http://img51.imageshack.us/img51/9228/21012010635.jpg
تغيير زيت الموتور والفتيس موجود في نفس المحطه , كارجاس
عرض للطباعة
http://img51.imageshack.us/img51/9228/21012010635.jpg
تغيير زيت الموتور والفتيس موجود في نفس المحطه , كارجاس
انا اشتريت النهارده فيسكو 2000 من مصدق الدقي وسئلت الفنيين هناك اي الانواع الافضل للموتور بتاعي في الظرف الحر دي .. الكل نصحني ب فيسكو 2000 وكمان لقيت التاكسيات اللي هناك بيرشحوه والكل اجمع انه يتمشي عليه في الصيف مش اكتر من 5000 كيلو (ممكن اقل حسب نزاهتك للموتور واستعمالك) وان الافضل للعربيه تغيير الزيت علي فترات قريبه في الحر ده بدل ما تجيب زيت تمشي عليه كتير
بس انا لسه فاضلي 300 كيلو و انزل الزيت اللي عندي .. لما هاغير هاقولوكوا ومش هاحكم عليه الا بعد 3000 كيلو من حيث البخر والاحتفاظ باللزوجه واتمني انه يعجبني واني استمر عليه
[QUOTE=M.Zaher;3872973778]
غير زيت الفتيس الاوتو عند الميكانيكي عشان يغيرلك الفلتر او على الاقل ينضفه
لانك لو غيرته في المحطة مش هايجوا ناحية الفلتر
بس لازم ميكانيكي يكون بيفهم في الفتيس
شكرا لاهتمام حضرتك بس المشكله اني كنت عند الميكانيكي النهارده وسالته ايه رايك في زيت فيسكو قالي معرفهوش اصلا وده بصراحه مخوفني اني اغير لزيت فيسكو ولا ايه رايكم :Ob_mak1[1]::dzey:
حد جربة في الفيرنا ؟؟ وهل فعلا فيه زيت ممكن يقعد 25 ألف كيلو ؟؟؟ ولا دي دعاية وخطر علي الموتور .... برجاء الرد من خبراء المنتدى
للاسف ده لان احنا عندنا ثقافه اسمها (اللي تعرفه احسن من اللي متعرفهوش) , وناس كتير بتخاف من التجربه الجديده
وعشان كده مفيش حد عايز يعرف اي حاجه غير الموبيل 1 والشيل وبالتالى اللي جربوا الفيسكو مش كتير
على فكره بمناسبه الميكانيكي دي , انا كنت سالت ميكانيكي من 5 سنين عن رأيه في الاسبرانزا , وقالى (بنفس طريقه اللمبى لكن بدون قصد) نعم !! يعني ايه الكلمه دي !! ولما عرف انها نوع عربيه قالى لا خليك في العربيات اللي بنشتغل فيها و نعرفها كويس , واعتقد دلوقتي الحال اختلف , ونقدر نقول مين ميعرفش يشتغل في الاسبرانزا
انا مجربه حاليا في اللانوس وشايف انه كويس جدا ولا يقل جوده عن موبيل وغيره
طالما المحرك سليم وعوامل الجو والطبيعه اللي الزيت شغال فيها مناسبه ممكن يمشي اكتر من كده لو هو مٌصمم على هذا الاساس
هي فين الدعايه دي ؟؟؟ انا شخصيا استخدمته بناءاً على تجارب بعض الزملاء والاعضاء
الزيت ده انتاج شركه bp وهي شركه عريقه وذات سمعه طيبه في بلادها وزيوتها لا تقل في مستواها عن موبيل 1 و شيل
طيب يا جماعه معلش انا ليا سؤال كده صغير انا مش متوفر ليا زيت فيسكو خالص هل موبيل 1 كويس ولا حد يقولي نوع تاني لان بصراحه عشان اجيبه هطلبه من حد يجبهولي مخصوص عشان انا مش في القاهره ناو
[[gdwl]
[gdwl]
QUOTE=محمد الشامي;3872977281]للاسف ده لان احنا عندنا ثقافه اسمها (اللي تعرفه احسن من اللي متعرفهوش) , وناس كتير بتخاف من التجربه الجديده
وعشان كده مفيش حد عايز يعرف اي حاجه غير الموبيل 1 والشيل وبالتالى اللي جربوا الفيسكو مش كتير
