الابلويه حد جرب هوندا سيفيك 93 قبل كدا

انا ناوى اشترى عربيه اوتوماتيك ومش مستعجل ومقتنع جدا بالالمانى سواء اوبل او جولف او اودى
وكان عجبنى اوى اوبل فيكترا 1997 اتوماتيك

وكان تفكيرى بعيد جداً عن اليابانى لحين ما قريت المواضيع دى فى قسم هوندا
http://www.nilemotors.net/Nile/171471-92-93-94-a.html
http://www.nilemotors.net/Nile/165854-si-92-95-a.html
http://www.nilemotors.net/Nile/170231-92-95-a.html

المواضيع دى خلتنى افكر فى هوندا سيفك Si اتوماتيك تحديدا مو 1993

خاصة انى قلقت من الاوبل الفيكترا بعد ما قريت رأى الأخ SrOrR4EvER الموجود فى الموضوع http://www.nilemotors.net/Nile/171784-a.html



دلوقت انا محتار ما بين سيفيك Si خليجى مو 1993 موتور اتوماتيك 1600 سىسى - وفيكترا B مو 1997 موتور اتوماتيك 2000 سىسى

ممكن حد يفيدنى فى المقارنه دى fair و بدون تحيز بين الفيكترا 97 وسيفيك 93

متشكر

............................*[ الى شدنى للسيفيك ]............................*

اقتباس:

---

المشاركة الأصلية كتبت بواسطة semsem kane

مميزاتها كل ماتتمناة فى عربية موجودة فيها : شكل+ثبات رهيييب + سرعة + فول اوبشن + واسعة اوى+ تكييف ممتاز وغير مؤثر على السحب +اعتمادية بشكل غير عادى +اتوماتيك مش هتحس بنقلاتة نهائى +استهلاك بنزين ممتاز بالنسبة لماتور بالقوة دية تقريبا 190/200 كم فى الصفيحة مع المشى العادى داخل المدينة , خارج المدينة 280 كم للصفيحة او ازيد الكلام دة للsi

---

اقتباس:

---

المشاركة الأصلية كتبت بواسطة semsem kane

تكيف -باور-سنتر-ازاز كهرباء للاربع ابواب بضغطة زرار واحدة بالنسبة للباب السائق مع قفل مركزى للتحكم فى الزجاج من بقية الركاب-فتحة سقف كهرباء مع مستويين -abs-ebd-2 air bag اختيارى وبعض الموديلات تجهيز اساسى
كاسيت سى دى -التحكم فى مستوى اضاءة نور التابلوة -وبعض الموديلات فيها التحكم فى مستوى ضبط ارتفاع الفوانيس الامامية -نور استوب علوى -جنوط 15 بوصة -عتب رياضى-امكانية طى المقاعد الخلفية لتكبير حجم الشنطة-تابلوة شيك مبطن بجلد كامل -ابواب من الجلد-عجلة قيادة ثلاثية الاذرع من الجلد مع علامة هوندا من الكروم -مرايات كهرباء وفى بعض الموديلات بتنزل ضم -ساعة رقمية led -عجلة قيادة يمكن ضبط ارتفاعها -كراسى يمكن ظبطها فى اربع اتجاهات-طفاية امامية مع نور-وطفاية خلفية -مسند امامى للسائق -ومسند خلفى -حامل اكواب-اماكن تخزين عديدة -درج التابلوة يوجد فية تلاجة مع تشغيل التكيف لابقاء المشروبات بدرجة حرارة باردة - تكييف زراير اربع سرعات ذوة قوة برودة جيدة جدا وغير مؤثر نهائى على سحب السيارة مع وجود تكييف للركاب الخلفيين من اسفل الكراسى -عداد اربى ام -وصوت تحذيرى عند تعدى سرعة 120 كم , وصوت تحذيرى عند ترك المفتاح فى الكونتاكت,

تعليق السيارة : يتكون من تعليق مستقل لكل عجلة متعدد الوصلات مع ديسكات على الاربع عجلات

