللى مات عليه عشان كان بيتشاءم منه لأنه بيفكره بالجرعه الاولى من الكيماوى وبرضه رفضت عشان العنايه جوها كويس وعشان المناعه ماتنزلش وياخد عدوه ويموت منى بس والله ماكان قصدى ازعله ..........كان نفسه يشوف ابنه بس معرفتش اولد فى السابع ........ياااااااااااااااااااا ااااااااااااه وكان وكان وكان بس مالحقتش ....... ادعولى ربنا يقدرنى على تربيه وتعليم مريم بالتربيه الحسنه عندى أمل أقابل محمد فى الجنه مش معقول أن ربنا هيحرمنى منه دنيا وأخره ..........هو الأكيد ان حمو هيدخل الجنه لأنه كان ملاك فى صوره إنسان والملاك عمره مايأذى حد لكن اللى مش متأكده منه إن أنا أدخل الجنه .................................المهم أنا بهنيكم تانى بالشهر الكريم....................ياجماعه كان في واحد من الزملاء جاء القصر العينى وأعطنى 500ج وقالى لما تخرجوا هبقى أخدهم أنا طبعا مش فاكره أسمه بس هو عارف نفسه ياريت يكلمنى على الموبايل ضرورى أو حتى يبعت لى عنوانه لرد الامانه ضرورى اصل ممكن محمد يكون بيتعذب بيهم وانتم عارفين هو أتعذب بما فيه الكفايه فى الدنيا وشكرا ليكم
رقم العضوية : 7272
تاريخ التسجيل : 10Mar2008
المشاركات : 1,084
النوع : ذكر
الاقامة : مصر وطنى .. الشرقيه بلدى .. الزقازيق مدينتى
السيارة: لسة بفكر فى البوجاتى
السيارة[2]: بفكر فى بوجاتى
الحالة :
ربنا يغفرله ويرحمه ويرحم جميع المسلمين
وربنا يقدرك تربى بنتك وتفرحى بيها ان شاء الله
I Need A Job
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
ربنا يرحمه و يغفر له
وباذن الله ربنا يجعل فى بنتك البركه و يبارك ليكى فيها و يقدرك على تربيتها
حضرتك عارفه اننا هنا كلنا اخوات
وحضرتك لو تأمرى بأى حاجه كلنا نتمنى المساعده
ورمضان كريم :) و سلميلنا على الانسه مريم الصغنطوطه :)
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 19019
تاريخ التسجيل : 15Sep2008
المشاركات : 3,697
النوع : ذكر
الاقامة : Assiut
السيارة: Peugeot 504 Mo.79 GR
السيارة[2]: Skoda Octavia 2013 M/T
دراجة بخارية: ...
الحالة :
انتي ست بـ 1000 راجل مش بـ 100 بس
بالمناسبه انا هقول حاجه محدش يعرفها هنا في المنتدي او يمكن اول مره تيجي سيريتها
الجمله الي في توقيعي دي من قبل رمضان تقريبا باسبوع
الجمله موجهه لاتنين ا/محمد جمعه واحد منهم
لان في جماعه زمايلنا كانوا بيتالموا من صورة محمد لما كانت في توقيعي لانهم بيعزوه فعلا
فبعدها غيرت التوقيع بس لما رمضان قرب واتوفي شخص عزيز عليا قبل رمضان باسبوع
وقتها ا/محمد اول واحد خطر علي بالي
وعلشان كده كتبت الجمله دي او قبلها بشويه
ربنا يكرمك و يكرمك بالجنه مع اعز انسان مشفتهوش بس عيطت عليه اكتر من عياطي علي اهلي الي من لحمي ودمي
A.Yakout
معلش نسيت حاجه
ياريت تبعتي للاداره تغير عنوان الموضوع
بعنوان تاني يدل علي محتواه
