محتار وقولت اخد رأيكوا يا أجمل اخوات(مشكلة كل الشباب)

**أبو_يوسف** · 17-08-2010 11:57 AM

متهيألي الحل ممكن يبقى اتحاد ملاك في مدينة جديدة زي العبور مثلا أو غيرها.. بس مش في التجمع الخامس..

**Hmatchy** · 17-08-2010 05:28 PM

المشاركة الأصلية كتبت بواسطة timtim

ممكن تشوف الموضوع دا :
شقق مساحات 110م - 100م بــرج الأحــلام شارع مصطفى كامل بتسهيلات في السداد ( بالصـور ) - موقع الدي في دي العربي - DVD4ARAB.MAKTOOB.COM

هو ده الغرض من الموضوع نعرف بعض
ما تشوفلى حاجة فى القاهرة كدة
او شوفلى شغل عندكو واجيب شقة فى اليكس و اريح دماغى منها جواز ومنها مصيف

المشاركة الأصلية كتبت بواسطة Eng.Geo

روح كدة في 6 أكتوبر
تقريبا في الحي التامن
في شقق جديدة ورخيصة
بصلك بصة يمكن تعجبك

المشكلة ان الاسعار فى أكتوبر تعقد و شقق بتكون 63 متر بجد ولا فى دماغهوم ان الشاب بيحوش الالف جنيه بالعافية

المشاركة الأصلية كتبت بواسطة Khalid_Mostafa

اسعار القاهرة غير إسكندرية غير المنصورة

القاهرة مفتحه و مبهوؤة و مترامية الأطراف.......اسكندرية متكدسة و المساحة الخاصة بالبناء بتقل يوم عن التاني و المدن الجديدة لسه مبقتش مناسبة للسكن ...كذلك العال في المناطق الي زي المنصورة...حتسمع ارقام لا تصدق

فى كل حتة هتسمع الارقام دى انا فى ميت غمر سمعت 200 و 250 الف وشقق مش قصور او فيلات
دا غير الشقق اللى بتعدى ملايين فى القاهرة

المشاركة الأصلية كتبت بواسطة mrwho1982

طيب ماتبص كده في السفارات في شقق حلوة ومنطقة نظيفة وكويسة ورايقة

هى فعلان منطقة جميلة بس يدوب اجيب فيها اوضت نوم وحمام بس ولو ربنا كرم ممكن اجيبها بالمطبخ
انا لو عليا نفسى بس العين بصيرة والايد قصيرة

المشاركة الأصلية كتبت بواسطة timtim

أعتقد سعر المتر تجاوز ال 5000 ج في السفارات..

هههههههههههههههههههههه
يعنى زى ما قولت هجيب شقة 20 متر

المشاركة الأصلية كتبت بواسطة kareemz

فى اعلان فى أهرام الجمعه عن شقق فى مدينة نصر بالتقسيط على 15 سنه .. استلام فورى.

يا ريت لو تزودنا بتفاصيل اكتر
و لو مشروع الواحة بلاش علشان دى ناس عايشة فى عالم سمسم

المشاركة الأصلية كتبت بواسطة timtim

متهيألي الحل ممكن يبقى اتحاد ملاك في مدينة جديدة زي العبور مثلا أو غيرها.. بس مش في التجمع الخامس..

مش فاهم قصد حضرتك ممكن توضح

**أبو_يوسف** · 18-08-2010 09:01 AM

المشاركة الأصلية كتبت بواسطة hmatchy

مش فاهم قصد حضرتك ممكن توضح

اتحاد الملاك ان انت و7 افراد كمان هاتشتروا ارض ولتكن 600 متر ب 600 ألف ج يعني نصيب كل واحد في الارض 75 ألف ج وبعد كدا هاتبنوها 4 ادوار .. اعتقد الدور هايكلف 80 ألف ج مثلا والدور شقتين يبقى كل واحد طلع بشقة 120 متر تقريبا بتكلفة 115 الف ج اللي هي بتتباع ب 200 ألف (لأن سعر بيع متر الشقق في المناطق دي حوالي 1750)
أو عموما هاتاخد شقة ب 60% من قيمتها او من سعر بيعها..
وفي ناس بتعمل اعلانات طلب مشاركات على النت او الوسيط.. وكدا..

