الموضوع: أرجو المساعده من المهندس سمير وجميع الاخوه الأعضاء

عندي مشكلتين بالعربيه ومحدش عارف يحلهم ودوخت عالميكانيكيه

أولا السياره سيتروين اكسارا مو ٢٠٠١ وماشيه ٢٤٠ الف

المشكله الاولي ان العربيه الصبح بدري اول ما أدور بتدور عادي وصوت الموتور زي الفل وبعد دقيقه اول ماصوت الموتور يوطي بلاقي العربيه فيها رجه منتظمه وكأنها بتتنهد ولو روحت ناحية الشكمان بحس برضه ان الغاز اللي خارج كأنه خارج علي دفعات مع الرجه وبتفضل كدا ٥ او ٦ دقايق لغاية ما تسخن وبعدين تروح الرجه
آراء الميكانيكيه اني غيرت بوجيهات ونضفت الايديال والرشاشات وبرده مافيش حاجه

المشكله الأخري وهي الأسوأ ان الزيت بينقص من الموتور بمعدل ١ لتر من كل مره غيار(كل ٤-٥ آلآف كم ) ودي بقي لفيت بيها كل حته حتي التوكيل وغيرت نوع الزيت من موبيل ل شل ٥٠٠٠ وبرده مافيش فايده الزيت بينقص كشفت عليها بالسكانر قالولي الموتور تمام مافهوش حاجه ومتأكد ان مافيش تسريب زيت من اي مكان في الموتور كمان سحب السياره زي الفل بس مش بتجيب اكتر من ١٦٠ -١٧٠ كم ومافيش اي دخان خارج من الشكمان بأي لون ( بس مره واحد ميكانيكي قاللي ان علبة البيئه بتاعة العربيه محترمه اوي يعني ممكن تكون بتجيب دخان ومش بيعدي من علبة البيئه ومش عارف الكلام ده صح ولا غلط )

المهم اني مش عايز حد يفتي ويفتح الموتور غير لما اكون متأكد ان الموتور فيه حاجه وسمعة موتور العربيه دي ممتازه مش سهل ان فيه حاجة تبوظ
وفي نفس الوقت انا مقدرش امشي بالعربيه فيها حاجة مش مضبوطه

ارجو إفادتي في الموضوع ده لأني قربت اتجنن لاني كل ماروح لحد يقوللي الموتور تمام طب الزيت بينقص ليه يقولي مش عارف

المشكله الأخري وهي الأسوأ ان الزيت بينقص من الموتور بمعدل ١ لتر من كل مره غيار(كل ٤-٥ آلآف كم ) ودي بقي لفيت بيها كل حته حتي التوكيل وغيرت نوع الزيت من موبيل ل شل ٥٠٠٠ وبرده مافيش فايده الزيت بينقص كشفت عليها بالسكانر قالولي الموتور تمام مافهوش حاجه ومتأكد ان مافيش تسريب زيت من اي مكان في الموتور كمان سحب السياره زي الفل بس مش بتجيب اكتر من ١٦٠ -١٧٠ كم ومافيش اي دخان خارج من الشكمان بأي لون

دى أهم حاجه عاوزين نعرفها

الزيت بيروح فين ............؟

ولهذا

عاوزك قبل ماتدور

تكشف على البوجيهات وشوفها معرقه زيت ولا لا

وحنخللى تكمله الكلام لما تطمنا على شكل البوجيهات

عليها أثر لمعة زيت ولا لا ..............؟

ألف شكر علي سرعة الرد والأهتمام انا علشان المشكله الاولي غيرت بوجيهات اول امبارح والبوجيهات القديمه مكانش عليها زيت ....

