شيروكو ولا 308 سى سى

**ahmedyehia515** · 17-08-2010 02:14 PM

الموضوع بكل بساطة هوا المقارنة بين عربيتين كوبيه و شبابى جداً، الاتنين فيهم تربو

الشيروكو : شكل مختلف، أداء رياضى أحسن ، ثبات أحسن ، فتيس dsg و 1400 سى سى يعنى استهلاك بنزين اقل و طبعاً كل امكانيات فولكس و 160 حصان و السعر 285 ألف

البيجو 308 سى سى : كوبية كابروليه ، سقف بيتفتح ، الكنبر اللى ورا اوسع ، فتيس ستيبترونيك ، 150 حصان , برده شكلها شبابى أوى و السعر 250 ألف

طبعاً عيب العربيتين موضوع بنزين 95 بس المفروض استهلاك الشيروكو هيكون أقل

العربية ده لأنسه عمرها 30 سنه و كان معاها قبل كده 307سى سى و و قبلها 206 هاتش باك.

**amrseba** · 17-08-2010 03:25 PM

انا رأى المتواضع الشيروكو افضل معرفش البنات ليه هما الى بيجيبوا عربيات حلوه و الرجاله يروح يجبلك عربيه سيدان 7 متر و بشنطه حتى لو مصنوعه تحت بير السلم

**ahmedyehia515** · 17-08-2010 04:17 PM

المشاركة الأصلية كتبت بواسطة amrseba

انا رأى المتواضع الشيروكو افضل معرفش البنات ليه هما الى بيجيبوا عربيات حلوه و الرجاله يروح يجبلك عربيه سيدان 7 متر و بشنطه حتى لو مصنوعه تحت بير السلم

انا قلت بنت عشان شكل العربية من بره ممكن ميكونش لايق على بنت، انا بصراحة عمرى ما حسيت بالموضوع ده فى أى عربية بس قلت يمكن حد من الأعضاء يبقى عنده وجهه نظر. التفرقة بين الولد و البنت بتكون فى اللون يعنى البنات عندهم ألوان اكتر.

و انا برده شايف ان الشيروكو احسن بس نشوف رأى باقى الناس

**beetleMOSH** · 17-08-2010 04:21 PM

انا برضه هاقول شيروكو وش من غير كلام
بس لما قريت الموضوع
اعتقد ان البيجو عامة مناسب للبنات و طالما فى تعود على البيجو اعتقد انها انسب
لان البيجو شكلها ارق من الشيروكو
لان الشيروكو واخده طابع هجومى اووى
بس طبعا العربيتين مفيش كلام عليهم
و المساله اذواق فى الاول و فى الاخر
تقبل مرورى

**EgyptianTune** · 17-08-2010 05:28 PM

أنا رأى بيجو عشان هى متعودة على شكلها وإمكانياتها نقول لمدة 10 سنين لكن لو غيرت مش هاتبقى مرتاحة نفسياً

**ghazy12** · 17-08-2010 06:00 PM

شوف يا باشا...

الشيروكو افضل من الـ308... و بالنسبه ليا حبي للشيروكو و لفولكس طاااااااااااغي على اي عربيه...

لكن بردو البيجو مش اي كلام, و خصوصاً اني بحس انها بتليييق جداا على البنات و كمان هي واخده على البيجو

فرأي ان هي اللي تقرر, لأنه عمليا يبقى أكييد القرار شيروكو, لكن ممكن يكون ليها رأي تاني

و بردو موضوع ان البيجو كونفرتبل ده ممكن يفرق معاها عن الكوبيه بس, و ممكن تكون زهقت من البيجو...!!

الاثنين متميزين, لكن الشيروكو أفضل عملياً, الـ308 كونفرتبل و ده بيميزها...

ربنا يوفقها للخير... تقبل تحياتي

**د.محمود صلاح** · 17-08-2010 06:28 PM

لو فيه خيارات تاني أقل في السعر مثل الميجان 3 هاتش باك يكون أفضل .

**blazer** · 17-08-2010 07:13 PM

العربيتين تحفه
انا ميال للشيروكو اكتر كعربيه وكآداء
بس البيجو موضوع انها كابورليه دى نقطه تديها تفوق جامد

**ahmedyehia515** · 18-08-2010 02:12 AM

شكراً على الردود و على المرور.

هى فعلاً كانت ميالة لل308 بس بصراحة لما ركبت الشيروكو عجبتها من جوه أكتر عشان الفتيس و المالتى فنكشع و العدادات و الكلام ده و بصراحة تابلوه الشيروكو أحسن بمراحل من البيجو.

ميزة البيجو موضوع السقف طبعاً و موضوع انها واخدة على العربية و على التوكيل.

الموضوع لسه مطروح للمناقشة عشان المبلغ مش شوية و هى مش عايزة تجيب حاجة و تندم عليها خاصة ان العربيتين مفيهومش حاجة اسمها غعادة بيع

بالمناسبة كان فى عضو بيشتكى انو فانوس الشيروكو اتكسر و مكنش موجود فى التوكيل لسه ، هل المشكلة جه لسه موجودة ولا خلاص قطع الغيار متوفرة .

أخر نقطة انو على حد علمى الناس بتشتكى من توكيل فولكس أقل من توكيل بيجو ( طبعاً مينفعش أقول انو فى توكيل احسن من توكيل عشان بصراحة كلهم أصعب من بعض)

و شكراً على التعب