الموضوع: اخيرا اتحلت مشكله الزينون

الحمد لله الحمد لله الحمد لله
قولو الاول بسم الله ما شاء الله
و الحمد لله انها اتحلت علي خير
بجد انا رحت لواحد فنان برنس مشفتش زيه اتنين
و محدش هيصدق فين في الظاهر يا رجاله في غمره
بصراحه مصدقتش صاحبي لما قالي هوديك لواحد يحلهالك
مصدقتش غير لما شفت ب عيني محدش قالي
الحل ابسط مما تتخيلو هو قالي متقلش لحد علشان انا اول واحد احلها في كذه عربيه
في بي ام و في جولف و دلوقتي سيراتو بس طبعا مينفعش اخبي عليكو حاجه و لازم اقلوكو
هو عمل كذا حاجه اول حاجه كتاوت للعالي و الواطي تاني حاجه والله ما اعرف هو عمل ايه
بس الحمد لله المشكله اتحلت و بقيت مستريح علشان الزينون بقي تمام و علشان ريحت ضغط الضفيره
و سألته في الاول قبل ما يشتغل علي موضوع الفيوز ال 15 بدل الفيوز ال 10 قالي اوعي تكون عملت كده
مين الي قالك تعمل كده قلتله اهدي بس انا معملتش حاجه انا بقلك علي حاجه واحد قلهالي قالي ده اكبر غلط لو
الضغط زاد الفيوز بيضرب كده عمره ما هيضرب ابدا و هيبوظ الضفيره و الدنيا هتبوظ نصيحه للناس الي عملتها
و الناس الي كانت بتفكر تعملها اوعو حد يعمل كده و يا ريت الي عملها يرجع الوضع زي الاول
انا احسن حاجه عجبتني في الراجل ده انه بيشتغل بأيده مجابليش كهربائي يشوف الدنيا فيها ايه لأ هو حلها
بجد راجل برنس و اول مره اشوف الزينون الالماني موجود في مصر عنده هو و بس مفيش حد في مصر عنده زينون الماني غيره و انا واثق انا بقول ايه كل الي اتعاملت معاهم كانو بيقلولي مفيش في مصر الي في مصر صيني محفور عليه made in germany
و لما سآلتو قالي نفس الكلام بس قالي لو عاوز الالماني الالماني هجبهولك و انا متأكد انه هيجيبه علشان كان هيجبهولي قبل ما اركب بس انا مردتش قلت علي قد الفلوس الي معايا و ركبت الصيني
بس اهم حاجه الحمد لله الزينون اتعدل و الفلاشه بطلت تفصل الحمد لله الحمد لله الحمد لله


معلومه بقي كده علي الماشي
لعشاق كيداهم و للناس برده الي بتكره كيداهم
و خصوصا لأبو ليلي علشان هو اتحداني في المقابله الاولانيه لما قلتله اني طلعت من civic
انا اول امبارح طلعت من civic تاني و مخلتوش يعرف يعدي مني و علمته يعني ايه لعب من العباسيه لحد مصر الجديده و بعدين سبته يلف و يرجع و انا كملت و رجعت علشان اروح مدينه نصر معأني من الاول كنت رايح مدينه نصر و قعد يسخن فيا مردتش اطلع الكوبري و ادخل مدينه نصر و قمت داخل وراه مصر الجديده بس المرادي بقي مش اي civic لأ و الله ما هتصدقو civic 98 هاتش باك متزبطه و راكب فيها اتنين و انا عربيتي كنا فيها 6 مش هقول اكتر من كده