على فكره بمناسبه الميكانيكي دي , انا كنت سالت ميكانيكي من 5 سنين عن رأيه في الاسبرانزا , وقالى (بنفس طريقه اللمبى لكن بدون قصد) نعم !! يعني ايه الكلمه دي !! ولما عرف انها نوع عربيه قالى لا خليك في العربيات اللي بنشتغل فيها و نعرفها كويس , واعتقد دلوقتي الحال اختلف , ونقدر نقول مين ميعرفش يشتغل في الاسبران
انا حطيت فيسكو 2000 امبارح والملاحظات بامانه كالتالي:
1- الزيت من حيث القوام اخف شويه من الموبيل xhp(يعتبر خفيف نسبيا)
2- اللزوجه هي هي بعد سفر 100 كيلو العربيه سخنه( وجاري التجربه بعد عدد اكتر من الكيلومترات)
3- مهندس محمد التازي بيقول ان الزيت خواص يعني موضوع اللزوجه اللي بنعمله باننا نحسها بين الاصابع ده مش علمي لان الزيت لما يفقد خواصه برده بيكون لزج ولونه بني ورائحته حمضيه( ياريت تعقيب بعد اذنكم علي موضوع اللزوجه ده وكيفيه الحكم العادل علي الزيت)
انا سعيد علشان الزيت ده اوفر واتمني اني استمر عليه ولو هانزله علي 3000 كيلو برده هاكون كسبان
انا كنت عند بتاع الزيوت النهارده وشفت عنده نوع فيسكو 3000 ngv بس سالته قالي 57 جنيه بالتغير وقالي ده غاز وبيشتغل مع البنزين وهو زيت كويس
بس طبعا انا سمعت منه ومش مقتنع فقلت اسأل اهل الخبره في المنتدي لاني بجد عايز اغير خلال يومين الزيت وبجد عايز اطمن لاني بحترم راي الناس في المنتدي
انا من حوالى 3 اسابيع غيرت لزيت فسيكو 2000 وانا كنت بستعمل موبيل xhp وبقالى دلوقتى حوالى 500 كيلو كل الناس بتقول ان المفروض يبقى صوت الماتور اهدى من الاول انا محستش بكدة انا حاسيس ان فى نحرة من ساعت ماحطيتة وعشان كدة قلت حغير لفسيكو 5000 تخليقى وقبل ماغير حاغسل الماتور بفلاش وحاشوف انا سيارتى لانوس 2 عاملة 100 الف كيلو
من رأيي خليك في الفيسكو الـ 2000 , 3000 , 5000
في اول مره هتغيير من اي نوع لفيسكو استعمل فيسكو 2000 مع تغيير فلتر الزيت ونزله على 5000 كم , وبعدها استعمل فيسكو 3000 او 5000
فيسكو 2000 - زيت معدني
فيسكو 3000 - زيت نصف تخليقي
فيسكو 5000 - زيت تخليقي بالكامل
وطبعا الافضل من حيث الاداء والتركيبه هو التخليقي , انا شخصيا لسا حاطط الفيسكو بشكل عام تحت الاختبار , وفي اي وقت هحس ان الفيسكو مش اد كده وهيبوظ الدنيا فـ وقتها هرجع تاني للموبيل 1
انا متابع معاك علشان عني صوت الموتور اعلي سنه عن الاول بس لسه ما عملتش بيه غير 120 كيلو وعايز اعرف هل الصوت هو المقياس لجوده الزيت؟؟؟
وخاصه ان المهندس محمد التازي بيقول ان اللزوجه مش مقياس وان الاتجاه الحديث هو الزيت الخفيف وبالتالي اصبح الحكم علي الزيت من غير طريقه اللزوجه اللي بعملها ملهوش مقياس حقيقي
والله يا صديقي انا لما حطيت الفيسكو 2000 حسيت ان الصوت بقا اهدا عن الاول , لكن بردو ده مش مقياس , انا هتابع الاداء ولو حسيت ان الزيت ده فيه منه ضرر على الموتور فأكيد هرجع تاني للموبيل 1 , لان الموتور مش لعبه , لكن لو الفيسكو اثبت كفاءته فـ بإذن الله المره الجايه هحط الفيسكو 5000 لانه تخليقي , وهنزله حتى على 15 الف كم
معلومات عن زيت المحركات بشكل عام منقول من موقع اخر
-------------------------------------------------------------------
فائده زيت المحرك :-
مقاومة الاحتكاك بين الاسطح المتلامسة لحمايتها من التأكل و الفضاوة.