الماتور 1600 سى سى 2 كامة 130 حصان وعزم 14.5 كجم عند عدد لفات 7000 على المتر يصل لسرعة قصوى قدرها 220 كم ويصل من 0 الى 100 فى زمن قدرة 8.5 ثانية بناقل الحركة الاتوماتيك اقصى عدد لفات للماتور 7200 لفة

ناقل الحركة اتوماتيك 4 سرعات مع وجود over drive وبجد الفتيس دة صعب تحس بنقلاتة اصلا او تعرف حتى انة نقل وكل اللى هيعرفك انة نقل ان سرعة العربية بتزيد بس

---

اسعار قطع غيار سيفيك 93
http://img408.imageshack.us/img408/1747/civicsi9295.jpg

انا ركبت الهوندا الأسى اى فتره عربية غووول و هى 160 حصان مش 130 2 كامه
عربية غووول و اسعار قطع غيارها حلوه
عيبها انها واطية قوى على الأرض و مهما عليت بتحك بس ده مديها ثبات خيالى
و الحاجة التانية صاجها ضعييييييف قوى
غير كده يبقى انت احسنت الأختيار عربية ممتازة و شبابية بس مش عائلية و لا بتاعت فرك

الياباني ركبه والماني ركبه حاجه تانيه خالص
وبعدين مفيش عربيه مش بياثر سحبها لما تشغل التكيف دا الطبيعي
الماني مميزاته تتفوق ع الياباني
من حيت الثبات والركبه والكماليات والحاجات دي

الهوندا الsi عربيه موتورها محترم وناعمه جدا وثابته وتكييفها جاااامد بس معرفش قطع الغيار اخبارها ايه بس اسمع انها غاليه شويه بس يعيبها فعلا انها واطيه علي الارض اويوصاجها ضعيف لكن غير كده هي عربيه تمام.

عربية محترمة جدا جدا يعبها الوطى ودى حاجة عادية تقريبا انا عن نفسى مش بتفرق معايا و قطع الغيار الغالية و انها صغيرة شوية على عائلة يعنى تنفع عائلة صغيرة يبقى مية مية ولو انت من هوات السرعة يبقى تجيب si دة لو بيطلع 160 لو انت مش فارق معاك اوى يبقة هات اوبل 2000 ايكو دة ماتور بيطلع 136 حصان اوتو بس الحالة يعنى لو لقيت الحالة النضيفة فى الاتنين متترددش

مع صديق ليا . عربية جميلة ما شاء الله . موتور وفتيس وصاج العربية ممتاز بالمقارنة بالموديلات الحديثة كلها . اجمل ما فيها الثبات تحفة ما شاء الله . شكل خارجي جميل جدا . شطلها من الداخل حلو بس مش جميل . تحس انها بقت قديمة جنب التصميمات الاخري . قطع غيارها موجودة في الحرفيين وفي منها استيراد . موتور ال Si مش ناعم اوي . تكيف كويس لاكن بالمقارنة بالعربيات الاحدث فهو مش زيهم هما احسن .

اختيار موفق . وسيارة اعتمادية . قطع الغيار ركبها وماتفكرش فيها الا بعد فترة كبيرة .

اما عن الاوبل . ما اعرفش عنها حاجة . بس شكلها بيعجبني

الاتنين كويسين جدا بس خلى بالك فى فرق موديل بين الاتنين ميقلش عن 5 سنين او اكتر و كمان دى ركوبة ودى ركوبة تانية خالص دى ميمنعش ان الهوندا ممتازة

يانهار ابيض انا بقيت اعمل صورة وحشة عن الاوبل؟؟؟
خلاص خلاص انا عندى اقتراح للأدارة ان المواضيع تتشفر ولا تفتح سوى لمالكى الاوبل من مبدأ (دارى على شمعتك تقيد)
هههههههههههههههههههههههه
عموما ياباشا الاوبل عربية زى ماقولت ممتازة وتفضل ممتازة لو مش هتصلحها غير فى التوكيل ودماغك فاضية تفكر فيها كتير...
غير كدة عليك وعلى الهوندا طبعا كنعومة وقوة على الطريق وتكييف ممتاز ..لكن عيبها الوحيد اللى بتفق فيه مع طنانى باشا هو انها واطية جدا على الارض وده عيب جامد جدا بالنسبة لنا هنا فى مصر...

