مقابلة اسمعلاوية دمياطية - يوم مش هيجي زيه.

مقابلة اسمعلاوية دمياطية.
يوم مش هيجي زيه.

المقابلة اللي فاتت كنت اتفقت مع ميدو على زيارة لعميد السريونية "أستاذ توفيق" في دمياط, والحمد لله امبارح كان يوم فعلا مش هيجي زيه.

الأول عديت على صديقي مينا "Ahlawy" في الرحاب على 3 الظهر, طبعا توهنا شوية عقبال مامسكنا طريق الإسماعيلية, كنا على الطريق على 4.30 وصلنا عند ميدو على 5.30 روحنا نغير زيت لعربيتي, طلعنا طريق دمياط على 6, في نص الطريق فطرنا ميدو على مياه قبل مايروح مننا..:36_3_10[1]:

وصلنا دمياط على 7 كلمنا أستاذ توفيق وطلعنا البيت (مش هينفع حتى أتكلم عن حسن الضيافة) قعدنا نتكلم شوية وبعد كده اتصورنا حبّت صور (كاميرة أستاذ توفيق عقدتني).:shyy:

أستاذ توفيق اخدنا في جولة دمياطية جميلة وعمل معانا الواجب بزيادة جدا "عن العادي" لكن هو ده أستاذ توفيق.

بجد يا أستاذنا مش عارف اشكرك إزاي بس فعلا شرف ليَّ إني أكون أخ صغير لك.

وبرده هستنى الصور بتاعتك يا أستاذنا بعد ما الكمبيوتر يتصلح.:S_thum1[1]:







يتبع..

المقابلة من وجهة نظر العربية..

لما طلعنا على طريق اسماعلية كان في واحد معاه فيرنا جه لزق جمبي من على اليمين وراح دايس, قلت صباحو خلينا نشوف إيه الكلام, مشيت وراه لقيته بيجري جامد, سقط ورحت مثبت وراه (تجميع الفرنا غبي قوي) 140 وفيه غرزة راح مهدي أنا كبست وخدتها من قدامه اتجنن, طلع يجري تاني الطريق هدى وراح فتح تاني وانا وراه 100-120-140-150 بقى في عربية في النص قدامنا هو اخدها يمين لقى عربية قدامه ماشية على مهلها (صوت فرامل جامد) أنا كنت اخدتها من الشمال ورحت....الثبات مش حاجة هينة لو الناس فاكرة إن العبرة بالموتور...يا سيريون يا رافعة راسي..:hlopaet_prv:

لما عديت على ميدو وداني عند واحد بتاع زيت المحل لقيت عنده ميجان هاي لاين و كام عربية محترمة قلت يبقى تمام, وكده كده ميدو عارف الراجل وبيغير عنده على طول. + نضفنا فلتر الهوا.

المفاجأة ; العربية خدت 3 لتر بالضبط وكانت على الماكس, التوكيل بيقولي إنه بيحط 3.2 لتر, علشان يحاسبني على 4 لتر ( آه يا توكيل رخيص..:dontudear:) , من هنا ورايح مش هاغير زيت في التوكيل - صيانة بس بعد كده.

بعد الزيت وتنضيف فلتر الهوا العربية سحبها اتعدل تاني, واحنا راجعين من عند أستاذ توفيق قبل طريق دمياط الدولي لقينا لانسر 1.6 2008 متظبطة آخر حاجة, وهو جاي من ورايا الديفل مع صوت الفلتر سامع وحش ولما جه جمبي شكلها تحفة, تظبيط نضيف جدا, جنت 17, مسقط عفشه سبورت, فوانيس خلفية أول مرة أشوفها, زينون عالي واطي فوج, (ربنا يباركله فيهـا بصراحة)

ودارت المحادثة كالأتي:
ميدو: شكلها جامد.
أنا: جدا!
ميدو: شد معاه.
أنا: فاكس يا عم قشطة.
مينا: ماتعرفش تعمل معاه حاجة.
ميدو: إنت جبان.
أنا: صباح الفل.
ميدو: تعالى عند المطب واطلع معاه.
أنا: ماشي بس مش هاشد, مفيش بنزين.

أنا جيت جمبه والشيطان لعب في دماغي, بصتله ورحت دايس, مطب تاني بصلي وراحنا دايسين في وقت واحد, أول تاني طلعت منه, لفينا وعدينا على الكمين (طلعنا على الدولي) بعد المطب بتاع الكمين روحنا دايسين تاني; أول تاني تالت شكرا للتحية وصاحبها...يا سيريون يا رافعة راسي..:hlopaet_prv:





استهلاك البنزين: 45 لتر في حوالي 550-600 كيلو. ونص الطريق بحرق, والنص التاني مشغل التكييف. و الجميل إن الكيلوهات ديه معمولة في أقَل من 14 ساعة, وهو ده اللي أنا متوقعه من العربية - حمار شغل. آه أنا آخر صيانة عاملها كانت ال 10.000 ودلوقتي عاملة 22.000 (ان شاء الله يومين وأروح عامل صيانة ال 20.000) فعلا عربية اعتمادية.