الخصائص الواجب توافرها في زيت المحرك :-
1- ان يكون ذو سيوله كافيه لتخلخل داخل الاماكن الضيقه و الصغيره .
2- ان يكون الزيت له القدره علي المحافظه علي درجه لزوجته علي اكمل وجه .
3- ان يكون له مقاومه كبير للاحتراق عند الدرجات الحراره العاليه .
4- مقاومه الزيت لعمليه التأكسد (تحول الزيت في درجه حراره العاليه مثل شنابر البستن الي مركبات صمغيه اسفلتيه )التي تحدث له عند ارتفاع درجه الحراره و هذي الماده تسد الممرات .
5- ان يكون الزيت مقاوم للصدأ.
مقياس لزوجه الزيت :
يمكن قياس لزوجه الزيت علي حسب مقياس انجلر على انه عباره عن لزجه الزيت لمرور كميه من الزيت قدرها 200 سم مربع . دي انا مش فاهمها بمنتهى الصراحه
-------------------------------------------------------------------
انا من رأيي بعد الكلام ده نقدر نتابع اداء الزيت عن طريق :-
1- لون الزيت ,, يعني هيحافظ على لونه ولا هيتحرق بسرعه مثلا
2- متابعه قوام الزيت نفسه , يعني قوامه اصبح غليظ او متماسك زياده عن اللزوم , ولا هيفضل اطول فتره ممكنه على حالته السائله اللي تسمح بـ تغلغله داخل اجزاء الموتور
الف شكر يا محمد علي المعلومات دي بس احب اضيف :
1- لو انت معود العربيه انك تغير فلتر مع الزيت كل مره زي حلاتي عمر ما الزيت الجديد يسود الا بعد 5000 كيلو مثلا بفرض انه نوع نضيف ( وبعدين السواد ده طبيعي علشان تنضيف الموتور)
2: بالنسبه للقوام الفيسكو قوامه اساسا اقل من الموبيل والشيل يعني سيولته اعلي نسبيا ..بمعني انك لما بتحط اي زيت وتمشي عليه فتره طويله بتلاقيه فقد اللزوجه وبقي اشبه للسائل وانا متاكد انه بعد2000 كيلو ان لزوجته هاتقل وقوامه هايخف عن كده ... انما عمري ما شفت زيت مشي اكتر من المعدل الطبيعي لزوجته زادت ومنعت من تغلغله بشكل طبيعي ؟؟ ( ده عكس المتعارف عليه)..اتمني انك تفهم قصدي
احب اضيف تساؤل:
كل شركات الزيت بتلاقي عندها تلات فئات زي موبيل (الابيض والسوبر و دايما اعلي درجه بيكون تخليقي) وده بروتوكول لخط الانتاج بوجه عام
وبتلاقي اسعار كل فئه متقربه زي مثلا الشيل التخليقي مع الموبيل التخليقي مع الفيسكو التخليقي... وتقريبا نفس عدد الكيلو مترات ولو سألت مهندس فني في الموبيل عن موبيل 1 بيقول انه ممكن يقعد فنيا اطول بكتير عن 10000 كيلو بس جري العرف علي 10000 كيلو لللامان(safty) وعلشان الناس تبيع اكتر ..
اتمني انكم تكونوا فهمتوا قصدي كويس وان فيسكو 2000 ده مايكونش premium في الخواص بتاع الزيت وانه مايكونش مقابل ل الموبيل الابيض اللي بيوازي نفس السعر ...