يا عم سرور انت السبب وراء انهيار سوق اوبل العالمى
و شركة جى ام هتبعت القناصين يدورا عليك

عربية ممتازة ولكن يعبها انها واطية واحنا بقى مطبتنا المصرية اعلى من قمة افريست

مش هتصدق ,,,,,انا واحد صاحبي جاب بيها قدامي 80 بالأول بتاعها وكان موتور كاربرتير 1500 بس
والعربيه دي غول توضيب ,,,مهما توضب فيها تقعد تنطق معاك وتحمسك انك تصرف عليها

وعلي فكره بورسعيد كلها هوندا تقريبا ,,,,,عربيه جميله جدا جدا جدا جدا
بس قطع غيارها حراقه بالنسبه للأوبل في نفس الموديل

الى أعرفه إن قطع غيارها و كدا زى الأوبل أو الألمانى عامتا
إنما انا مجربتهاش

اقتباس:

---

المشاركة الأصلية كتبت بواسطة thug

مش هتصدق ,,,,,انا واحد صاحبي جاب بيها قدامي 80 بالأول بتاعها وكان موتور كاربرتير 1500 بس
والعربيه دي غول توضيب ,,,مهما توضب فيها تقعد تنطق معاك وتحمسك انك تصرف عليها

---

بعملها كتير حركة ال80 على الأول

اقتباس:

---

المشاركة الأصلية كتبت بواسطة tananybasha

يا عم سرور انت السبب وراء انهيار سوق اوبل العالمى
و شركة جى ام هتبعت القناصين يدورا عليك

---

بلعكس مين قالك انه انهار سوق الاوبل :ma:

بشوات الاوبل
مش عارف اقول ايه
مشكرووووووووووووووووووووو ووووووووووووين

ممكن مقارنه ما بين السيفيك SiR مو 93 اتوماتيك و الفيكترا 97 اتوماتيك

.................................................. ..........................

اقتباس:

---

المشاركة الأصلية كتبت بواسطة tananybasha

انا ركبت الهوندا الأسى اى فتره عربية غووول و هى 160 حصان مش 130 2 كامه
عربية غووول و اسعار قطع غيارها حلوه
عيبها انها واطية قوى على الأرض و مهما عليت بتحك بس ده مديها ثبات خيالى
و الحاجة التانية صاجها ضعييييييف قوى
غير كده يبقى انت احسنت الأختيار عربية ممتازة و شبابية بس مش عائلية و لا بتاعت فرك

---

مشكور يا باشا هو 160 حصان فعلاً - انا كمان بأفكر فى SiR بيقولوا عليها اقوى قويا من Si

اقتباس:

---

المشاركة الأصلية كتبت بواسطة N.a.j.d

الياباني ركبه والماني ركبه حاجه تانيه خالص
وبعدين مفيش عربيه مش بياثر سحبها لما تشغل التكيف دا الطبيعي
الماني مميزاته تتفوق ع الياباني
من حيت الثبات والركبه والكماليات والحاجات دي

---

يعنى ايه يا باشا الياباني ركبه والماني ركبه حاجه تانيه خالص؟ انا مش فاهم
الى معاهم السيفيك متفقين ان متور 160 حصان مش هياثر على السحب مع تشغيل التكييف - ياباشا انت سمعت غير كدا ولا مجرد تخمين؟
ممكن بالتفصيل ايه مميزات الالماني الى تتفوق ع الياباني ؟
ممكن ياباشا تقارنلى بالتفصيل من حيت الثبات والركبه والكماليات والحاجات دي؟
معلش هتعبك معايا شويا بس محتاج منك توضيح اكتر

اقتباس:

