الموضوع: مقابلة اسمعلاوية دمياطية - يوم مش هيجي زيه.

المقابلة من وجهة نظر العربية..

لما طلعنا على طريق اسماعلية كان في واحد معاه فيرنا جه لزق جمبي من على اليمين وراح دايس, قلت صباحو خلينا نشوف إيه الكلام, مشيت وراه لقيته بيجري جامد, سقط ورحت مثبت وراه (تجميع الفرنا غبي قوي) 140 وفيه غرزة راح مهدي أنا كبست وخدتها من قدامه اتجنن, طلع يجري تاني الطريق هدى وراح فتح تاني وانا وراه 100-120-140-150 بقى في عربية في النص قدامنا هو اخدها يمين لقى عربية قدامه ماشية على مهلها (صوت فرامل جامد) أنا كنت اخدتها من الشمال ورحت....الثبات مش حاجة هينة لو الناس فاكرة إن العبرة بالموتور...يا سيريون يا رافعة راسي..

لما عديت على ميدو وداني عند واحد بتاع زيت المحل لقيت عنده ميجان هاي لاين و كام عربية محترمة قلت يبقى تمام, وكده كده ميدو عارف الراجل وبيغير عنده على طول. + نضفنا فلتر الهوا.

المفاجأة ; العربية خدت 3 لتر بالضبط وكانت على الماكس, التوكيل بيقولي إنه بيحط 3.2 لتر, علشان يحاسبني على 4 لتر ( آه يا توكيل رخيص..) , من هنا ورايح مش هاغير زيت في التوكيل - صيانة بس بعد كده.

بعد الزيت وتنضيف فلتر الهوا العربية سحبها اتعدل تاني, واحنا راجعين من عند أستاذ توفيق قبل طريق دمياط الدولي لقينا لانسر 1.6 2008 متظبطة آخر حاجة, وهو جاي من ورايا الديفل مع صوت الفلتر سامع وحش ولما جه جمبي شكلها تحفة, تظبيط نضيف جدا, جنت 17, مسقط عفشه سبورت, فوانيس خلفية أول مرة أشوفها, زينون عالي واطي فوج, (ربنا يباركله فيهـا بصراحة)

ودارت المحادثة كالأتي:
ميدو: شكلها جامد.
أنا: جدا!
ميدو: شد معاه.
أنا: فاكس يا عم قشطة.
مينا: ماتعرفش تعمل معاه حاجة.
ميدو: إنت جبان.
أنا: صباح الفل.
ميدو: تعالى عند المطب واطلع معاه.
أنا: ماشي بس مش هاشد, مفيش بنزين.

أنا جيت جمبه والشيطان لعب في دماغي, بصتله ورحت دايس, مطب تاني بصلي وراحنا دايسين في وقت واحد, أول تاني طلعت منه, لفينا وعدينا على الكمين (طلعنا على الدولي) بعد المطب بتاع الكمين روحنا دايسين تاني; أول تاني تالت شكرا للتحية وصاحبها...يا سيريون يا رافعة راسي..





استهلاك البنزين: 45 لتر في حوالي 550-600 كيلو. ونص الطريق بحرق, والنص التاني مشغل التكييف. و الجميل إن الكيلوهات ديه معمولة في أقَل من 14 ساعة, وهو ده اللي أنا متوقعه من العربية - حمار شغل. آه أنا آخر صيانة عاملها كانت ال 10.000 ودلوقتي عاملة 22.000 (ان شاء الله يومين وأروح عامل صيانة ال 20.000) فعلا عربية اعتمادية.





يتبع يا رجالة لسة الصور جاية...

منتظر الصور
السريون تعدى من لانسر 1600؟؟؟؟؟؟؟؟؟؟؟؟؟

الصور

بيتكلموا في موضوع مهم وانا جاي ارخم...





أستاذ توفيق والجراج الخاص, أُمّال إيه سيطرة برده..




أستاذ توفيق بيعرفني على الجميلة دمياط.. وحاسب من الموتسكلات..




يتبع الموضوع مش راضي يشيل صور كتير..

ـــــــــــــــــــــــــ ـــــــــــــــــــــــــ ـــــــــــــــــــــــــ ــ

باقي الصور.

ميدو وأستاذ توفيق.


ربنا يباركلك يا ميدو ماتجبنيش جنبك في الصور تاني..




مينا على اليمين وميدو من على الشمال, ربنا معاك يا ستاذ توفيق...هاهاهاها...





في انتظار باقي الصور, صور أستاذ توفيق...


ويا ميدو إنت وأستاذ توفيق إن شاء الله بعد العيد هالزمكم بواعدكم...




فعلا هافضل احلف باليوم ده كتير قوي قدام...

أكبر حاجة الواحد ممكن يكسبها هي معرفة الناس المحترمة.

المشاركة الأصلية كتبت بواسطة nab!l

منتظر الصور
السريون تعدى من لانسر 1600؟؟؟؟؟؟؟؟؟؟؟؟؟

يا رب الصور تعجبك, ولو معجبتكش ابقى لوم ميدو هو اللي صور..هاهاهاها...

الله على ماأقول شهيد, ومستر ميدو لما يخش هيؤكد لحضرتك.

كان نفسى اكون معاكم بس ماليش نصيب بقى سليم عارف اللى فيها....الف سلامه يا استاذ توفيق

تحياتى يا شباب