ياريت اللي عنده رأي مشابه يرشارك معايا واللي شايف ان راي مش صح يفهمني وجهه النظر المقابله
انا فهمت من المهندس محمد ان الزيت 3000 اصبح معدني بالكامل بدل نصف تخليقي
QUOTE=Mohamed_Tazy;3872842269][justify] منتجات bp الى هى فيسكو مش بقالها كتير فى السوق فاحنا ماشيين مع التطور الى فى الدنيا وكذلك طبعا شيل وموبيل ولكن مع احترامى الكامل ليهم وهما شركتين من اكبر الشركات فى مصر الا انهم اعتادوا على مخاطبة العميل بالصياغه التى تتماشى مع رغبته من 20 سنه الا وهى عدم استمرار الزيت فى الموتور لفتره طويله معنى ذلك ان الشركات الاخرى زيوتها ذات جوده عاليه برضه ومن الممكن ان تظل فى الموتور لفتره اطول من المعلن ولكنها عمليه تسويقيه بحته[/justify][/QUOTE]
اتمني ان وجهه نظري تكون وضحت وان الفكره ان ممكن موبيل xhp يقعد لحد 1000 كيلو بس الفكره فكره دعايه لان الاحلال والتبديل مطلوب للمكسب وان فيسكو 2000 مقابل للموبيل اللي في جركن ابيض من حيث السعر والمواصفات الفنيه
انا مش من انصار انى اخللى الزيت 20000 و لا 25000 كم فى العربية . جونا مترب و انا من خبرتى ان تغير الزيت دا زى متكون بتستحمى . فانا بمسك العصاية من النص . لا 25000 و لا 10000 خللينا ف 15000 من حيث الجودة و برضة بغيرة على 10000
دا رأيى الشخصى . و حكاية تخليقى و لا نص تخليقى الله اعلم اية الصح مع العلم ان الموتور عندى لسة جديد بس بستخدم ال 3000 مش ال 5000
انا مع كلامك وكنت بنزل الموبيل xhp علي 2500 كيلو بس انا بتكلم علي حاجه تانيه خالص ..الا وهي توازي جوده الثلاث انواع بتوع الموبيل و الشيل مع الثلاث انواع للفيسكو من حيث السعر والخواص والكيلو مترات مع فارق تصريح مهندس محمد التازي بفترات التغيير الصحيحه وان المشكله في شل وموبيل انهم مش بيصرحوا بالفترات الصحيحه علشان يبيعوا اكتر
طبعا دى عملية تسويقية بحتة . المصلحة العامة انة يبيع المنتج و لان موبيل و شل قدام فبيصدقو كلامهم و لو قالو موبيل وان يتغير بعد 1000كم هتلاقى الناس بتعمل كدة طبعا دا كلامى بس الزيوت تختلف من حيث درجة النقاء و دا مربط الفرس . اقولك انا بقالى 35 سنة بتعامل مع مصر للبترول من اول زيت ال 3000كم و بعدين ال 7500 و بعدين 10000 على مر السنين و اخر زيت كنت بستعملة خمس سنين فى العربية اللى بعتها كان زيت اسمة مصر وان 10000 كم و سعرة 85 جنية و بصراحة كان معايا زى الفل و بغيرة على 9000 . و طبعا مهندس محمد التازى من مصلحتة طبعا ترويج منتج جديد ليدخل المنافسة . المهم المصداقية فين ؟؟ زى ما قلتلك دى سياسة تسويق
ياجماعه انا بستخدم فيسكو من حوالى 7 شهور
انا سمعت عنو بالصدفه عن طريق النت اولا انا عربيتى سوزوكى موديل 2008
كنت بستخدم زيت شيل الاصفر المفروض انو 5000كيلو انا كنت بنزله على 4000 وكان بينزل هباب ومفهوش لزوجه غير سعره كان غالى انا قلت خلاص اجرب فيسكو انا جيبتو من البنزينه الى خلف الجراج فى جسر السويس جبت فيسكو 2000 والى اعرفه عنو انه 10000كيلو انا قلت خلينى فى المضمون واغيره على 7000 كيلو وانا كسبان برضو .
لاقيت صوت الماتور بقى انعم وعجبنى جدا وبعد 3-4 غيارات كده نصحت واحد صحبى معاه نفس نوع وموديل سيارتى انه يغيره وفضلنا عليه انا وهو لحد ملاحظنا بعد اربع شهور من استخدامه ان الزيت بينزل ناقص كيلو ويمكن اكتر فقلنا خلاص خليه 6000 كيلو برضو نقص عندى وعندو واخر مره انا نزلتو كان ناقص اكتر من كيلو ونص المهم صاحبى بطل يغير فيسكو لكن انا قلت اخر مره اجرب واغيره على 5000 واشوف وانا حاليا عامل 2500 وربنا المستعان:ask::ask::ask:
مشكور علي نقل التجربه بصراحه...بس كون الزيت ينقص في حاله ان الموتور سليم فنيا ده معناه ان فيه نسبه بخر عاليه وانه بيفك بسرعه وبيحل مع السخونه ودي مشكله.
