الموضوع: صيانة ال60.000 للفابيا

الموضوع بكل بساطة انى لما كنت فى التوكيل ، البيه الباشا مدير الصيانة كان شايف انى عربيتى مسقطه موتور و انو الفابيا الهاتش باك مبتنزلش غير بموتور 1200 فإزاى عربيتى 1400.

المهم بعد الخناقة كنت بسأله على صيانة ال60.000 و قاللى العربية ده سيورها حديد و مبتتغيرش، رغم علمى انو السيور الحديد موجودة بس فى الفيليشيا بس صدقته و بعدين لما اتصل عشان احجز فى كارتك عشان الصيانة الراجل قاللى انو لأه الفابيا سيورها بتتغير زى الاوكتافيا بالظبط و لما سألت فى شارع دمشق على السيور ورانى سيور مش حديد.

طب دلوقتى أنا أصدق ميين مدير صيانو توكيل أرتوك اللى المفروض اكتر واحد فاهم فى العربية و لا كل الناس التانية ؟؟

و حيش انى ماليش دخول التوكيل ده تانى و كارتك بيشترط انو اروحله بقطع الغيار من بره او أروحله قبليها بكام يوم و هوا يجيبهم و يحاسبنى عليهم ، حد عنده فكره ازى كان مركز الأقصى اللى فى المعادى او نور الدين اللى على طريق الإسكندرية بيبقى عندهم قطع الغيار موجودة زى التوكيل كده ولا لازم أجيبهم من بره

و شكراً

عشان رئيس الصيانة هناك بيرفض يدخل العربية الصيانة بحجة انى نركب زينون و فلتر سبور و انو مينفعش يدخلها الصيانة.

رحت كلمت المدير ولا حياة لمن تنادى و بصراحة مشفتش حد هناك حسسنى انى بنى ىدم ، كل واحد عامللى نفسه مهندس و هوا ولا فاهم حاجةو انا دراستى هندسة ميكانيكة و لما قلت كده للباشا قاللى يبقى روح صلحها انت و لولا والدى كان معايا انا كان هيبقى ليا تصرف تانى، بس بصراحة كل ما أروح المعاملة زى الزفت و عمرى ما عوزت حاجة للعربية و لقيتها عندهم و بيعاملونى على أساس انو مواطن درجة تانية.

رأيى بناء على خبرتى توكيل سكودا اولاً عن آخر يوم ما يتمعظم يغير تيل الفرامل بس اكتر من مده انا مش هكون مطمن على العربية و انا عارف انو فى ناس مبسوطة منه بس لما تبقى عربيتك عامله 305 ألف كم و تبتدى الحاجات المهمة عمرها ينتهى و تلاقى التوكيل بيلعب أتارى فى عربيتك ساعتها هتقول زى ما بقول و يمكن انا حظى كان وحش فى ال20 مره الأخيرة اللى روحتهم و كنت بقع فى مهندسين مش كويسين. عشان كده انا صرفت نظر خالص و بروح أرتوك عشان على الأقل التعامل محترم اكتر و لما ميعرفش بيقوللى معرفش بس زى ما قلت مشكلته فى قطع الغيار و ده كان سبب سؤاللى عن الأقصى او نور الدين

انا أسف لو قلت كلام بطريقة مش كويسة بس التوكيل ده فعلاً هوا الحاجة الوحيدة اللى تاعبانى فى العربية