---

المشاركة الأصلية كتبت بواسطة zizo50001

عربية محترمة جدا جدا يعبها الوطى ودى حاجة عادية تقريبا انا عن نفسى مش بتفرق معايا و قطع الغيار الغالية و انها صغيرة شوية على عائلة يعنى تنفع عائلة صغيرة يبقى مية مية ولو انت من هوات السرعة يبقى تجيب si دة لو بيطلع 160 لو انت مش فارق معاك اوى يبقة هات اوبل 2000 ايكو دة ماتور بيطلع 136 حصان اوتو بس الحالة يعنى لو لقيت الحالة النضيفة فى الاتنين متترددش

---

وانا يا باشا موضوع الوطى مش فارق معايا
انا بادور على SiR بيقولوا عليها افضل من Si

اقتباس:

---

المشاركة الأصلية كتبت بواسطة al_manara

مع صديق ليا . عربية جميلة ما شاء الله . موتور وفتيس وصاج العربية ممتاز بالمقارنة بالموديلات الحديثة كلها . اجمل ما فيها الثبات تحفة ما شاء الله . شكل خارجي جميل جدا . شطلها من الداخل حلو بس مش جميل . تحس انها بقت قديمة جنب التصميمات الاخري . قطع غيارها موجودة في الحرفيين وفي منها استيراد . موتور ال Si مش ناعم اوي . تكيف كويس لاكن بالمقارنة بالعربيات الاحدث فهو مش زيهم هما احسن .

اختيار موفق . وسيارة اعتمادية . قطع الغيار ركبها وماتفكرش فيها الا بعد فترة كبيرة .

اما عن الاوبل . ما اعرفش عنها حاجة . بس شكلها بيعجبني

---

يا باشا انت متأكد ان قطع الغيار فى منها استراد؟ لو كدا يبقى مشكلة ارتفاع اسعار قطع الغيار اتحلت
موتور ال SiR ايه ظروفه ناعم ولا ذى ال Si

اقتباس:

---

المشاركة الأصلية كتبت بواسطة SrOrR4EvER

يانهار ابيض انا بقيت اعمل صورة وحشة عن الاوبل؟؟؟
خلاص خلاص انا عندى اقتراح للأدارة ان المواضيع تتشفر ولا تفتح سوى لمالكى الاوبل من مبدأ (دارى على شمعتك تقيد)
هههههههههههههههههههههههه
عموما ياباشا الاوبل عربية زى ماقولت ممتازة وتفضل ممتازة لو مش هتصلحها غير فى التوكيل ودماغك فاضية تفكر فيها كتير...
غير كدة عليك وعلى الهوندا طبعا كنعومة وقوة على الطريق وتكييف ممتاز ..لكن عيبها الوحيد اللى بتفق فيه مع طنانى باشا هو انها واطية جدا على الارض وده عيب جامد جدا بالنسبة لنا هنا فى مصر...

---

ياباشا انت هنا الناصح الامين
ربنا يعلم يا باشا احترمت حضرتك قد ايه على الحياديه والامانه الى بتتكلم بيها عن تجربتك
وعن سمو وصفاء نفسك
بانك عانيت من حاجه وبتنصح لوجه الله تعالى عشان محدش يعانى ويستفيد من تجربتك
ربنا يكرمك ويزيدك ويعطيك اكثر مما تريد

سوال ياباشا هل الماني زي الياباني
او الكوري زي الياباني
هنا الفرق
عندك الخامات من حيت الصاج والقظع والماتور والقوه والثبات والقعده يعني الماني بتحس بالراحه التامه انما غير الماني بتحسها ركبه يعني منقدرش نقول عليها وحشه لا
ركبه عاديه بس مش زي الماني اكيد ودا كلام معرفوف عنه من غير ما اقول
قطع الماني معمر اكتر من الياباني
التكيف بتاع الياباني اقوه من تكيف الماني
بس مش معنى كدا انه الماني م قوي لا بلعكس ادا بتحافظ ع صيانته اكيد ح تحس بالراحه معا
اما حكايه ضعف سحب العربيه مع تشغيل التكيف دي حكايه واصحه ومعروف عنها وخاصه ف المواتير الصغيره شويه
انه لما تشغل التكيف بتحس بتقل ف السرعه ودا الطبيعي اكيد
بس لما تكون ماشي ع خط سريع وقمت بتشغيل لتكيف مش ح تحس بالتقل دا خاالص
التقل بتحسه لما تقوم العربيه ع الغيار الاول ......