انا الموبيل xhp لما كنت باسيبه لحد 3000 كيلو ماكانش بينقص الا حاجه بسيطه خالص (بخر طبيعي) ولما كنت باحس انه ابتدي ينقص وصوت الموتور مش زي الاول وان الزيت بقي مسود شويه كنت باعرف ساعتها انه جاب اخره فابغيره
عموما انا هاجرب الزيت ده هاتابعه عن قرب لغايه 2000 كيلو ولو لقيته مش تمام من حيث البخر وصوت العربيه هاستبدله بنوع تاني فورا(الموبيل ) علشان المصداقيه وياريت لو في حد جرب ينقل لينا التجربه بصراحه علشان الموتور مش لعبه
+1
هو ده بالظبط اللي انا ناوي عليه , لاني من كتر الكلام عنه والتشكيك فيه بدأت اقلق :-) مع اني والله مرتاح من ناحيته اكتر من موبيل , ولغايه امبارح انا شايف ان الفيسكو زيت محترم واداءه كويس , وصوت الموتور عندي لسا هادي عن الاول
عامه التجربه هتوضح كل شئ وان شاء الله خير , وفي أسوأ الظروف ان شاء الله مفيش خساره :-)
انا بدات اقلق بصراحه يا شباب
بس محدش جرب زيوت امارات مصر يا شباب انا بستخدمها بقالى فتره ومحترمه جداااااااااااااا
والله يا مصري انا عن نفسي اول مره اغير من موبيل 1 واحط فيسكو
طيب ما تدينا فكره عن اسعار زيوت امارات مصر (لو امكن) , عشان لو حد حب يجرب , بما اننا حاليا بنعمل اختبارات وتجارب لأفضل الزيوت بعد موبيل وشيل :-)
انا شخصيا جربته مرتين يعنى تقريبا لحد الان 17 الف كيلو تقريبا وبنزله على 9 الاف كيلو هو عامل 235 جنيه يعنى مش رخيص سعره عادى جدا بس انا شايف انه افضل مش شيل وموبيل من ناحيه اللزوجه بحس انى بحط عسل ابيض من زيت من كتر اللزوجه بتاعته وبيقعد حوالى 4 الاف لونه عسلى فاتح وبيدا يغمق مع الوقت
كلامك تمام وفعلا لازم الواحد يستقر على نوع , وبالامانه المكنه عندي عمرها ما اتحط فيها حاجه غير موبيل 1 , بس لما سمعت ان الفيسكو كويس قولت اجربه , ولو اثبت عدم كفاءته فـ هرجع تاني للموبيل 1 , وان شاء الله كل شئ هيبان قبل التغيير الجاي
أولا أحب أنقل ليكم تجربتي:
http://www.nilemotors.net/Nile/159146-a.html
ثانيا
الأستاذ محمد الشامي أنا شايف إن حضرتك غلطت كتير لما نزلت من زيت تخليقي لزيت معدني
لأن مهما كانت مواصفات الزيت المعدني وجودته مش هاتعمل بنفس كفاءة الزيت التخليقي أبدا بغض النظر عن الماركة
وبأي حال هايكون الحكم مش في محله والأولى انك كنت تغير لتخليقي فيسكو 5000 مثلا لو هاتجيب فيسكو أو شيل هيليكس ألترا لو هاتجيب شيل
بالنسبة للأستاذ بكر وبرضه لباقي الأعضاء
فيه حاجة أنتم مش واخدين بالك منها ، وهي مواصفات الزيت
الفيسكو 2000 ده أقل حاجة فيهم ومواصفاته API SJ ، يعني على ما أذكر أقل من الموبيل الـ XHP
وده اللي خلاني أجيب فيسكو 3000 لأن مواصفات مطابقة لـ API SL
أحب أضيف حاجة برضه ، أن المهندس محمد ماقلش أن المقياس مش اللزوجة بالعكس تماما
هو فيه خلط في النقطة دي
فيه فرق بين الـ Thickness ( السماكة ) والـ Viscosity ( اللزوجة )
الأتجاه الجديد زي مابيقول المهندس محمد هو ان السماكة هاتكون أقل وده هايزود صلاحية الزيت للدخول في الخلوصات الصغيرة ويقوم بدوره