يتبع يا رجالة لسة الصور جاية...:10D5C8w1107:

منتظر الصور
السريون تعدى من لانسر 1600؟؟؟؟؟؟؟؟؟؟؟؟؟

الصور

بيتكلموا في موضوع مهم وانا جاي ارخم...:36_6_3[1]:


http://images.paraorkut.com/img/grap...52acbffdf5.jpg


أستاذ توفيق والجراج الخاص, أُمّال إيه سيطرة برده.. :ma:

http://images.paraorkut.com/img/grap...e2e05efeec.jpg


أستاذ توفيق بيعرفني على الجميلة دمياط.. وحاسب من الموتسكلات..:knight:

http://images.paraorkut.com/img/grap...c0bf68784e.jpg


يتبع الموضوع مش راضي يشيل صور كتير..

ـــــــــــــــــــــــــ ـــــــــــــــــــــــــ ـــــــــــــــــــــــــ ــ

باقي الصور.

ميدو وأستاذ توفيق.

http://images.paraorkut.com/img/grap...f482ec8860.jpg
ربنا يباركلك يا ميدو ماتجبنيش جنبك في الصور تاني.. :POINTIy2[2]:

http://images.paraorkut.com/img/grap...787257c895.jpg


مينا على اليمين وميدو من على الشمال, ربنا معاك يا ستاذ توفيق...هاهاهاها...

http://images.paraorkut.com/img/grap...56cf94b2cf.jpg



في انتظار باقي الصور, صور أستاذ توفيق...


ويا ميدو إنت وأستاذ توفيق إن شاء الله بعد العيد هالزمكم بواعدكم...:satelite:




فعلا هافضل احلف باليوم ده كتير قوي قدام...

أكبر حاجة الواحد ممكن يكسبها هي معرفة الناس المحترمة.

اقتباس:

---

المشاركة الأصلية كتبت بواسطة nab!l

منتظر الصور
السريون تعدى من لانسر 1600؟؟؟؟؟؟؟؟؟؟؟؟؟

---

يا رب الصور تعجبك, ولو معجبتكش ابقى لوم ميدو هو اللي صور..هاهاهاها...

الله على ماأقول شهيد, ومستر ميدو لما يخش هيؤكد لحضرتك.

مقابلات وحركااااااااااااااااااااا اااات

يعني محدش قال !!!!!!!!!!!!!!!!!!!!!!!!

المقابلة الجايه اعملو حسابي

انا قولت وخلاص

كان نفسى اكون معاكم بس ماليش نصيب بقى سليم عارف اللى فيها....الف سلامه يا استاذ توفيق

تحياتى يا شباب

اقتباس:

---

المشاركة الأصلية كتبت بواسطة mohamed_rhem

مقابلات وحركااااااااااااااااااااا اااات

يعني محدش قال !!!!!!!!!!!!!!!!!!!!!!!!

المقابلة الجايه اعملو حسابي

انا قولت وخلاص

---

وأنا هاعتبر ده اتفاق غير قابل للإلغاء..:shine[1]:

اقتباس:

---

المشاركة الأصلية كتبت بواسطة gmakram

كان نفسى اكون معاكم بس ماليش نصيب بقى سليم عارف اللى فيها....الف سلامه يا استاذ توفيق

تحياتى يا شباب

---

تتعوض يا مستر جورج ولا يهمك, واطمنك على أستاذ توفيق صحته الحمد لله.

بسم الله الرحمن الرحيم ..


أولا من أعماق قلبى أشكركل من أحبتى.. مارتن . مينا . ونجم نجوم الشباب ميدو سيريون..


حقيقة أنا مذهول من المفاجأة لكنها من أحلى وأجمل المفاجأت لأنها غير مرتبة وتلقائية. مع انى ما لحقتش أعمل


واجب الضيافة لكن ما أذهلنى وجعلنى أرتعش من السعادة هو الخاطر الذى جائنى وتذكرت أغنية حمادة هلال.


والله وعملوها الرجالة.. لمن لا يعرف مررت بوعكة صحية فى القلب وتم عمل دعامة فى القلب وتسليك شراين


مسدودة والحمدلله هو الشافى والعافى..


مش عارف أتكلم ولا عارف أقول أو أشكر فقط أحنى رأسى لكم كنتم أكثر من أخوة وما حدث كان أكثر مما يتحملة

قلبى..

باختصار دمياط أصبح لها عيد قومى آخر وهو يوم 15-8-2010 .


أشكركم من كل قلبى وهذة بعض الصور..

