الموضوع: تجربتي في مركز دايهاتسوا ابورواش

و حضرتك ليه سكت؟؟ إنت كان ممكن تعملهم مشكلة, حضرتك لو المعاملة مش عجباك متسكتش وبعد كده تشتكي, حضرتك داخل تدفع فلوس على تصليح, فـمش معقولة تسكت على معاملة أقَل من المتوسط.

مش عايز اكون متحامل على حضرتك او على التوكيل بس انا حاسس انك من الاول رايح ولا طايق التوكيل ولا العربيه من كلامك....يمكن الناس تكون اتعاملت معاك بشكل لا يليق بس حضرتك برضو تنازلت عن حق انك تقدم شكوى....احنا كعملاء لتوكيل دايهاتسو مفتكرش حد اشتكى من سوء معامله حد من موظفى التوكيل قبل كدا...وبعدين هل يعقل انك تدخل توكيل بى ام تلاقى جوا مرسيدس؟ افتكر الناس كان لها حق يبقى معاملتهم معك جافه بعض الشئ ولكن ده ميقللش من انهم كانوا يستحقوا يتقدم فيهم شكوى علشان يمشوا مظبوطين معاك...وكمان اسمحلى "نار غبور ولا جنه دايهاتسو" الكلمه دى مش صح خالص...افتكر انى كنت مره قرأت موضوع فى منتدى هيونداى عن احد الاشخاص راح عمل صيانه وبعد لما طلع بالعربيه-بعد لما العربيه اتأخرت 3 او 4 سعات اضافيه- وكان على طريق سفر اكتشف ان التوكيل المحترم نسى يربطله مسامير العجل....هل ده يعقل؟ ديه المعامله اللى حضرتك بتفضلها من توكيل غبور وبتقارنها بتوكيل دايهاتسو؟ اسمحلى اعترض مع حضرتك

تحياتى

المشاركة الأصلية كتبت بواسطة gmakram

مش عايز اكون متحامل على حضرتك او على التوكيل بس انا حاسس انك من الاول رايح ولا طايق التوكيل ولا العربيه من كلامك....يمكن الناس تكون اتعاملت معاك بشكل لا يليق بس حضرتك برضو تنازلت عن حق انك تقدم شكوى....احنا كعملاء لتوكيل دايهاتسو مفتكرش حد اشتكى من سوء معامله حد من موظفى التوكيل قبل كدا...وبعدين هل يعقل انك تدخل توكيل بى ام تلاقى جوا مرسيدس؟ افتكر الناس كان لها حق يبقى معاملتهم معك جافه بعض الشئ ولكن ده ميقللش من انهم كانوا يستحقوا يتقدم فيهم شكوى علشان يمشوا مظبوطين معاك...وكمان اسمحلى "نار غبور ولا جنه دايهاتسو" الكلمه دى مش صح خالص...افتكر انى كنت مره قرأت موضوع فى منتدى هيونداى عن احد الاشخاص راح عمل صيانه وبعد لما طلع بالعربيه-بعد لما العربيه اتأخرت 3 او 4 سعات اضافيه- وكان على طريق سفر اكتشف ان التوكيل المحترم نسى يربطله مسامير العجل....هل ده يعقل؟ ديه المعامله اللى حضرتك بتفضلها من توكيل غبور وبتقارنها بتوكيل دايهاتسو؟ اسمحلى اعترض مع حضرتك

تحياتى

حضرتك من حقك تعترض بس انا باقالي 3.5 سنين مع غبور عمري مااشتكيت ولا شفت حاجه وحشه منهم.
ثانيا انا موش كنت هدخل العربيه جوة مركز الصيانه انا كنت بدخلها لمكان الانتظار جوه المركز علشان اخد الحاجه موش في مكان انتظار الورشه.

المشاركة الأصلية كتبت بواسطة MAG2010

حضرتك من حقك تعترض بس انا باقالي 3.5 سنين مع غبور عمري مااشتكيت ولا شفت حاجه وحشه منهم.
ثانيا انا موش كنت هدخل العربيه جوة مركز الصيانه انا كنت بدخلها لمكان الانتظار جوه المركز علشان اخد الحاجه موش في مكان انتظار الورشه.

ممكن حضرتك تكون على مدار تعاملك مع توكيل هيونداى خلال السنين اللى فاتت مطلعتش منك شكوى منهم لكن اكيد هتتفق معايا ان فيه قاعده عريضه-اذا مكانش الغالبيه العظمى-بتشتكى من مشاكل وتأخير من التوكيل بصفه عامه ولا ايه؟

بخصوص دخول السياره تعالى نفكر فيها بهدوء...دخول سياره تحمل علامه اخرى غير علامه التوكيل اللى انت رايحه ديه اكيد اكيد دعايه سيئه للتوكيل بغض النظر بقى جوا منطقه الصيانه او فى اى مكان داخل نطاق التوكيل....انا لو جوا توكيل دايهاتسو ودخلت لاقيت عربيه من اى نوع تانى بغض النظر عن نوعها اكيد هقول لما فيه ناس هنا مش واثقه فى عربيتهم وجايبين عربيه من نوع تانى انا هثق فى العربيه ازاى؟ او لو صورتها مثلا وحطيتها على النت صوره من توكيل دايهاتسو اللى كل الناس اللى فيه راكبين عربيات انواع كذا وكذا بقى مع انى مش هكون فاهم بقى ان العربيه دى بتاعت واحد مالوش علاقه بالتوكيل....ولو جينا نفكر هل تفتكر ان كل اللى بيشتغلوا فى التوكيل معاهم دايهاتسو؟هل التوكيل بيشترط على اللى هيشتغلوا عنده يبقى عندهم عربيات دايهاتسو علشان يقدروا يدخلوا بركنوها فى التوكيل اثناء عملهم؟ لعلمك فيه محاسب بيشتغل فى دايهاتسو انا اعرفه معاه بى ام 316 ولما بشوفه فى العبور بشوفه راكن عربيته برا التوكيل خالص...انا مش بقصد اغلطك صدقنى انا بس نفسى اوصلك انهم لهم حق فى مبدأ رفض دخول اى سياره من نوع اخر توكيلهم و انى بجد زى ما اتحرق دمى من كلامك عن معاملتهم السيئه معاك لكن برضو اتضايقت لانك -اسمحلى- متحامل على توكيل دايهاتسو اللى يعتبر من احسن توكيلات مصر وواخد جوايز كتير

اخيرا اسمحلى اقولك كل سنه وانت طيب وحمدله على سلامتك وسلامت التيريوس الجباره

مش هاقوللك زي ما الناس قالت إنك قافل من ناحية العربية والكلام ده
بصراحة اللي حصل ده قلة ذوق
في الغالب أفراد الأمن عندهم تعليمات بمنع دخول السيارات
بس لازم نتفق إن زي ما فيه قانون فيه شئ اسمه روح القانون
ده الواحد لو قاعد في أوتوبيس ولقى حد قدامه شايل حاجة بيشيلها عنه
يا فرحتهم بنصاحتهم
طبقوا القانون بحذافيره، ونالوا سخط عميل واللي مؤكد إنه هايحكي لعملاء محتملين كتير وخسارتهم بتزيد

ولا زلت مقتنع

مركز خدمة أبو رواش يعاني من خلل