اقتباس:

---

المشاركة الأصلية كتبت بواسطة tananybasha

يا عم سرور انت السبب وراء انهيار سوق اوبل العالمى
و شركة جى ام هتبعت القناصين يدورا عليك

---

الحق استخبى بقى...:36_7_4[1]:
بس ازاى هيجيلهم قلب يعملوا كدة وانا من اكتر الناس اللى منفعاهم فى البلدى وبيشترى قطع غيار عربياتهم...؟

اقتباس:

---

المشاركة الأصلية كتبت بواسطة maregypt

ياباشا انت هنا الناصح الامين
ربنا يعلم يا باشا احترمت حضرتك قد ايه على الحياديه والامانه الى بتتكلم بيها عن تجربتك
وعن سمو وصفاء نفسك
بانك عانيت من حاجه وبتنصح لوجه الله تعالى عشان محدش يعانى ويستفيد من تجربتك
ربنا يكرمك ويزيدك ويعطيك اكثر مما تريد

---

ياباشا ربنا يخليك وانت فعلا شخصية والله محترمة جدا...
وهى زى ماقولتلك قبل كدة قصة انى احب اقول كل حاجة من اللى ليا للى عليا عشان دى نصيحة وحاجة لوجه الله مش اكتر وعشان انا لما احب اشترى حاجة الاقى اللى يعمل معايا كدة وانا اللى اختار بعد كدة براحتى..

اقتباس:

---

المشاركة الأصلية كتبت بواسطة lancerevolution

بعملها كتير حركة ال80 على الأول

---

بس فرق الموديل برده
ثم فيه مواتير فول أنجشكن للعربيه دي طياره بقه
الفيكترا ايه معايا أخرها 50 عالأول :36_1_31: عربيه مريضه
ربنا يسهل وأغير الموتور قريب

sir
الموديل ده مش منتشر خالص
هو نفس الموتور بس فيه حاجة متعدله عليه مش فاكر ايه هى

اقتباس:

---

المشاركة الأصلية كتبت بواسطة thug

بس فرق الموديل برده
ثم فيه مواتير فول أنجشكن للعربيه دي طياره بقه
الفيكترا ايه معايا أخرها 50 عالأول :36_1_31: عربيه مريضه
ربنا يسهل وأغير الموتور قريب

---

الموتور عفى و يجيب بس أنت دلعه شوية و مرنه حبتين انا عندى المكنة السودة الواحد كامة

اقتباس:

---

المشاركة الأصلية كتبت بواسطة lancerevolution

بعملها كتير حركة ال80 على الأول

---

ده ازاى يعنى بتتعمل دى باى موتور اوبل؟؟؟
علما انى كان معايا موتور 1600 كامة واحدة مانيوال وحطيت اتنين كامة مانيوال على فتيس 23 الكبير وبعدين على اوتو ماتيك...وكل المواتير دى الحمدلله بحالتها بدون مشاكل نهائى وكبسها على الجهاز كان ديما بيقول انها مواتير بحالة ممتازة الحمدلله...
يعنى جربت 3 انظمة ومفيش نظام فيهم جاب ال80 دى على الاول نهائى....
الا لو موتور حضرتك مانيوال 2600 بقى كدة يبقى ممكن....

