انا و صاحبى بعد صلاة التراويح طلعنا نتمشى شوية على البحر و كنا رايحين المنتزه

وعند سان ستيفانو صاحبى بطنه وجعته و عاوز يروح الحمام ضرورى

فركن العربية فى الشارع الى جنب المول صف تانى و مشغل الانتظار و نزل يروح الحمام و قالى خلى بالك لو الونش جه

وللحظ الجميل جالى تليفون و سرحت ومفيش خمس دقايق و الاقى العسكرى جى بيقولى فين رخص العربية فقلتله خلاص انا ماشى فقال لى طيب هات رخصتك انت فقلتله ليه يعنى فقال لى طيب تعالى كلم الباشا

فصاحبى رجع و جه معايا علشان نشوف الباشا و طلع ملازم اول و قاعد فى الونش و قمة العوجان الى فى الدنيا

صاحبى بيقول له معلش انا كنت تعبان و رحت الحمام وكل سنة و انت طيب
الباشا قال لنا خلاص انا هعمل معاكم واجب و ادفعو50 بدل 75
فقلتله الموضوع مش مستاهل50 جنيه ده كده هيبقى اغلى حمام فى الدنيا
فالباشا ضحك و قالى والله مش هينفع اقل من 50 علشان ده الحد الادنى

فصاحبى طلع ورقة ب200 و ادهاله و اخد منه وصل ب50 و الباقى
ركبنا العربية و بنعد الباقى وكانت المفاجاة الكبرى



الاستاذ مرجع200 جنيه بس فكة

مية و خمسين و عشرنتين و خمستين+وصل بخمسين جنيه

الواحد مات على نفسه من الضحك
و خلى البيه لما يعد الفلوس و الوصلات يلاقى خمسين جنيه ناقصة