يعني اغير لزيت فيسكو 3000 ولا اكمل زي منا علي شيل الاصفر
عرض للطباعة
ربنا يخليك يا استاذي على كلامك القيم فعلا , و واضح ان تجربتك مع الفيسكو علمتك كتييييير :-)
على فكره انا مستعد انزل الزيت ده من بكره :-) مش هتفرق معايا اذا كان عامل 500 ولا 5000 كم ,, لان الحمد لله المكنه عندي نضيفه اوي (و لله الحمد) و مش عايز اضيعها او اقلل من كفاءتها بسبب تجارب :-) , وفي الحاله دي انا ممكن ارجع للموبيل تاني بدون فلش زي ما حضرتك قولت ويبقا اكتفينا بشرف المحاوله والتجربه وبس :-)
انا بغير فيسكو 2000 بقالي حوالي 5 شهور وبنزله كل 4000 كيلو
وبصراحة شغال معاي تمام وموفر جدا في الفلوس لأني بجيبه بنسبة خصم حوالي 15%
وان شاء الله هغير المرة الجاية فيسكو 3000
وكل عام وانتم بخير
الف الف شكر علي مشاركتك بتجربتك:satelite:
انا كنت متوقع برده ان الفيسكو 2000 اقل من الموبيل xhp بس قولت اجرب انا كنت بنزل الموبيل علي 2500 علشان الحر واني باسافر كتير
تجاربي في الزيوت لاتتعدي الموبيل xhp ولما استخدمت الموبيل 1 من فتره طلع(اي كلام) بعد 4000 كيلو (من حيث البخر العالي واللزوجه بعد المشاوير الطويله) وكان هايبهدلي الموتور:beatdeadhorse5: فحلفت بعدها اني ماخليش زيت يقعد في المكنه فتره طويله
انا عارف ان تعدد انواع الزيت علي الموتور ممكن يضره وده سمعته من اكتر من واحد واللي بافكر فيه دلوقتي ارجع للموبيل xhp(علشان عارفه ومجربه وبنزله علي فترات قريبه) ولا انقل لفيسكو3000 (مع اني مقتنع انه زي مواصفات الموبيل xhp بس يعتبر:g: اغلي)؟ وموبيل شركه محترمه ( طالما بتجيب من مكان موثوق منه)؟
سؤال كمان : امشي بالزيت اللي فيها دلوقتي (2000 فيسكو) لحد كام كيلو ويكون امان؟:rfds:
انا متابع الموضوع بقالى كام يوم بس مبردش اشوف الناس بتقول اية . و عندى كام حاجة عاوز اقولهم :
ممكن حد يقولى اية الضرر فى تغير نوع الزيت ؟؟؟؟
عن نفسى بقول مفيش اى ضرر و اللى بيقول كدة يقولى لية . دا كلام و شغل المسوقين عشان تتبت فى المنتج بتاعهم سياسة بيع مش اكتر . العملية نفسية اكتر منها تسويقيا و كمان استخدامك للعربية يعنى مثلا مهندس مشاويرة فى الصحرا ولا شخص بيستخدم العربية فى سفريات و لا شخص بيستخدم العربية لانتقالاتة . الاختلاف هنا و مدى اختيار الزيت المناسب ليك . الزيت فى العربية وظيفتة محددة الاختلاف فى الجودة و نسب الشوائب الموجودة فى الزيت من نوع الى اخر . بقالك كام شهر بتتكلمو على الزيت مفيش حد جاب سيرة زيت مصر للبترول اسمة مصر وان مع انى كنت بستعملة 5 سنين طبقا لاحتياجاتى و بغيرة على 9000كم و زى الفل . و قلت قبل كدة العلامة التجارية ليها حساب مجرد اسم موبيل على العبوة ليها سعر مع ان الزيت ممكن يكون زبالة او مستواة زى اى زيت عادى بس اغلى لية عشان اسم موبيل على العبوة و نفس الكلام على شل . زميل قال كلة زيت واحد