الموضوع: اضحك مع ظابط المرور

المشاركة الأصلية كتبت بواسطة mohamed_selim

فى ثقه متبادله ... حضرتك زى ما قلت احنا بندردش .. انت عرضت موقف و الناس ابدت رأيها
ملهاش معنى ان حد يحكى حاجه غير اللى حصلت

كمان احنا فى رمضان و الكدب حرام :))))))))))

دى النقطة الى عاوز اوصل لها

فى مواضيع كتير بيكون فيها بعض الردور الى بتنصح و الى بتحلل و تحرم مع ان اصحابها ممكن يكونو مش بينفزو ده فى حياتهم و الهدف من الردود دى انهم يظهرو بشكل الواعظ او الشخص المحترم امام الناس مع اننا هنا فى المنتدى بنستفاد من خبرات بعض و بنحكى مع بعض من غير ما نعرف بعض فملهاش لزمة انى اظهر قدام الناس بمظهر مع انى فى الحقيقة حاجة تانية لان فعلا المفروض يكون فى ثقة متبادلة بيننا ويكون تقيمنا للامور من خلال تصرفنا الطبيعى

وفى نقطة تانية
احيانا بنعمل حاجات كتير فى حياتنا مع انها حرام بس بنلاقى تبرير لها
يعنى موقف زى ده انا عارف ان المفروض نرجع ليه الفلوس بس لقيت شوية مبررات
ناس فى شغلها ممكن تنافق او تكذب بس بصورة مش صريحة والمبرر علشان مسبش الشغل و اعرف اصرف على بيتى فمش مشكلة لما امشى امورى
وامور كتير الواحد بيبقى شاكك فى مدى صحتها بس تحت ضغط ظروف تانية بيحاول يلاقى ليها مبررات

واخيرا
الواحد سعيد انه بيتناقش مع ناس محترمة فى مكان محترم