انا عايزة اعرف لانسر كريستاله 99 اوتوماتيك 1300 عاوزة اسقطلها مكنة مانوال
ممكن اسقطلها ايه؟
انا عايزة اعرف لانسر كريستاله 99 اوتوماتيك 1300 عاوزة اسقطلها مكنة مانوال
ممكن اسقطلها ايه؟
المكنة ملهاش دعوة بالفتيس... انتى عايزة فتيس مانيوال ولا مكنة اكبر؟
MMamdouh
انا عارفه ان المكنة ملهاش دعوة بالفتيس انا كنت هغير فتيس بس وقلت لو حالة المكنة حلوة خلاص هيبقى فتيس وبس
بس اتقالى انى هركب فتيس مانوال على مكنة اصلا اوتوماتيك ودى حاجه مش صح وممكن تعطل كتير عشان كده انا بسأل
هل فعلا كلامهم صح؟ ول كان صح ايه المكن اللى ممكن اسقطه
هجس طبعاً مافيش كلام من دةاقتباس:
المشاركة الأصلية كتبت بواسطة reri
هو بس تعديل محتاج شوية حاجات مش مجرد شراء الفتيس المانيوال
يعني طقم بدالات استيراد علشان يبقى فية دبرياج (و تشتري سلك دبرياج جديد و يفضل اسطوانة و دسك و بلية بالمرة قبل التقفيل)
كونسول بعصاية الفتيس بالاتياش بتاعتها
الغاء سربنتينة تبريد زيت الفتيس (في الردياتير)
لو التابلوة في مبين نقلات الفتيس يفضل تغيير وش العدادات بأخر لا يوجد فية مبين نقلات الاوتوماتيك (بتاع عربية مانيوال)
افضل حل تشوفي تاجر استيراد عندة فتيس مانيول في عربية متقطعه تعملي معاه بدل بعد ما يجرب فتيس عربيتك الاوتوماتيك و يتأكد انة سليم
ياخدة بمشتملاتة (السيليكتور و البدالات و الردايتير و وش العدادات) و يديلك بدالهم فتيس اوتوماتيك بكل ما يلزم
طب ده تكلفته المادية حوالى كام؟؟؟
زى ما قال ادهم... كلام الناس دى هجساقتباس:
المشاركة الأصلية كتبت بواسطة Reri
MMamdouh
اللى يفيدك بالتفصيل عادل وجدى لانة خبرة فى اللانسراقتباس:
المشاركة الأصلية كتبت بواسطة Reri
MMamdouh
لو فتيسك الاوتوماتيك نضيف و حالتة كويسة مفروض تعمللي البدل دة بدون ما تدفعي فرق اساسا
على اساس ان الفتيس الاوتوماتيك اغلى من الفتيس المانيوال
انما لو التاجر اتشطر عليكي او لو فية عيب في عتيسك او اتلكك و حاول يقنعك ان الفتيس مش كويس حاتدفعيلة فرق صغير انتي و شطارتك
رأيي ابعتي لة حد يتفق معاه على بدل الفتيس (بدون فرق اساساً ) زوجك او اخوكي او صديق بيفهم و بيعرف يتعامل معاهم او عنده حد معرفة
على فكرة مفروض الفتيس الاوتوماتيك بيبيعوة ب 3 اضعاف تمن الفتيس المانيوال
انا من رأيي انك تبيعي العربيه و تجيبي واحده مانيوال و هتكون ارخص من اللي هتبيعها .. لان سعر الاوتوماتيك اغلي من المانيوال في البيع و الشراء
اصلها بتاعة بابا الله يرحمه ومش عاوزة افرط فيها وعاوزة اظبطها واخليها احسن من الجديده
صعب عليا بجد ابيعها
الله يرحمه و يجعل مثواة الجنة و يجعله في ميزان حسناتك
طيب حضرتك عايزة تقلبيها مانيوال لية؟؟؟ هل الفتيس الاوتوماتيك بايظ مثلاً؟ وللا انت عايزاها مانيوال علشان تجري بيها ؟؟
انا من رأيي ان الافضل حضرتك تسيبيها زي ماهيه علشان كذا سبب
اولا الأوتوماتيك قيمتة اكتر من المانيوال لو فكرتي تبيعيها
و بالنسبة لاستخدام انسة حايكون بالتأكيد اريح و اكيد حضرتك مش غاوية جري و شد
و التعديل دة محتاج حد خبرة و فاهم علشان الميكانيكية ما يشتغلهوش و يدفعوة كتير و اعتقد من كلام حضرتك ان معلوماتك بسيطة برضة