و كل شركة تاخد حصتها و تحط الخلطة السرية بتاعتها !! هيحطو اية مواد لتحسين لزوجة الزيت و لا كثافة الزيت المهم تحطها فى عبوتها الخاصة للربح من العلامة التجارية و اعتقد انة الاضافات بتتحط فى جميع الشركات و لها معايير . زى ما قلت الاختلاف فى الشوائب و درجة انحلال و فقدان اللزوجة اللى يفرق انا اذا كنت بشجع الفيسكو و لا زيت الامارات فدا لانة مصتع و معبأ فى الخارج و ظروفهم اقسى من ظروفنا فاكيد هيكون زيت كويس . و بكرر تغير الزيت على فترات متقاربة هو دا الاهم مش يعنى كل 3000كم و لا 25000كم انما الوسط 9000 او 10000 على الاقل عشان تغير الفلتر الفلتر لوحدة كارثة فى العربية و ممكن يطير موتور و مش معقول مثلا هتجط زيت 25000 و تيجى تفك الفلتر تغيرة على 10000كم و تسيب الزيت . طبعا كل واحد و دماغة انا كلامى عن اكتر من 30 سنة فى العربيات و كنت بغير الزيت كل 1500كم فى الاول و بعدين ظهر زيت ال 5000كم و بعدين زيت ال 7500كم و بعدين زيت ال 10000كم و دلوقت زيت ال 15000 و ال 25000 يمكن بكرة هيعملوا زيت ال 40000 يعنى فى تطوير مع موضوع الزيت كويس . المحافظة على الموتور انك متوصلش بالزيت للحد الاقصى لية لان حط فى دماغك انها عملية تسويقية خلليك فى المنتصف راحة الموتور فى تغير الزيت و الفلتر . طبعا كلامى هيلاقى ردود المهم الاختلاف فى الرأى لا يفسد للود قضية . لكم اراء و لى اراء. تقبلوا تحياتى
ملحوظة الفلاش ليس لة اى تائير ضار بالموتور و اللى قال كدة يتفضل يقول السبب الافلاش فايدتة غسيل الموتور من اثار الزيت القديم مش اكتر
يعني يا جماعة مافيش طريقة الواحد يقدر يعرف بيها ان الزيت عاوز يتغير؟؟؟؟؟؟؟؟؟؟؟؟؟؟؟؟؟؟؟؟ ؟
اصل لو الزيت لسه كويس حرام انزلة علي الفاضي كده ولا إيه؟
اللي قالي ان كتر تغيير الزيت من نوع لاخر يتعب الموتور كان الفنيين اللي في محطات موبيل ونفس الحكايه شيل لما كنت مع صاحبي & الميكانيكه(ممكن مانصدقهوش:mahf(5):) ومهندس محمد تازي والكل لما كان بيقول كده ماكانش كلامهم فيه نيه سيئه او تلميح علي الاستقرار علي نوع الزيت بتاعهم بس لكن بشكل عام الكلام انك تستقر علي نوع معين وتثبت عليه (الله اعلم الصح فين؟)
اما بالنسبه للفلش في ناس بتقول انه بيعمل تسليخ للبساتم وبرده ماحدش عارف الصح ايه؟؟؟؟:mahf(5):
زى ما قلت 99% عملية تسويقية بحتة عشان تفضل تستعمل الزيت بتاعهم برضة الله اعلم فين الصح
اما عن موضوع التسليخ لية يحصل تسليخ ؟؟ هوانت هتحط ميية ؟؟ ما هو زيت برضة و يفضل طبعا نفس الزيت اللى هتطحط منة بعد كدة يعنى مثلا تجيب 2 عبوة كيلو و تعمل الفلش و تنزلهم و تحط الزيت كامل بس طبعا مكلفة شوية فيفضل انك تحط الزيت كامل بس متكملش مدة الزيت مع انى مش مقتنع بالموضوع دا يعنى هنزل الزيت و هنغير فلتر و الباقى اللى هيفضل فى العربية ميكملش ربع كيلو هودا اللى هيبوظ ال 4 الجداد !!!!!
