انا مبهور اصاد تقريرك الرائع ده يااستاذ احمد
عرض للطباعة
انا مبهور اصاد تقريرك الرائع ده يااستاذ احمد
تسلم يا باشا شرح وافى وكامل من جميع النواحى ولعلمك انت من اول الناس اللى حببتنى فى السياره دى وشدتنى لها بحماسك وحبك ليها
بقيت بمشى فى الشارع ادور عليها لدرجه انى لسه راجع من الشغل ولقيتها واقفه تحت العماره عروسه وقفت استنيت صاحبها وسالته عنها وشكر لى فيها جدا ومعاه بقالها 7 شهور وكان شاريها ب 5300 دينار كويتى ودلوقتى عليها عرض فى توكيل البابطين ب4000دينار و هديه مجانيه بقيمه 200 دينار بمناسبه شهر رمضان وان شاء الله بعد بكره انا رايح للتوكيل احجز تيدا ابيض لؤلؤى واتوجه بالشكرللمنتدى الرائع واعضائه الكرام على نصائحهم المفيده ورمضان كريم
الله الله ايه ده يا بيشو انت غيرت اسمك ليه
عموما بيس يا مان :colsmil:
طبعا بعد احمد مصطفى ما حدش يقدر يتكلم كلمة عن التيدا
ده الراجل حببني انا شخصيا في التيدا
عارفين لو معايا 20.000 جاهزين كنت بعت الصني و جبت واحدة تيدا هاتشباك ماشية شوية
و كنت طول اليوم اقعد اتنطط بين البلوبيرد و التيدا
:B4_007:
ياسلام سلم
دي كانت تبقى عيشة هنا:colsmil:
اتوكل على الله ياباشا و هات التيدا و انت مطمن و ربنا يباركلك فيها
الاخ العضوى bayantt ربنا يدللك على الصواب و الف مبروك مقدما اصل انا عاوز اشتريها بس خايف اتسرع علشان دى اول عربية اشتريها فقلقان شوية بس الاعضاء هنا فى النيسان والله ما فيش زى كده والاخلاق والاحترام والمحبة واهم حاجة المحبة دى لله فى لله وكل عام وانتم جميعا بخير وسلام
توكل على الله وهات العربية ده بجد ما شاء الله مش هتندم على انك جبتها وهتعتبرها كنز ثمين بعد ما تجيبها عربية مفيش حد الحمدلله اشتكى منها خالص وكل حاجة فيها معمرة وموتور ما شاء الله وبعد التقرير الرائع اللي اتكتب فيها مش هقدر ازود حاجة على التقرير لأنو ما شاء الله كافي ووافي .
صلي صلاة الاستخارة وتوكل على الله واحجز التيدا .
احنا سعداء بوجودك معانا فى منتدى نايل موتورز , وسعداء بالاخص بوجودك معانا فى قسم نيسان
وبالنيابة عن اسرة نيسان كلها , بنوجهلك التحية
مرسى على شعورك الطيب وكلامك الجميل ده , بس فعلا انا شايف ان العربية معايا ممتازة , وبحب اعطى كل حاجة حقها , عشان الناس بس مش تفتكر انى متحيز او حاجة للعربية عشان هى معايا , بل بالعكس
كل كلمة لازم اكون قدها وعن تجربة وخبرة , يااما كدا يا اما اسكت
وغير كدا العربية معايا وموجودة واللى عايز يجربها انا تحت امره عشان يتاكد
فى حاجة بقا حابب انصحك بيها
خالى بالك احيانا المعارض اللى بتعمل عروض بيكون مشكوك في امرها لان احيانا السيارات ممكن تلاقى فيها عيوب فخلى بالك , واشترى من مكان مضمون ووكيل معتمد رسمى وليه سمعته
http://www.nilemotors.net/Nile/158434-a.html
, القى نظرة عليه واكيد حتستفاد منه , هو للصنى بس فى حاجات مهمة بتفيد كل الملاك
وربنا يوفقك للخير ومبروك مقدما
المهم والاهم
انك مش تقطع ومنشوفكش تانى:dontudear: ,
لان يمهمنا وجودكم كلكم عشان التفاعل والمشاركات ونقل الخبرات مهمة لينا كلنا وكلنا بنستفاد منها , زى ما حضرتك استفدت كدا
ووجودك معانا شرف لينا اكيد
وتحت امرك فى اى استفسار
احمد مصطفى
دوس يا باشا و متقلقش عربية ممتعة فعلا .. هتحس انك مش عاوز تنزل منها .. و هتستنى اي مشوار عشان تركبها
و بالنسبة للسيدان و الهاتشباك هي اذواق .. بس الهاتشباك شكلها احلى كتير
السلام عليكم يا شباب ...
طيب اقول ايه بعد اللى قاله الاستاذ احمد مصطفى ... سيب لنا حاجة ياعم نقولها عن العربية ده انت قولت اللى كلنا نفسنا نقوله عنها ...ماشى بس لما اشوفك بس ....
انا باهزر معاك طبعا يا ابو حميد انت راجل زى العسل والله وربنا بعتك للمنتدى هدية صراحة ...
بالنسبة للعربية هى فعلا ما شاء الله مش هاقول اكتر من اللى اتقال غير انها ماشاء الله صفقة رابحة باذن الله ...
جودة تصنيع رائعة وامكانيات وافية تماما من عفشة او موتور او صالون او خامات ...
خلاصة القول عنها هو : فعلا عربية مخدومة بضمير يابانى
وبرغم ذلك المدح الموضوعى انصحك بصلاة الاستخارة وتجربة العربية بنفسك فى السبع عاملين عربية test drive وشوف احساسك ايه ...وابقى طمنا وصلت لأيه ... والله الموفق
الله ينور عليكم جميعا
سؤال تانى بعد أذنكم : هو اللون الكحلى, الفرش بتاعه بيج ولا اسود ؟