انا ببقى ماشى على الأول و العداد قارى 80 و الأر بى إم على 7 إلا شرطة

اقتباس:

---

المشاركة الأصلية كتبت بواسطة N.a.j.d

سوال ياباشا هل الماني زي الياباني
او الكوري زي الياباني
هنا الفرق
عندك الخامات من حيت الصاج والقظع والماتور والقوه والثبات والقعده يعني الماني بتحس بالراحه التامه انما غير الماني بتحسها ركبه يعني منقدرش نقول عليها وحشه لا
ركبه عاديه بس مش زي الماني اكيد ودا كلام معرفوف عنه من غير ما اقول
قطع الماني معمر اكتر من الياباني
التكيف بتاع الياباني اقوه من تكيف الماني
بس مش معنى كدا انه الماني م قوي لا بلعكس ادا بتحافظ ع صيانته اكيد ح تحس بالراحه معا
اما حكايه ضعف سحب العربيه مع تشغيل التكيف دي حكايه واصحه ومعروف عنها وخاصه ف المواتير الصغيره شويه
انه لما تشغل التكيف بتحس بتقل ف السرعه ودا الطبيعي اكيد
بس لما تكون ماشي ع خط سريع وقمت بتشغيل لتكيف مش ح تحس بالتقل دا خاالص
التقل بتحسه لما تقوم العربيه ع الغيار الاول ......

---

يا باشا شاكرين تعب معاليك . حضرتك جربت سيفيك موديل كم؟

برضوا الأمر مختلط على . هاخدهم من كلامك نقطه نقطه ومن الفكره الى كونتها من ردود الاخوه ولو فى حاجه غلط ارجو صححولى

الصاح الفيكترا اقوى
الماتور السيفيك 160 حصان والفيكترا 136 حصان
القوه والثبات والاعتماديه تقريباً متساويين ولو فيه فرق هيكون لصالح السيفيك
الراحه والكماليات السيفيك تكسب
قطع غيار السيفيك معمره جدااا
تكييف السيفيك اقوى "ودى نقطه مش مهمه للدرجه" . لكن المهم انه مش بياثر على السحب لانها عربيه وزنها اخف من الفيكترا وماتورها اقوى من الفيكترا
الماواتير الصغيره شويا ,,, الفيكترا ماتورها اصغر من السيفيك

رأى الاخ semsem kane عنده سيفيك وبيقارن بالفيكترا ,,, ارجوا التعقيب
من الموضوع http://www.nilemotors.net/Nile/173114-si-1993-a.html

اقتباس:

---

المشاركة الأصلية كتبت بواسطة semsem kane

لو هنعمل مقارنة سريعة كدة

من حيث الضرايب الهوندا تكسب 1600 مقابل 2000

من حيث مصاريف استهلاك البنزين بردة الهوندا تكسب

من حيث السرعة والاداء الهوندا تكسب

من حيث الاعتمادية الاتنين طبعا جامدين بس مع احترامى للاوبل مش هتقدر تتفوق على الهوندا

من حيث الثبات الاتنين جامين جدا

الكماليات واحد بس هتزيد الاوبل على الهوندا فى وجود abs ,airbag وعلى فكرة فية هوندا si موجودة فيها الحاجات دية عادى بس احنا هنتكلم على اللى منتشر هنا

الموديل مش هتفرق لان الهوندا عمرك ماهتحس انها موديل 92 ابدا

الصالون ومساحتة الاتنين متساويين

الشكل الاتنين جامدين وان كانت الفيكترا بتميل للطابع العائلى بعكس الهوندا بتميل للطابع الرياضى

لو انت استخدامك رياضى يبقى ارشحلك الهوندا بجدارة هتلاقى نفسك فيها اوى بعكس الاوبل تقيلة الحركة

بالنسبة لاسعار قطع الغيار طبعا الهوندا تكسب مع انها فيها حاجات غالية بس موجوة ومنتشرة بعكس الاويل فيكترا حاجاتها غالية

---

انا ياباشا جربت السيفك الجديده 2007 بس
اللصراحه العربيه لوه بس مشكلتها واطيه اوي
وصاجها الضعيف وميفعش نقول زيه زي الماني متلا او الاوبل صاج الاوبل اقوى
حضرتك انا شخصيا جربت الفكترا ماتور 2000 وال 1800 ودول مفتكرش السيفك احسن منهم
بس نصيحه من اخ لاخو طالما حضرتك موجود ف مصر ابعد عن حاجه اسمها اوبل عشان التوكيل بتاعها الوحش