زى ما قلت كل واحد و دماغة و راحتة النفسية كلام الناس كتير المهم تسمع لمين و تصدق مين
ياجماعه تغير الزيت مافيهوش اي مشكله طالما بتحط زيت مابيقلش عن نفس مواصفة زيت اللى بيوصي بيه صانع السياره
يعني زيت فيسكو 2000 مثلا مواصفه api sj
والعربيات الدايو في الكتالوج بيقولك حط زيت مواصفه api sj
يبقى طالما حطيت زيت من نفس المواصفه او اعلى مافيش ضرر لكن ماينفعش احط اقل من مواصفه الزيت بتاعي
وبرضه الفكره نفسها من تخليقي لمعدني
من سؤالي للبشمهندس سمير عن الفلش لعربيتي قالي بلاش طالما الموتور حالته كويسه !!!!
كمان سألت البشمهندس محمد التازي قال بلاش فلش !!!!
لو كان فيه فايدة ماكنوش نصحوني بالبعد عنه ، والله أعلم
ولو في حد عنده معلومات تانيه ياريت يفيدنا
العفو ياباشا ، لا شكر على واجب
أن مش متأكد تماما من النقطة دي ، فياريت لو حد ينفع يأكدها
حكمت منين إن البخر عالي ؟
أنا عن نفسي الكتالوج بتاع عربيتي بيقول طالما البخر مش بيزيد عن لتر كل 1000 كم يبقى مافيش مشكلة
تجربيتي مع موبيل ده كانت سيئة جدا
واللي شجعني إني أغير لفيسكو 3000 أنه مصنع ومعبأ في الإمارات
أكاد أجزم إن موبيل خارج مصر أنضف من عندنا بمراحل
البشمهندس محمد التازي بيقول من 7000 كم لـ 10,000 كم
وأنا لو مكانك وبالسعر ده هقعده لـ 5000 أو 7000 كحد أقصى
ده الموبيل كان بـ 95 جنيه ونزلته بعد 3000 كم وكان ضايع والموتور صوته جايب أخر الشارع
الزيت في اول 3000 كيلو مش بينقص وصوت الموتور مش عالي نسبيا ولكن بعد 3000 كيلو بتلاقي الزيت نزل حاجات بسيطه علي المقياس وكمان خرطوم الفايظ بتاع الزيت بيبقي معرق زيت حوليه ساعتها باعرف ان الزيت فك من بعضه واصبح في صوره اشبه بالسائله مع الحراره العاليه وظهر البخر. انا مش بستي اساسا علي الزيت لما بيوصل كده لاني بغيره بدري بس الكلام ده حصل مع موبيل1
فين محمد ممدوح
كويس ان الموضوع اتفتح تاني ...علشان كل اللي جرب فيسكو حتي الان يقول رأيه فيه بصراحه علشان الواحد محتار يكمل بيه ولا يغير لنوع تاني
بالنسبه لفيسكو 2000
انا واحد صاحبي عمل بيه لغايه دلوقتي حوالي 3500 كيلو والزيت منسوبه كويس نسبيا ولكن اللزوجه قلت شويه ومابقتش زي الاول وهو ناوي يمشي عليه لغايه 5000 كيلو ( عربيته اكسنت مو 2000.
انا مشيت عليه حوالي 1200 كيلو ومنسوبه تقريبا ثابت علي المقاس واللزوجه بتاعته كويسه بعد مشاوير السفر( والعربيه لسه سخنه) وجاري التقييم مع عدد كيلو مترات اكبر شويه .
ياريت من اللي عنده خبره في انواع الزيوت يدلي برأيه ..وكمان عايز اعرف ليه التغيير من نوع لآخر غلط علي الموتور؟!
دلوقتي انا داخل علي 2000 الملاحظ علي الزيت انه ابتدي ينقص علي المقاس ( حوالي ربع ليتر) مع انه من فتره كان مظبوط (في الالف الاولي) ونفس معدل استخدامي للسياره يعني من غير شد وحرق وانا الزيت عندي ماكانش بينقص في الموبيل xhp ...
اما بالنسبه للزوجه فهي مرضيه بعد المشاوير الطويله.
بالنسبه لصوت العربيه .. بصراحه اول ما حطيط الزيت الصوت كان عالي عن الموبيل لما بغيره ودلوقي حاسس برده انه عالي بس مش للدرجه المزعجه .
بس انا مش هاستني علي الزيت اكتر من كده لان نقص الزيت يعتبر علامه علي انه ابتدي يتاثر بالحراره ( في حاله سلامه الموتور فنيا).
