الموضوع: اضحك مع ظابط المرور

علي الرغم من رفضي لتصرفات بعض الضباط وعلي الرغم من إن مليش لا قريب ولا حبيب ولا صديق يعمل بجهاز الشرطة

إلا إني أصابتي صدمه وحسره وخيبة أمل عند قراءة الموضوع وتعليقات القراء
إلي هذا الحد صرنا بلا مبادئ ؟

أولا:- هل فعلتك أنت وزميلك بركن السيارة في المكان المخالف هو فعل مخالف للقانون المنظم لحياتنا أم أن الضابط يتجاني عليك ؟
ثانيا:- هل تم سن هذا القانون علي خلاف الطبيعي و المعمول به أم هو ذات الحال الساري في بلدان العالم أجمع ؟
ثالثا:- لماذا سصن هذا القانون ؟ مهو عشان تغليب المصلحة العامة علي المصلحة الخاصة يعني الطريق ده ملك الجميع ومينفعش عربية او إثنين أو عشره عشان أصحابهم مكسلين يمشوا كام متر يبقي نأثر علي سير مرور الشارع إللي هو برضو انا وإنت و كلنا
رابعا:- لو كنت خارج مصر وفعلت نفس الخطأ كنت هتعمل إيه ؟
خامسا:- ليه مش بنحب نعترف بغلطنا
سادسا:- الضابط ده وظيفتة ضبط المخالفات يعني لو سابك يبقي معملش وظيفتة المطلوبة منه

ببساطة زميلك أخطأ بالركن في المخالف وخالف القانون و أي إنسان متحضر لازم يعترف بغلطة ويقبل توقيع القانون عليه والظابط طبق عليك القانون السليم وعرض عليك الحد الادني وده إللي في إيده أما بالنسبة لتعليقك إن أي حد محترم في الدنيا لما بيكتشف ان فى فلوس ناقصة من شغله بيكملها من جيبه فبرده أحب أقولك إن أي حد محترم وعنده ضمير في الدنيا لما بيلاقي غلط في الحساب و إن معاه فلوس (أصبحت مش بتاعتة) بيرجعها

وأحب أقولك إن إنت إللي عملت المخالفة والضابط إللي هيدفعها وفي الحالة دي إنت هتشيل ذنب الفلوس دي
وبرضه احب أقول للأخوة إن الموضوع مش محتاج رمضان عشان يرجع الفلوس

عارف إن تعليقي مش هيعجب حد عشان 90% منا معندوش ثقافة الإعتراف بالخطأ وتقبل النقد بس أنا بقول ما يمليه عليا ضميري امام الله سبحانه وتعالي

ورمضان كريم

الصراحة انا كنت داخل اقول الكلمتين دول

بص حضرتك , الظابط كان ممكن يقولك ادينى 20 جنيه و انسى المخالفة بس هو معملش كدا و عمل اللى ضميره املاه عليه و ادى لحضرتك مخالفة و وصل و حضرتك غلطان طبعا لان حضرتك راكن صف تانى و هو له انه يصدق حضرتك و يقتنع بالحجة و ميديش المخالفة او انه يديها اما انه جاله تليفون لعربية تانية و مشاها ده بسبب انه يتجنب اذى او حتى مجاملة لحد و احنا بشر مش معنى كدا اننا نقول عليه شخص سىء , طيب حضرتك بتقول سايب الواسطة لحاجة احسن يعنى معنى كدا انك ناوى تستخدم الواسطة , لو بتعيب عليه علشان سمح للعربية التانية تعدى يبدا حضرتك مش مفروض تفكر تستخدم واسطة ابدا فى حياتك !!!

يا سلام الناس كلها بقت ملائكة وكل حاجة فى حياتهم بقت صح

والقوانين بقت سليمة و بتنظم حياتنا

والحياة بقت جميلة و الاجمل من كده الناس المثالية

لا طبعا الناس مبقتش مثالية بس يعنى علشان الراجل عمل شغله و الناس مريدتش انه يتاذى تبقى ناس مثالية؟؟؟
حضرتك الفلوس دى حرام بنسبة 100 فى ال100 و صاحبك لازم يرجعها فورا

طيب افرض الراجل خد باله مثلا بعدها بشوية و قام هافف صحبك مخالفة ب 1000 جنيه و لا اكتر على عربيته يبقى كدا حقه؟ مهو تبريره هيقول دا ضحك عليا و انا من حقى انتقم منه

علي فكرة إحنا كلنا عندنا ثقافة غريبة كمصريين وهي ثقافة خاطئة ناتجة عن الرعونة والغرور للأسف

أحيانا يدرك المرء أنه خطأ لكنه يتصور أن بإعترافه بخطأه يقلل من شأنه ومن فطنة رأيه

ولكن العكس صحيح تماما فعندما نجد شخص يعترف بخطأه لا نفكر لحظة في الخطأ الذي إرتكبه بقدر تفكيرنا في شجاعة الرجل فقد إعترف بخطأه !!!!

الطريق الصحيح أحيانا يكون واضحا وضوح الشمس أمامنا ولكننا نأبي أن نسلكه بل لا نراه بسبب غرورنا (فقط فكر للحظة لو إنك إعترفت بخطأك كم سيحترمك الأعضاء والقراء كم سيحترمك الضابط لو عدت له بالأموال -التي تورد خزينة الدولة أي أموال المسلمين- كم ستعلو أنت في نظر نفسك وتشعر بالإرتياح والسعادة) كل ذلك بخمسون جنيها هي أصلا ليست ملكك
ليتني أحظي بكل تلك المكاسب مقابل خمسون جنيها ولو كانت ملكي

علي أي حال وضعك للمال في مسجد لا يعفيك من الإثم والله أعلم

أعذرني علي صراحتي

المشاركة الأصلية كتبت بواسطة eng.m mahran

ايه الكلام الكبير الى مكتوب ده
حضرتك وصلت لخزينة الدولة و اموال المسلمين
يعنى لو كنت قلت ان صاحبى رجع الفلوس للظابط كان الاعضاء و القراء هيحترموه مع انى بكدب و مرجعهاش بس بحب ابين نفسى انى راجل تمام قدام الناس بس كداب بينى و بين نفسى؟

ومفيش اعتذار و لا حاجة احنا بندردش مع بعض

مين طلب منك تكدب ؟؟؟!!!

لأ كنا هنحترم تصرفك وصاحبك أكتر لو كنتوا رجعتوا الفلوس فعلا :)