تضبيط العربية ان حضرتك تشوفي اللي هيه محتاجاة و تعملية
سمكرة و دوكو
عفشة محتاجة تغيير و صيانة للموتور مثلا
انما تقلبيها مانيوال بدون مبرر ليس تضبيط للسيارة
هى كانت بتعطل من بابا الله يرحمه ساعات وكان بيجيبلها ونش وانا مش هعرف اعمل كده لو عطلت
فهحاول اخلى ميكانيكى يشوفلى المكنة لو كويسه هركب فتيس بس انما لو فيه مشكلة فيها هسقطها واركب مكنة جديده ثم ان فيه مشكله فى التكييف واتقالى انى لو سقطت مكنة المشكلة دى هتتحل وهتكون المكنة بالفتيس مع بعض وكمان ان عندى 1300 وعاوزة احط 1600
وكمان انا الحمد لله بعرف اسوق كويس ومش عاوزة انسى السواقه
المشكلة زى ماانت قلت انا معلوماتى بسيطة واراء الناس كتير ولخبطونى ومش عارفه ايه احسن حاجه اعملها عشان العربيه متعطلش منى وفى نفس الوقت مع مراعاة التكلفه الماديه خاصة ان العربية لسه فيها شغل فى العفشه
وكمان عايزة اعليها شويه لان اللانسر الكريستاله واطيه اوى على الارض وقارفانى فى المطبات
ياريت بس حد يقوللى اقتراح ينفع اعمله غير انى ابيعها
اللي اتعلمتة ان مافيش عربية ما بتعطلش, دة المرسيدس ال 600 "البودرة" سنة ما نزلت في التسعينات شفت بعيني عربية منها عطلانة بالليل على كوبري الجلاء اللي في طريق المطار و الكوبري واقف الناحيتين علشان كل واحد ييجي يقف و يتفرج على عربية فوق المليون وعطلانة ووقتها كان مبلغ ضخم و تتعد عالصوابع العربيات دي في البلداقتباس:
المشاركة الأصلية كتبت بواسطة reri
يعني عربية زي دي جديدة في سنة انتاجها و مرسيدس من افخم فئاتها و بتعطل
فعادي جدا ان اللانسر دي تعطل ولو حتى اشتريتي لها موتور "زيرو" مش استيراد مستعمل
و لازم تتأقلمي و تتعايشي مع فرضية العطل دي في اي وقت و يبقى عندك استراتيجية و خطة بديلة
يعني مثلا معاكي عالموبايل نمرة ميكانيكي مضمون و أمين, و نمرة ونش يسحبها
و ممكن تركنيها و تاخدي تاكسي و تبعتي حد يشوفها
عادي جدا
و كل يوم بنشوف ستات عربياتها عطلانة في الشارع, لسة الاسبوع الماضي ورا النادي الاهلي مدام بشاريد عطلت منها في وقت متأخر و معاها ابنها طفل ووقفت و شفت اللي محتاجاة و حاولت اجيب ميكانيكي مالقيتش علشان يوم الاحد و بمعاونة سواق تاكسي دورنالها العربية و الحمد لله
حاجة اخيرة
مافيش حاجة اسمها العربية واطية اعليها شوية
الموضوع دة خطر جداً لأن ثبات العربية حايضيع و حاتعوم في طريق سريع او سفر او حتى لو بتجري 70 - 80 فوق كوبري اكتوبر مع العوارض و الفواصل حاتلاقي العربية بتعوم منك
وممكن يسبب مشاكل اكتر من كدة لا قدر الله
العربية تصميمها كدة يبقى حضرتك تتعايشي معاها عالوضع الحالي
و اللانسر على فكرة مش واطية قوي
امال لو ركبتي سيفيك 88 - 91 حاتقولي اية
الخلاصة
انتي اصرفي عالعربية مبلغ بسيط كصيانة للموتور (فلاتر سيور طلمبة مياة و خراطيم و ثرموستات بوجيهات و زيوت) ولو التكييف محتاج كومبريسور اشترية استيراد و سيبك من قصص التعديل لمانيوال دي علشان حاتتعبي و النتيجه غير مجدية
ميرسى ياادهم على تعبك وشكلى فعلا هعمل كده
فعلا اوعي تعلي العربيه لان اصلا دي ميزة اللانسر و السيفيك انها واطيه ده بيدي ثبات اكتر ... و زي ما قال ادهم كده انتي تصرفي علي العربيه حاجات بسيطه تفوقها ..
