السلام عليكم
عندنا عربية لانوس 2 مو 2005 و واحد صاحبي عايز يشتريها, بس مش عارفين نروح نفحصها فين .. يا ريت مساعدة بمكان يكون في مدينة نصر أو مصر الجديدة.
عرض للطباعة
السلام عليكم
عندنا عربية لانوس 2 مو 2005 و واحد صاحبي عايز يشتريها, بس مش عارفين نروح نفحصها فين .. يا ريت مساعدة بمكان يكون في مدينة نصر أو مصر الجديدة.
للاسف المكان الوحيد اللي بثق فيه في الهرم , وده بعيد عنك , بس هقولك عليه لغايه لما حد يقولنا على مكان تاني قريب ليك
في بدايه شارع الهرم وانت طالع من النفق وبعدها بخمس دقايق بالظبط , هتلاقي بنزينه شيل على اليمين و واحده تانيه ادامها على الشمال
ادخل اللي على اليمين وقولهم عايز اعمل كشف عام على العربيه
هيكشفولك على العربيه حته حته (عفشه , صاج , موتور , كل شئ) وهتاخد منهم تقرير مطبوع بحاله العربيه , ولو في اي عيوب هتلاقيها مكتوبه في التقرير وكمان المهندس المسئول هيقعد يتكلم مع اللي هيشتري ويقوله على اللي فيها بمنتهى الامانه واحيانا بيقوله على تكلفه اصلاح العيوب دي
والكلام ده كله بـ 100 جنيه , بس بأمانه مش بيسيبوا فتفوته في العربيه
مواعيد العمل من 9 الصبح , لـ 9 بالليل , وانا شخصيا مجرب البنزينه دي كتيييييييييييير والحمد لله انقذت الواحد اكتر من مره ورفعت راسه اكتر من مليون مره :-)
اتمنالك التوفيق بإذن الله
جزاك الله خيراً يا أخ محمد .. الظاهر كده أنا هاضرب المشوار ده لو ما حدش تاني قال على مكان أقرب .. كل سنة و أنت طيب
وانت طيب يا استاذي :-)اقتباس:
المشاركة الأصلية كتبت بواسطة azakareya
وان شاء الله حد يفيدك بمكان قريب منك
لو فرضنا ان مفيش حد افادنا , فـ راحه البال اللي هتحسها بعد ما تضرب المشوار ده هتنسيك بُعد المسافه بينك وبين الهرم :-)
جزاك الله خيراً و كل سنة و انت طيباقتباس:
المشاركة الأصلية كتبت بواسطة mcit
علي ما اتذكر فيه محطة بنزين وانتا خارج من سوق سيارات العاشر بمدينة نصر وانتا رايح في اتجاه الدائري حتكون علي شمالك بتعمل الكشف ده بس ماتروحش يوم جمعة او حد لانها بتبقي زحمة اوي وبيبقي الشغل سلق بيض