طيب الزيت بيروح فين الأول

ومتحاول تعمل برضه أختبار كبس للمحرك

لمعرفة نسبة حبك غرف الحريق

طالما مفيش أى مصدر للتسريب ظاهر أمامك

اكيد انا محظوظ ان حضرتك موجود دلوقتي ..
انا قست كبس الموتور من شهر كدا كان اسطوانتين عاملين 8.5 واتنين عاملين 9 بار وفيه مهندس بالتوكيل مشكور قاللي ان الموتور بتاعها الجديد بيقيس 10 - 10.5 بار

فهل قياسها ده مناسب ؟ وازاي اعرف المفروض اغير طقم شنبر ولا جوان وش السلندر ولا ايه ؟
وهل فعلا ممكن تاكل زيت ومتجيبش دخان من الشكمان خالص ؟

اكيد انا محظوظ ان حضرتك موجود دلوقتي ..

الله يخليك

وهل فعلا ممكن تاكل زيت ومتجيبش دخان من الشكمان خالص ؟

ممكن تاكل زيت فعلا .........دون أن تدرى لأى سبب

أما من خلال حبك الشنابر والغرف من الداخل أو بسبب شنبر زيت تعبان
أو من خلال كاوتش الصباب

وهجيبلك موضوع أنا عامله عن كبس الموتور

علشان نشوف سماح القيم بيكون عامل أزاى

ومتابع معاك

وحاول برضه تبقى تعمل أمبيلهات تزويد للسرعه من عند بكرة الأكسراتير وأنت واقف ومدور ورافع الكبوت

وفى نفس الوقت بص على شكل الدخان الخارج من نهاية ماسورة الشكمان

لو لونه بيبان بصوره كثيفه مع التزويد

يبقى هنا المكنه بتاكل زيت بسبب خلل فى الشنابر

انا قست كبس الموتور من شهر كدا كان اسطوانتين عاملين 8.5 واتنين عاملين 9 بار وفيه مهندس بالتوكيل مشكور قاللي ان الموتور بتاعها الجديد بيقيس 10 - 10.5 بار

قيم حبك الغرف حلو عندك فعلا ومفيش منه مشكله

بص على الموضوع ده الأول

وشوف القيم المسموحه بتبقى أد أيه (6.89 بار )

يعنى الحبك عندك تمام

وكده ممكن يكون الخلل بيظهر من شنبر زيت

وده حيبان معاك بطريقة الأمبيلهات

http://www.nilemotors.net/Nile/65410...sion-test.html

ألف شكر ليك أخي الكريم ..... انت بجد راجل محترم

الموضوع بتاع كبس الموتور اكثر من رائع ربنا يباركلك يارب

نيجي بقي لموضوع الامبليهات اللي انا مش عارفه بصراحه واعذرني لاني اكيد خبرتي الميكانيكيه علي قدي
هل دي حاجه اقدر اعملها بإيدي ولا اروح للميكانيكي واقوله اعملهالي ووريني ؟؟

واكيد زمانك زهقت مني بس ربنا يقدرني واقدر اردلك المساعده في يوم من الايام

وشكرا لاهتمامك وكرمك

نيجي بقي لموضوع الامبليهات اللي انا مش عارفه بصراحه واعذرني لاني اكيد خبرتي الميكانيكيه علي قدي
هل دي حاجه اقدر اعملها بإيدي ولا اروح للميكانيكي واقوله اعملهالي ووريني ؟؟

بنفسك ياباشا

الموضوع سهل جدا

وبلاش كده

خللى حد يقعد جوه العربيه ويدوس بنزين جامد
وأنت بص على نهاية الشكمان

دى زى دى

اه فهمت قصدك .... انا كل ميكانيكي اروحله بيعمل كده اول حاجه

ولأ العربيه ما بتجبش دخان ساعتها وده اللي بيحيرهم ويقولولي المكنه مافيهاش حاجه

طاب الزيت بينقص ليه ؟

يقولولي عادي موبيل بيتبخر شويه حط شيل

احط شيل برده بينقص شويه

يقولولي عادي اكيد بتحرق بالعربيه كتير

فهل طبيعي ان الزيت ممكن ينقص شويه من الحرق الزياده او البخر ولا دي افتاءات منهم ؟؟؟

في حاجه كمان لما بسد ماسوره العادم بأيدي شويه واشيلها بيطلع دخان ابيض خفيييف اول ماشيل ايدي هل ده يدل علي حاجه معينه ؟؟

انا عارف اني طولت معاك وربنا يجازيك خير