الموضوع: سؤال بخصوص قفل الشنطه

المشاركة الأصلية كتبت بواسطة adham

النهاردة نزلت لقيت بطارية اللانسر نايمة و لقيت مروحه الردياتير و مروحه التكييف بيشتغلوا اول ما وصلت بطارية الفرونتيرا
واضح ان المراوح علقت و فضت البطارية طول الليل و الموضوع دة سخيف علشان ممكن يحرق مواتير المراوح مش بس ينيم البطارية

المهم بعد شوية المراوح فصلت لما وصلت البطارية التانية و العربية دارت و مشيت اليوم عادي, بس انا عاوز اقطع فرط الموضوع علشان ماتعملهاش تاني

انا عارف ان خبرتك كبيرة في اللانسر و حافظها

بكرة عايز انزل اشوف الكتاوت اللي بيلقط المراوح دي مع التكييف افترض انة في علبة الفيوزات اللي ورا البطارية, صح و للا انت عندك معلومة تانية اراجعها ممكن تكون سبب اللي حصل؟؟

الموضوع ده حصلي بس كانت بتعلق شويه بعد ما اقفل العربيه وبعديها تفصل
وساعتها غيرت كنترولر المروحه في الضمان وعرفت ان المشكله دي بتحصل كتير مع اللانسر

مفروض انها تشتغل شوية (دقيقة مثلاً) بعد ما تبطل الموتور لغاية ما الحرارة تنزل و الترموستات يفصلها

بس اللي حصل ان المروحتين شغالين (الردياتير و التكييف) مش بس مروحه الردياتير و فضلوا شغالين لغاية البطارية مانامت

و لما وصلت بطارية تانية لقيتهم اشتغلوا ففهمت الموضوع حاول اشغل التكييف و افصلة كذا مرة مافيش فايدة بس لما دورت العربية شوية فصلوا

اعتقادي ان الريلاي بتاع المروحه (الكتاوت) معلق بسبب الحر الشديد (لزق)

الكونتروللر دة بيبقى فين لو حبيت اغيرة
بافكر الاول انضف السكويتات و الفيش و سوكتات الريليهات بالسبراي (كونتكت كلينر)

لا كانت بتشتغل على طول حتى والعربيه بارده والترموستات مكانتش بتفصلها ومكانتش بتفصل طول المشوار اصلاً بس بعد ما اقفل العربيه ب5 دقايق بتفصل
معرفش مكان الحاجات دي بس لو نزلت هدعبس في العربيه شويه واحاول اعرف

شكرا يا معلم انا شوية كدة و حابص عالعربية و اشوف المشكلة منين

لقيتهم
الريلاي في العلبه بتاعت الفيوزات زي ما قلت

والكنترول عند الشبكه عاليمين

ياسلام عليك .... معلم و الله

الله ينور عليك