اعضاء كتير هيتبسطوا اوي لما يعرفوا ان الموضوع ده من اختنا وزوجة صديقنا
A.Yakout
رقم العضوية : 11106
تاريخ التسجيل : 20May2008
المشاركات : 5,343
النوع : ذكر
الاقامة : الزقازيق
السيارة: صني 2008-لانسر 99
السيارة[2]: تيدا هاتشباك HL-سيريون S
دراجة بخارية: مبحبهاش
الحالة :
الله يرحمه ويغفر له
وربنا يقدرك ويكرمك ان شاء الله
سبحان الله وبحمده سبحان الله العظيم
رقم العضوية : 23700
تاريخ التسجيل : 30Oct2008
المشاركات : 829
النوع : ذكر
الاقامة : المنصوره
السيارة: بروتون waja
السيارة[2]: لانسر كريستاله 99 اوتوماتك
دراجة بخارية: لا ارغب بعرضها
الحالة :
ربنا يبارك فيكى و فى بنتك الجميله مريم و يجمعك بمحمد ان شاء الله فى الجنه مع النبى محمد
ويكرم مثواه و يقدرك على تربيه بنته و الحقيقه محمد ترك فراغ كبير جدا و دائما ما نتذكره بكل خير
وكل عام و انتم بخير
حبيبه بابا
مريم
رقم العضوية : 20212
تاريخ التسجيل : 26Sep2008
المشاركات : 293
النوع : ذكر
الاقامة : EGYPT
السيارة: NOT NOW
السيارة[2]: PEUGEOT 505
دراجة بخارية: NO
الحالة :
اللهم ارحمه و اجعل مثواه الجنه , حضرتك افتكريه دائما بالخير و انتهزي فرصه الشهر المبارك و اكثري من قراءه القرآن له و ايضا من الصدقات , و ربنا يهدي لك اخوك .
zozoderaz سابقا
رقم العضوية : 57682
تاريخ التسجيل : 02Jan2010
المشاركات : 995
النوع : انثى
الاقامة : القاهرة
السيارة: مافيش تاني :)
السيارة[2]: Gen 2
دراجة بخارية: :)
الحالة :
مش عارفه اقولك ايه
بجد خلتيني اعيط من كلامك
مش هقدر اقولك غير ان ان ربنا يرحمه و يغفر له و يجعل قبره روضه من رياض الجنه و يجعل مرضه تكفير له و رفع لدرجاته في الجنه
و يبارك لكي في مريم و يا رب يحفظها من كل شر و يسخر لها و لكي كل عباده و يبعد عنكم شرور الانس و الجن و تشوفيها احلي عروسه في الدنيا
و ان شاء الله محمد الله يرحمه يكون مات و هو راضي عنك و يا رب يصبرك علي بعده
رقم العضوية : 8697
تاريخ التسجيل : 10Apr2008
المشاركات : 9,041
النوع : ذكر
الاقامة : alex
السيارة: فيات الجديده
السيارة[2]: فيات القديمه
دراجة بخارية: شبرا فيات
الحالة :
ربنا يرحمه ويرحمنا جميعا ويدخله ويدخلنا جميعا جناته
وربنا يباركلك فى مريم
رقم العضوية : 3043
تاريخ التسجيل : 06Nov2007
المشاركات : 852
النوع : ذكر
الاقامة : طنطا
السيارة: سوزوكى siaz
السيارة[2]: لانسر بومه sam 2006
دراجة بخارية: لا يوجد
الحالة :
الله يرحمك يا حمو
كل سنه وأنتى بالف صحه وسلامه ومريومه بخير وان شاء الله ربنا يكرمك وتفرحى بولادها وأحفادها كمان
ويقويكى ويبعد عنك كل شر
أنتى ست بمليون راجل مشفتهومش فى الزمان ده
@ إن الله لغنى عن العالمين @
سأصبر حتى يعجز الصبر عن صبرى ،و أصبر حتى يأذن الله فى أمرى ، و أصبرحتى يعلم الصبر أننى صابر على شئ هو أمر من الصبر
لشراء أستيكر المنتدى فى الغربيه 0111019565
المفضلات