وانا دلوقي عايز رأيكم لاني هاغير الزيت ومحتار ..
1- ارجع للموبيل xhp اللي كنت ممشي العربيه عليه بقالي فتره وبغيره علي 2500-3000
2- اجرب فيسكو 3000 لاني حاسس ان ده الزيت الموازي لمواصفات موبيل xhp SL مع فارق منشأ الصناعه ( اماراتي) حسب ما بسمع يعني ممكن يكون افضل من الموبيل المصري؟؟؟
3-اجرب نوع تاني بس يكون مضمون زي الشيل مثلا ؟؟.
مع العلم اني باسمع ان تعدد انواع الزيت ممكن يتعب الموتور..
ياريت اللي جرب يقولي ايه الاخبار معاه بكل صراحه لاني اثق في رأيكم.. واسف للاطاله
انا كمان يا صديقي تقريبا خلصت اول 2000 كم بزيت فيكسو 2000 , والفتره اللي فاتت زي ما قولتلك لاحظت حاجه بعد سفريتي لمرسى مطروح و مع مسافه حوالى 1500 كم في ايام معدوده , والملاحظه كالاتي :-
---- ملاحظات سلبيه -----
- مع موبيل 1 كانت الحاجه الوحيده اللي بتعمل تعريق او تبخير خفيف هي خرطوم البخار اللي طالع من وش التاكيهات
لكن حاليا بدأت الاقي تعريق زائد عن الطبيعي على خرطوم البخار وكمان ظهور مناطق جديده للتبخير , زي وش التاكيهات نفسه والخرطوم الموجود يمين الموتور (مش عارف اسمه) , لكن مش بالطريقه المبالغ فيها , بس بصراحه شكل التبخير ده بيزعلني
- لون الزيت تقريبا اتغير تماماً
---- ملاحظات ايجابيه -----
- مقياس الزيت لسا معتدل ومحصلش فيه نقص ملحوظ
- صوت المكنه معتدل ومع ال rpm العالى الصوت ناعم ومش مزعج , حتى لو على الغيارات الصغيره
دي ملاحظاتي الفتره اللي فاتت خلال الـ 1500 كم المقطوعه في طريق السفر والمشاوير الداخليه في مرسى مطروح (حوالى 950 كم للطريق والباقي تحركات داخل البلد) , و بردو عشان اكون وضحت الصوره كلها هوضح ظروف الطريق والعربيه خلال المسافه دي
- كان معدل سرعتي على الطريق 140 كم الى 170 كم (ذهاباً واياباً) مع حموله كامله للعربيه , مع توقفين للراحه خلال الطريق كل توقف لمده 10 دقايق او اقل تقريباً
- وبالنسبه للتحركات الداخليه كان معدل السرعه من 40 كم الى 60 كم عشان معظم الطرق محددة السرعه وعليها رادار , لكن في اماكن كنت فتح فيها لسرعات عاليه لمده بسيطه
وبصراحه بعد تجربتي دي تقريبا شبه قررت اني ارجع تاني للموبيل 1 وابعد عن الفيسكو ولكن ليس لعدم اثباته كفاءته , ولكن لان تضارب الاراء والاقوال حول جودته وكفاءته بدأ يقلقني , وبصراحه انا بالنسبه ليا المكنه مفهاش هزار , وعشان كده قولت استعمل المضمون والمشهور لان بردو الاسم التجاري ليه حسابه وسمعته وبالتالى الناس دي بتراعي حاجات كتير , ويمكن رأيي ده يكون مخالف لبعض اراء الزملاء الافاضل بإستخدام مثلا فيسكو 3000 او 5000 , بس انا بفضل الزيت التخليقي وفي حاله المقارنه بين فيسكو 5000 وموبيل 1 فأظن ان الموبيل 1 يكسب بحكم خبرة الشركه و سمعتها في السوق العالميه
وبإذن الله بردو هكمل متابعه حاله الزيت واداءه الفتره اللي جايه لمده 1000 كم مثلا , لو ظهرت ملاحظات سلبيه فـ ده هيخلي قراري أكيد في الابتعاد عن فيسكو , وان شاء الله هبلغكم الأخبار اول بأول
