تجربتي في مركز دايهاتسوا ابورواش
انا عملت حادثه بعربيه والد زوجتي الجرند تيريوس الليي انا مابحبهاش من يوم ماجبها ودخلت في عمود نور ضيع الجنب اليمين للعربيه الورق
المهم نزلت بورسعيد اجيب لها حاجتها وملقتش ورجعت علي الحرفيين هنا وملقتش اي حاجه غير الباب اليمين بس السعر غالي جدا ولما اتكلم مع الناس يقولولي الباب في التوكيل ب 2000 فاضي وعايزين يبعوه لي ب 4000 وكمان بتاع عربيه دريكسيون يمين يعني الباب معكوس المهم لقيت واحد وجبته بسعر كويس
ويوم السبت رحت التوكيل وهنا تبدا الحكايه:
اولا حجزت الحاجه بالتليفون في فرع العبور لاني كنت في د.جريش بجيب الزجاج الامامي والمهندس كان محترم معايا وقالي العربيه هتتاخرشويه اليي جايبه الحاجه لان الطريق واقف شويه وده كان الساعة 9صباحا وانه هيكلمني لما توصل ولما بقت الساعة 12 الظهر كلمته تاني قالي ان العربيه موش جايه النهاردة.
وطلبت منه ينقل الحجز علي فرع ابورواش وانا هروحلهم بسرعةولما وصلت هناك اولا فرد الامن وقف يكتب رقم لوحه سيارتي الهونداي وانا مستني يفتح باب المركز وبعدين قالي اركن امام المركز لانه ممنوع تدخل جوة بالعربيه دي المهم ركنت وسالته طب ليه وقفتني وعمال تكتب رقم العربيه وانت موش هتدخلني.
ودخلت جوة والحاجه كانت جاهزة بس الاسعار 3 اضعاف الطبيعي ولما سالت المهندس قال ماتقرنش الا سعار باي عربيه قارن اسعرنا بالتويوتا او الهوندا وانا قولتلو بس دي موش زي التويوتا ولا الهوندا مثلا قطعه حديد حامل اكصدام ب 100 جنيه وانا جايبها لعربيتي ب 33 جنيه.
الجميل جدا ان انا جبت الزجاج الامامي من د.جريش ب 350 جنيه والجلد الخاص به ب365 جنيه.
واخير سالت المهندس ادخل العربيه اشيل الحاجه ولا في حد هيطلعهم برة قال لي لا دخلها (انا كنت شاري كبوت ورفرف وكرتيرة وفوانيس اماميه وشبوره ومفصلات الخ.) ولما دخلت العربيه حصلت الماساه لقيت العاملين بالمركز بيجرو عليا وعيزني اطلع تاني وابعد خالص زي ماتكون عربيتي بها متفجرات او انها عربيه عار وعاملوني كاني يهودي وازاي اركب عربيه زي دي وادخل بيها المركز بتاعهم.
ولما رجعت للمهندس راح يكلم مدير المركز الليي كان واقف امامنا ورفض بشكل موش طبيعي اني احمل الحاجة جوة المركز وانه لازم يطلعوا الحاجة من الباب الجانبي للمركز وانا اتصرف بعد كدة واستنيت ان اي حد يشيل اي حاجه ولا حد جه وسابوني كدة ومشيوا واضطريت في عز الحر والصيام اني اشيل الحاجه بنفسي لحد بره المركزعلي تالت مرات والحمد لله اني مفطرتش عليهم.
وشكرت ربنا اني موش شاري عربيه من عندهم وكونت ناوي اجيب عربيه زوجتي تيريوس بس ده خلاص اصبح احلام.
واخيرا نار غبور ولا جنه دايهاتسوا