اقتباس:

---

المشاركة الأصلية كتبت بواسطة lancerevolution

الموتور عفى و يجيب بس أنت دلعه شوية و مرنه حبتين انا عندى المكنة السودة الواحد كامة

---

ادلعه ازاى هههههههههههههههههه
هوانا العداد عندي محطوط شرط حمرا علي ال50 معني ان ده أخر الأول بتاعها
ثم العربيه عندي موتور 1400 سي سي علي فيكترا ايه ,,,,, وبتفصل (عن عن عن ) عند 50 بالظبط
وحتي كا راكب عندي موتور 1600 كامه واحده كان برده أخره 50

يا جماعة إيه الكلام اللى أنتو بتقولو دة
ثبات الفيكترا أحسن من السيفك
ومن ناحية السرعة القصوى الاتنين فريبن من بعض
لكن فى القوى السيفيك تكسب
بس يا فرحتى بعريبة تجرى وتدوس فرامل تلاقيها عادية من غير Abs
الفيكترا فيها Abs وأحسن من بتاع اى عربية يابانى
قطع غيار الاوبل فيكترا مش غالية ولا حاجة
لان هى مش عربية كورى أو يابانى دى أوروبى وقطع غيار الاوروبى أسعاره كدة
الراحة طبعا للفيكترا لكن الكماليات ممكن تكون للسيفيك
صاج الاوبل أجمد من السيفيك
تكييف الفيكترا لو صح هيبقى ممتاز معاك لكن لو تعبان يبقى زى الزفت
والاوبل مش تقبلة ولا حاجة
أنا معايا الاوبل فيكترا 2000 سى سى الموتور الاسود الكامة واحدة
وبعدى ال120 على الغيار التانى والعزم بتاعها كويس


الناس خليت الفيكترا أقل من التوك توك يا جدعان

تماام يا احمد الله ينور

اقتباس:

---

المشاركة الأصلية كتبت بواسطة ahmed_lol2007

يا جماعة إيه الكلام اللى أنتو بتقولو دة
ثبات الفيكترا أحسن من السيفك
ومن ناحية السرعة القصوى الاتنين فريبن من بعض
لكن فى القوى السيفيك تكسب
بس يا فرحتى بعريبة تجرى وتدوس فرامل تلاقيها عادية من غير abs
الفيكترا فيها abs وأحسن من بتاع اى عربية يابانى
قطع غيار الاوبل فيكترا مش غالية ولا حاجة
لان هى مش عربية كورى أو يابانى دى أوروبى وقطع غيار الاوروبى أسعاره كدة
الراحة طبعا للفيكترا لكن الكماليات ممكن تكون للسيفيك
صاج الاوبل أجمد من السيفيك
تكييف الفيكترا لو صح هيبقى ممتاز معاك لكن لو تعبان يبقى زى الزفت
والاوبل مش تقبلة ولا حاجة
أنا معايا الاوبل فيكترا 2000 سى سى الموتور الاسود الكامة واحدة
وبعدى ال120 على الغيار التانى والعزم بتاعها كويس


الناس خليت الفيكترا أقل من التوك توك يا جدعان

---

طيب يعم ربنا يباركلك فيها انا بتكلم في موتور صغير ,,,انا لو معايا موتور زيك (ماشاء الله ) مش هدخل مقارنه مع سيفيك اساسا

يا عم كفايه لو حد جه سألنى انت راكب ايه اول ما اقوله اوبل
يقولى ركوووووووووبه
الالمانى معروف ركوبه

اقتباس:

---

المشاركة الأصلية كتبت بواسطة a.elsheikh.01

يا عم كفايه لو حد جه سألنى انت راكب ايه اول ما اقوله اوبل
يقولى ركوووووووووبه
الالمانى معروف ركوبه

---

خير الكرم ما قل ودل

كلام زي الفل يا احمد