عجبتنى اوى الجملة دى !! كلامك دا مش هنا فى مصر . بكرر كلامى تانى مفيش فى جمهورية مصر العربية كلها غير مصفة واحدة لانتاج الزيت { مصر للبترول } و كل الشركات بتاخد حصصها من المصفة دى
انت مشفتش مشاركة الاخ اللى جاى من الكويت وحط موبيل وان قبل ما يسافر حصل اية و قال اية ؟؟؟
عموما فى معلومة جديدة عرفتها :
ان الزيوت التخليقية بصفة عامة نسبة التبخير فيها اعلى من الزيوت المعدنية بغض النظر عن ماركة الزيت طبعا مع فارق الاداء عن المعدنى للاحسن -- مصدر موثوق منة
انا كنت بستخدم زيت xhp موبيل وكنت بصراحه عاوز اغير لفيسكو 5000 لكن لقيته غير متوفر بنسبه لظروفي في الشغل عشان بسافر كتير ومش وغالبا مش بلاقي الزيت ده متوفر في اغلب المحفظات رحت غيرت امبارح زيت موبيل 1 لاول مره اجربه لسه طبعا مقدرش احكم علي اي حاجه بس اول حاجه لاحظتها واضحه ان صوت المتور نزل قرب النص يعني هدي المكنه بنسبه عاليه تكاد تصل للنص لاكن طبعا ده مش حكم اطلاقا باي طريقه من الطرق علي زيت فيسكوا لاني مجربتوش اصلا مع ان كان نفسي اجربه علي كلامك لاكن الظروف حكمت وعمتا هاقولكم ايه اخبار موبيل 1 بعد ما امشي بيه شويه خاصه اني هاعمل سفريات كبيره خالص بالعربيه الاسبوع الجاي
بمناسبة كلامى ان معدل تبخير الزيت التخليقى اكثر من المعدنى . اللى اتقالى ان لو انت من اللى بيسافروا كتير يفضل تحط معدنى مش تخليقى . و الله اعلم دا اللى همة قالوة
يا جماعة طب ليه محدش بيفكر فى زيت كاسترول او حاول يجربه انا بصراحة كنت فاكر انه مش موجود فى مصر بس بعد ما عرفت انه موجود هجربه ان شاء الله المرة الجاية
و كمان انا سمعت ان ترتيبه رقم 1 عالميا
و اعتقد انه مش هيبقى طالع من المصفى بتاعه مصر للبترول زى ما الاستاذ كريم فهمى قال ان الشركات كلها بتاخد حصصها من المصفى بتاعه مصر للبترول اعتقد انه هيبقى مستورد من الخارج و مفيش دخل للصناعة المصرية فيه
يا ريت لو حد يقدر ياكد المعلومات دى يبقى كتر خيره و لو فى عديل او معلومة مش مظبوطة قولتها يا ريت حد يقول الصح بتاعها
وانا بامون النهارده في التعاون لقيت الزيوت دي:
الزيوت البترولية | المقالات | مجموعة البرق للتصدير والاستيراد
معلش في الصوره مش مترتبين
انا عاجبني اول نوع مواصفاته:20w50
API SM CF
وده نوع جديد لسه نازل ب 84 جنيه & API SL CF اللي يعتبر اعلي من الفيسكو api sj ب 74 جنيه بس لما سألت العامل في البنزينه قالي الاول يمشي 5000 والتاني 3000 كيلو.
انا ممكن اكون في نظر الناس مجنون لمجرد اني فكرت في التعاون بس بعد كل اللي الواحد سمعه ان اساس الزيوت كلها مصر للبترول وان الباقي اضافات وان الواحد متوقع غلو سعر الموبيل والشيل نظرا للاسم التجاري يبقي بالعقل ليه لاء؟؟
ياريت لو حد جربه يقول رايه ايه وبرده اللي ماجربش يقول رأيه ايه؟؟ مع العلم ان واحد صاحبي بيستخدم التعاون sl اللي ب 75 جنيه في عربيه سيينا منذ 20 الف كيلو وبيقول كويس وكمان الميكانيكي اللي بتعامل معاه بيقول عليه برده كويس