و علشان عربيتك تبقي تمام و متقرفكيش اعملي ليها صيانه كل 5000 كيلو عمرها ماهتتعبك
ميرسى ياميدو
وعلى فكرة عربيتك حلوة اوى بسم الله ماشاء الله
الله يخليكي .. اتفضليها ههههههه
ميرسي كتيير لذوقك و للمجامله دي
كل الكلام الي اتقال ده كويس بس في وجهة نظر تانيه اولا لو حالة الموتور حلوة بلاش يتغير لكن لو مشاكله واعطاله زياده عن اللزوم يتغير دي نظرية ممكن حل تاني يتصرف عليه ويتصبر عليه لغايه مايبقا كويس وناس كتير بتعمل كده بالنسبه للفتيس لو كانت اعطال العربيه بسبب الفتيس ياما يتصلح لو فيه مشاكل ياما يتغير مزايا الاوتوماتيك هيا الراحه التامه وتقريبا مفيش سواقه كل الموضوع دوس بنزين وامشي ودوس فرامل واقف المانيوال فوايده ان العربيه لاقدر الله لو مش نافع تدور عادي ممكن تدور زق بعكس الاوتوماتيك لو وقفت وخصوصا لو كانت بتطفي على ال p يبقا هتركن في مكانها وشكرا وشفتها بعيني وقفت فنص الطريق قفلها وسابها زي ماهيا ومشي المانيوال سحبه اشد بكتير من الاوتوماتيك واعطاله اقل وبقول اقل لكن مفيش حاجه مبتعطلش ال 1300 بيستهلك بنزين اقل واقل في الترخيص ال 1600 اشد بكتير وسحبها مالوش حل تعليه العربيه فكره ليه حساباتها ناس كتير اوي بتوطي عربياتها عشان الثبات بس عارفه ازاي تتعامل مع المطبات فكرة تعليه العربيه دي ناس كتير بترفضها وفعلا عندهم حق عشان ثبات العربيه بس العربيات الي بتشيل حمل تقيل طبعا لازم تكون عاليه خلاصه الكلام هيا ان الواحد يشوف ايه المناسب ليه ويعمله حالة الموتور حالة الفتيس التكاليف استخدامه للعربيه شكله ده كلو بيحكم الحاجات الي الواحد محتاج يعملها فالعربيه وياريت اكون افدتك
تمام يا ماجد
ميرسى ياماجد على تعبك
ده انت كتبت مقالة
ميرسى ليكو ياجماعه بجد :d
العفو على ايه وشكرا يا ميدو بصي شفي انتي محتاجه ايه حالة عربيتك ايه استخدامك ليها ازاي وكمان المدينه الي انتي عايشه فيها مكسره اسفلت كويس زحمه كده كل ده هيفرق معاكي فالي انتي عاوزة تعمليه وكمان احسبي التكاليف الي هتدفعيها وشوفي ال مناسب ليكي واعمليه ويارب كده نسمع خير وانك عملتي العربيه ونقولك الف مبروك
ان شاء الله قريب ياماجد
ميرسى ليك
اولا نشكر مشرف الادارة لنقلة الموضوع و فتح صفحه مستقلة لة
اقتباس:
المشاركة الأصلية كتبت بواسطة magedtohami
حل تعلية العربية هو جنوط مقاس 15 واعتقد مش هيأثر على العفشة
اقتباس:
المشاركة الأصلية كتبت بواسطة felix
جنط 15 مش هيعلي العربيه هتفضل نفس الارتفاع ..