أما اللزوجة لا تعتمد على السماكة
كمان بالنسبة للون الزيت مش هو المقياس نهائي ، بل بالعكس اللون لما يتغير يبقى كده الزيت بيقوم بدوره وبينضف وبيدخل للخلوصات الدقيقة
أما لو بيحتفظ بلونه يبقى مش بيقوم بدوره ، وده بأستثناء العربيات الزيرو طبعا لأنه مش بيحتوي على شولء ولا كربون لسه
صحيح نسيت أقول حاجه مهمه
زيت فيسكو 2000 مصنع ومعبأ بالكامل في مصر
أما زيت فيسكو 3000 و 5000 مصنع ومعبأ بالكامل في الأمارات ، وطبعا من خامات أعلى في الجودة
وأنا رأي بصراحة أن فيسكو 2000 حرام يتحط في عربية جديدة ، ومناسب جدا للعربيات القديمة
بشكرك على النصيحه يا استاذ احمد وبجد نصيحه مقبوله , لكن انا حطيت الفيسكو 2000 على سبيل التجربه لنوعيه الزيت بشكل عام (مع مراعاه الفرق بين المعدني والتخليقي طبعا), وكمان لاني بعمل زي مرحله انتقاليه لإستخدام فيسكو 5000 , ده في حاله ان اداء الزيت عجبني
وانا حتى قولت اني بمجرد ما هحس ان في خطر من استخدام الفيسكو بشكل عام هرجع تاني للموبيل 1 , وبصراحه شكلي بدأت اقلق من الفيسكو
لكن في أسوأ الظروف هعتبر اني حطيت زيت رخيص اغسل بيه الموتور هنزله بعد 2000 كم مثلا , واعمل فلش واحط موبيل 1 تاني ولا كأن شئ حصل :-)
بشكر حضرتك تاني بجد على نصيحتك و تجربتك المفيده
------------------------------------------------------------------------------
نسيت اقول اني لغايه دلوقتي راضي عن اداء الفيسكو 2000 , بعد تجربه لمسافه 500 كم تقريبا
طب هو شيل الاصفر مالو يا جماعة انا بستعملة و ماشي معايا زي الفل و بصراحة انا اصلن المفرود انزله اليومين دول و كنت ناوي اجرب فيسكو بس انا كدة قلقت
طب استفسار سريع كدة حد يعرف شيل الاصفر بيتعبى فين مصر ولا فين ؟
العفو ياباشا ، لاشكر على واجب
وه دي المشكلةاقتباس:
وانا حتى قولت اني بمجرد ما هحس ان في خطر من استخدام الفيسكو بشكل عام هرجع تاني للموبيل 1 , وبصراحه شكلي بدأت اقلق من الفيسكو
ياباشا بصراحة أنا مش عاف جالك قلب تعمل كده إزاي
عارف اللي عملته ده عامل زي أيه
زي واحد كان راكب عربية ألماني وسمع عن الهيونداي فراح ركب الفيرنا وطبعا ماعجبتوش
مع إن كان الأولى يجرب السوناتا أو الأزيرا أو الجينسيس
وفي الأخر رجع للعربيات الألماني وبقى بيشتم في الكوري عن تجربة :ma:
لأ بلاش الفلش خالص حتى لو هاترجع لموبيلاقتباس:
لكن في أسوأ الظروف هعتبر اني حطيت زيت رخيص اغسل بيه الموتور هنزله بعد 2000 كم مثلا , واعمل فلش واحط موبيل 1 تاني ولا كأن شئ حصل :-)
من مجمل اللي قريته أنه مساوئه أكتر من فوايده ، وبتعمل كإجراء أخير في المواتير الخلصانة
اقتباس:
بشكر حضرتك تاني بجد على نصيحتك و تجربتك المفيده
------------------------------------------------------------------------------
نسيت اقول اني لغايه دلوقتي راضي عن اداء الفيسكو 2000 , بعد تجربه لمسافه 500 كم تقريبا
إن شاء الله تنزله وتحط فيسكو 5000 علشان تحس بالفرق فعلا ، بس واضح إن لسه قدامه كتير "500 كم" :majd(2):