آسف لم أستطيع تحميل الصور مرة أخرى سأحاول..:majd(4):


تحيـــــــــــــــــــــا تى

حمد الله على سلامتك يا استاذ توفيق وتقوم لنا بالسلامه
انا زي ما حضرتك عارف لما كلمتك كنت عايز اجي معاهم بس هما اصلا ماقالوش هما رايحين امته وانا اتفجأت والله بالموضوع ده وانهم راحو ورجعو كمان مع اني كنت قايلهم هاجي معاكم ومحدش بعت رساله ولا قال حاجه بس ده العادي من دايهاتسووو زي ما حضرتك عارف :(
ان شاء الله هتلاقيني طابب عليك في يوم كده عشان اتشرف بمقابلتك للمره التايه ان شاء الله :)

الف حمدالله علي سلامتك يا عميد

بجد محدش يعرف لكن فعلا انا لاحظت من الصور ان شكلك تعبان

"لابأس طهور ان شاء الله"

اقتباس:

---

المشاركة الأصلية كتبت بواسطة bmya

حمد الله على سلامتك يا استاذ توفيق وتقوم لنا بالسلامه
انا زي ما حضرتك عارف لما كلمتك كنت عايز اجي معاهم بس هما اصلا ماقالوش هما رايحين امته وانا اتفجأت والله بالموضوع ده وانهم راحو ورجعو كمان مع اني كنت قايلهم هاجي معاكم ومحدش بعت رساله ولا قال حاجه بس ده العادي من دايهاتسووو زي ما حضرتك عارف :(
ان شاء الله هتلاقيني طابب عليك في يوم كده عشان اتشرف بمقابلتك للمره التايه ان شاء الله :)

---

يا مستر شريف حضرتك كلمت حد فينا وبعد كده احنا روحنا من وراك؟؟؟ ده أنت في الموضوعين بتوع المقابلة مبتقولش حتى رأيك, ولا سلام حتى في الموضوع؟؟

أنا مليش دعوة باللي كان بيحصل زمان, أنا عن نفسي بحاول أعمل اللي قدر عليه علشان نفوق القسم, بعد اذنك يا شريف متجبش الموضوع علينا كأننا متحملين عليك, إنت واحد من الناس القديمة اللي المفروض نلاقي منك مبادرة. + زيارة أستاذ توفيق كانت شخصية أكتر منها مقابلة منتدى, وهي مقابلة المنتدى مين جيه؟؟؟

ولا أنا غلطان؟؟؟

اعتقد يا مارتن ان انا لما عرفت ان استاذ توفيق تعبان وان انتم رايحين قلت لكم انا جاي معاكم ان شاء الله

وكنت مستني أكيد منكم بكده وبعدين اتفجأت انكم روحتم وجيتم ومحدش قال اي حاجه


بالنسبه للمقابله بقه انا اصلا ماكنتش هعرف اجي بالاضافه ان احنا في الصيف يعني كان احسن المقابله دي تتعمل في مكان ساحلي كتغيير جو
لكن قولي انت في حد ينزل القاهره في عز الظهر عشان يعمل مقابله بالزمه ده كلام يعني
وعلى فكره انا مجبتش الموضوع على حد اصلا ولا عليكم ولا على اي حد كل اللي قلته انك ماقلتوش انكم رايحين امته مع اني قلت لكم هاجي معاكم

بس كده

اقتباس:

---

المشاركة الأصلية كتبت بواسطة bmya

اعتقد يا مارتن ان انا لما عرفت ان استاذ توفيق تعبان وان انتم رايحين قلت لكم انا جاي معاكم ان شاء الله

وكنت مستني أكيد منكم بكده وبعدين اتفجأت انكم روحتم وجيتم ومحدش قال اي حاجه


بالنسبه للمقابله بقه انا اصلا ماكنتش هعرف اجي بالاضافه ان احنا في الصيف يعني كان احسن المقابله دي تتعمل في مكان ساحلي كتغيير جو

طيب مدخلتش ليه قلت الكلام ده؟ أنا أساسا بحب السفر جدا بس لما اقترحت الرحاب كان علشان الناس كلها عارفاه واتجمعنا فيه السنه اللي فاتت.

لكن قولي انت في حد ينزل القاهره في عز الظهر عشان يعمل مقابله بالزمه ده كلام يعني
وعلى فكره انا مجبتش الموضوع على حد اصلا ولا عليكم ولا على اي حد كل اللي قلته انك ماقلتوش انكم رايحين امته مع اني قلت لكم هاجي معاكم

زي مقولت خش وقول اللي إنت عايزه, كنت هتلاقيني أول واحد معاك, لكن تنفض من بره بره من غير ماتعرفنا إيه وجه الاعتراض؟ إنت ليك حق تضايق بس إنت فاهم أنا بأتكلم في إيه؟؟

بس كده

---

.

حصل خير يا مستر شريف, معلش حصل سوء تفاهم.

ممكن تبعتلي رقمك على الخاص.

اقتباس:

---

المشاركة الأصلية كتبت بواسطة توفيق طة

لمن لا يعرف مررت بوعكة صحية فى القلب وتم عمل دعامة فى القلب وتسليك شراين
مسدودة والحمدلله هو الشافى والعافى..

---

شافاك الله وعافاك يا أستاذ توفيق
حمداً لله على سلامتك
وعلى إنها عدت على خير
لك وحشة والله :)