علي فكرة ياجماعة العربية ممكن تتعلي سنة بسيطة ومفيش أي تأثير علي الثبات علي الأقل لغاية 120 لإني مجربتش أعلي من كده
وعملنا كده في عربية أخويا لأن العربية كانت بتحك في أي مطب
بس طبعا عاوزة عفشجي فاهم ومش بيعلي أي حاجة وخلاص
اعتقد العربية بتنزل ب 13 ستوك معنلى كدة ان ال15 هيعلي العربية اكتر من ال 13اقتباس:
المشاركة الأصلية كتبت بواسطة mido_1311
مش قوي يادوب 2 سنتي مثلا لأنك حاتلاقي الكاوتش اقل من ال 13 في الارتفاع Low profileاقتباس:
المشاركة الأصلية كتبت بواسطة felix
و لو حطيت كاوتش عالي حايبقى حمل كبير عالعربية و تلاقيها مخنوقة ماتسحبش و كبالنها تطقطق بسرععه
لو المشكلة في انخفاض العربية مع حمولة يبقى الحل هو في تركيب سست انشف او وضع صدادات بين لفات السستة دي ماتخليش العربية توطى مع الحمولة و في نفس الوقت العربية ما تعلاش خالص بس عيبها العفشة ناشفة في المطباتاقتباس:
المشاركة الأصلية كتبت بواسطة ainshouka
نسبياًاقتباس:
المشاركة الأصلية كتبت بواسطة mido_1311
حاتعلى حاجة بسيطه قوي 2 سم مثلا
الجنط ال 15 اعلى من ال 13 ب 2 بوصة يعني 5 سنتي
بس الكاوتش بيبقى اوطى في ال15 و بالتالي الفرق بيقل لتقريبا 2 سنتيمتر او 3 سنتيمتر و دة نسبيا معقول
مش حيحصل اى فرق فى الارتفاع مع جنط 15 لو جبت كاوتش 195/50/15اقتباس:
المشاركة الأصلية كتبت بواسطة felix
MMamdouh
اقتباس:
المشاركة الأصلية كتبت بواسطة mmamdouh
اقتباس:
المشاركة الأصلية كتبت بواسطة mmamdouh
الله ينور .. هي الفرق الوحيد انها هتدي ثبات اكتر
صح طبعا ياباشا بس الفكرة انها تحط كاوتش اعلى شوية علشان العربية تعلى (دة قصد صاحب الاقتراح) يعني مثلا لو 15/195/70 حايبقى معللي العربية 2-3 سماقتباس:
المشاركة الأصلية كتبت بواسطة MMamdouh
بس انا من رأيي ان اللي بيحمل اوزان في عربيتة و عايزها ماتوطاش ........... يحط دي
http://www12.0zz0.com/2010/08/17/13/596225989.jpg
Suspension, Spring assisters, coil spring clamps, lowering kits
فعلا انا اقصد كدةاقتباس:
المشاركة الأصلية كتبت بواسطة adham
تقصد كدة بتركيب جنوط 15 !!!!
ميرسى على اهتمامكوا بالموضوع
بس على فكرة انا مجنطه 15 زى ماقال ومش عاليه بس مش عاملة حاجه فى الكاوتش
اقتباس:
المشاركة الأصلية كتبت بواسطة reri
اقتباس:
المشاركة الأصلية كتبت بواسطة reri
تمام كده متعمليش حاجه تانيه هي العربيه كده تمام و ابقي خدي المطبات بالراحه جدا و بالعرض و العربيه مش هتحك منك خالص
انا عندى فتيس الكريستاله انا من بورسعيد لو تحبى اتصلى على رقمى 0107286592