**Hmatchy** · 19-08-2010 04:34 AM

المشاركة الأصلية كتبت بواسطة ahmed ezz

نصيحة لوجة الله للاعضاء
ابعدو عن مدينة قباء نهاااائي
مدينة زباااالة و منطقة مينفعش يتسكن فيها

يا ريت لو فى امكانى اجيب فى مكان أحسن
بس للأسف على اد فلوسى

المشاركة الأصلية كتبت بواسطة timtim

اتحاد الملاك ان انت و7 افراد كمان هاتشتروا ارض ولتكن 600 متر ب 600 ألف ج يعني نصيب كل واحد في الارض 75 ألف ج وبعد كدا هاتبنوها 4 ادوار .. اعتقد الدور هايكلف 80 ألف ج مثلا والدور شقتين يبقى كل واحد طلع بشقة 120 متر تقريبا بتكلفة 115 الف ج اللي هي بتتباع ب 200 ألف (لأن سعر بيع متر الشقق في المناطق دي حوالي 1750)
أو عموما هاتاخد شقة ب 60% من قيمتها او من سعر بيعها..
وفي ناس بتعمل اعلانات طلب مشاركات على النت او الوسيط.. وكدا..

شكراً على التوضيح تيم تيم وياريت الاقى حاجة كدة بس للأسف مش بقى فى ضمير وبالتالى الثقة مش موجودة علشان اشارك ناس مش أعرفها

**shadymelad** · 19-08-2010 06:01 AM

انا شايل هم الشقه دى هو انا مش محتاجها دلوقتى بس هحتاجها فى الجواز اكيد وخلاص الواحد كلها سنتين او تلاتة بالكتير ويفكر فيه
ربنا يسهلها من عنده

**AhMeD EzZ** · 19-08-2010 07:39 AM

المشاركة الأصلية كتبت بواسطة أشرف فتحى

شكرا يا احمد....

العفو يا فندم
بس هو حضرتك كنت ناوي علي هناك و لا ايه
انا الحمد لله خلغت منها بدري يمكن من 10 سنين كدة

يا ريت لو فى امكانى اجيب فى مكان أحسن
بس للأسف على اد فلوسى

عندك ممكن مدينة الهايكستب "الظباط " امام اكوابارك
اينعم ابعد بس اي حاجة غير قباء
للاسف المستوي هناك وحش
علي قد ما هي ابراج و كدة بس البلطجية و الخناقات و المخدرات علي ودنة هناك
+ الخدمات مش قد كدة و ديما كهربا او مياة قاطعة
و الشوارع غير مرصوفة بالمرة

**أبو_يوسف** · 19-08-2010 09:13 AM

المشاركة الأصلية كتبت بواسطة hmatchy

يا ريت لو فى امكانى اجيب فى مكان أحسن
بس للأسف على اد فلوسى

شكراً على التوضيح تيم تيم وياريت الاقى حاجة كدة بس للأسف مش بقى فى ضمير وبالتالى الثقة مش موجودة علشان اشارك ناس مش أعرفها

االلي اعرفه ان بيبقى في اجراءات كتير بتضمن لكل واحد حقه.. بداية من شراء الأرض.. يعني شراء الأرض بيبقى باسم المشاركون كلهم وبالتالي مفيش واحد يقدر يتصرف لوحده.. وكذلك في البناء..
أو ممكن تشوف قطعة ارض من بتوع ابني بيتك في حدود 30 أو 50 ألف ج وتبني بيتك انت :)
أو ممكن تشوف شقة في المقطم على اساس ان اسعاره احسن شوية من مدينة نصر..
وربنا يوفقك للخير..

واللي بيقول سنتين ويبقى يفكر في موضوع الشقة .. لو يقدر يفكر من دلوقتي احسن لان الاسعار بتزيد اوي ..

**mario23** · 20-08-2010 12:07 AM

فيه حد عنده معلومات عن العبور الحي الثاني فيه اعلانات كتير وشركات مقاولات بتقول ادفع 50000 مثلا والباقي على كام شهر الحاجات دي كويسه ولا نصب

غير كده الحي الثاني فى العبور ده كويس يعنى مستوى الناس هناك والخدمات والمواصلات ياريت الى عنده معلومة يفدني