عايز اشترى جهاز تكييف ومحتار وكنت عايز راى الخبراء
فى ماهو افضل جهاز تكييف من حيث المواصفات والاداء والسعر والصيانه
عايز اشترى جهاز تكييف ومحتار وكنت عايز راى الخبراء
فى ماهو افضل جهاز تكييف من حيث المواصفات والاداء والسعر والصيانه
فى راييى الشخصى الشارب
انا عن تجربه شارب وكارير وتران وبعد كدا اليونيون اير والفريش وال جي والسامسونج لكن البرنس قوي هو الشارب يكفيك انه ضمان العربي
انا ايضا عن تجربة شارب
شارب انت معاك ضمان من العربى افضل ضمان فى مصر كلها لاى سلعه انا مجربه من زمان فى تليفزيونات توشيبا و دا اللى خلانى افضل شارب عن اى جهاز
من ناحية استهلاك الكهرباء شارب اقل تكييف فى استهلاك الكهرباء انا مركب تكييفين 1.5 حصان و فاتورة الكهرباء 100 جنيه يعنى ضعف الاستهلاك العادى مع انى كنت بقول يا رب متعديش ال 200 جنيه و الجهاز ساعات بيشتغل فوق ال 24 ساعه
من ناحية التبريد فهو جيد جدا بس مش شايفه خرافى يمكن لانى مش بقلله عن 26 درجه
عيب الجهاز ال 1.5 حصان اللى اتأكدت منه ان الريش مش بتوزع هواء لتحت زى معظم الاجهزة التانيه شارب 3 حصان و سامسونج
يعنى لو انت قاعد تحت الحيطه اللى متعلق عليها التكييف مش هيوصلك هواء بارد مباشر من الجهاز لكن الشارب 3 حصان بيوزع الهواء لحد الارض عند الحيطه اللى متعلق عليها الجهاز
ايه رأيكم في التران يجماعه واحد صاحبي بيقنعني بيه وانا بفاضل دلوقتي بينه وبين ينيون اير اجيب ايه
ارشح لحضرتك يونيون اير سعره كويس و تبريده جميل اوي و عن تجربة
السلام عليكم و رحمة الله و بركاته
و كل عام و أنتم بخير
أنا عن تجربة , اشترينا 2 تكييف شارب الصيف اللى فات فى 5-2009 و الحمد لله - ما شاء الله - شغالين زى الفل و موفرين فى الكهربا , لأننا كنا شاريين من حوالى 12 سنة تكييف جيبسون امريكانى و كان بيستهلك كهربا كتيييييييييييييييييييير جدا و كان صوته عالى .
عشان كده , انا برجح كفة التكييف الشارب السبليت و كمان لما اشتريناه , سألت أصحابى لقيت كلهم شاريين شارب , مش حاجة تانية .
بالتوفيق ان شاء الله
مازيراتى كواتروبورتيه
شارب نمره واحد
شارب
كاريير
سامسونج
بصراحة بعد تكيف ال جى ارت كوول انسى صناعة كورى تقفيل تركى مستورد بالكامل عيبة الوحيد سعره 4250 جينة 1.5 حصان مميزاتة _ هواء نقى جدا نيو بلازما الجديدة تنظيف ذاتى اربعة اتجاهات لتوزيع الهواء
شارب ممتاز وعن تجربة
لو هتجيب 2.25 حصان أو اعلى هات شارب (الكباس الحالى ماليزى - القديم كان يابانى) - ضمان العربى 5 سنوات
اما شارب 1.5 حصان الجديد (الكباس صينى)
بعد شارب هات كارير (الكباس الحالى ماليزى - القديم كان امريكى) - ضمان سنه واحده
بعد كدا تقريباً كله بيتساوى
بس ابعد عن يونيون اير
يبقى عن تجربه فى البيت والعمل
1) شارب
2) كارير
مميزات شارب موديل السنادى 2010 الى هو Premium Plus أو ال Premium قوة 2.25 حصان وغالباً فى الموديلات ال 1.5 والاكتر من 2.25 بس باقول على الى عندى فى البيت (2.25 سبليت)
1. التحكم فى الهواء فى 4 اتجاهات بالريموت
2. يمكن توجيه الهواء نحو ركن معين فى الغرفه
3. تنظيف ذاتى
4. شاشة بيان درجة الحراره فى الوحده
5. بلازما كلاستر لتنقية وتعقيم الهواء وجعله فريش
6. التكييف السريع لتبريد الجو بسرعه
7. صوت منخفض جدا
8. ضمان خمس سنوات
9. بجد بيخلى الاوضه تلاجه - لدرجة انى باتغطى
دى المازايا الى انا فكرها
ويفضل انك تجيب البارد بس
وعشان تعرف انت محتاج تكييف كم حصان استخدم الحسبه دى لو مش دور اخير
(طول الغرفه × عرض الغرفه × ارتفاع الغرفة × 3 ) ÷ 80
يعنى لو عندك غرفه 4 × 5 بارتفاع 2.75 متر
يبقى انت محتاج تكييف ميقلش عن = (4 × 5 × 2.75 × 3) ÷ 80 = 2 حصان
انا مجرب كارير، بصراحة بقاله عندي ف مكتبي بقاله اكتر من 15 سنة، ومظنش ف يوم انه اتعمله اي نوع من انواع الصيانة، وما شاء الله شغال جداً
طب في البيت بقى، شارب الـ 3 حصان بكام؟
شارب طبعا
وأنسى اليونيون أير جهاز زباله عن تجربه من سنه 2003 جهاز عره وميستورش ومبيكملش أسبوع من غير صيانه
شارب ال3 حصان حوالى 5700 جنيه
ممتاز الشارب انا عندى 2
1.5 حصان و 3 حصان
الشارب احسن حاجه
شارب ثم شارب لو ملقيتش يبقي مافيش داعي تشتري تكييف السنة دي.
ماهى موديلات شارب وسعرها كام
رأي الشخصي المتواضع (( شـــــــارب ))
و ده عن تجاااارب بحكم شغلي و في بيتي (من ميراكو "كاريير", لباور, ليونيون, لشارب.....)
كاريير رقم واحد لو مركزي (Central) في مباني اداريه و فنادق و مطاعم.......
لكن مش لتكييف بيوت و مكاتب و غيره...
يعني كده شارب المكونات بتاعته اتغيرت ال 1.5 حصان الكومبريسور بتاعه بقى صيني؟؟؟؟ وكرافت انا اسمع انه كومبريسور ياباني وتقفيل سعودي و سعره ارخص انا سألت عليع في بي تك عامل حوالي 2600 جنيه ... طب مين الافضل عموما عشان كده في رايي شارب فقد ميزته .... فيه انواع اخرى ناس بتشكر فيها وبتدي نفس الضمان بس انا مجربتهاش زي سامسونج ووايت ويل والكترولوكس عند بي تك امريكي تقفيل بحريني و ترين كمان ممتاز على مابسمع.
منتظرين تجارب الناس اللي جربت الماركات الجديده ...
لسه مركب الشارب 1.5 حصان وبصراحه اكثر من رائع والحمد لله مريحنى جامد
شارب واسمع نصحتى
انا عن تجربتى للشارب من احسن اجهزة التكييف
بصراحة ممتاز
انا لسه جايبه من 4 اشهر وبصراحة فى منتهى الجمال 1.5 حصان
مع تنضيف الفلاتر فى مواعيدها هيشتغل معاك زى الفل
وجهاز ضمان العربى 5 سنين
السلام عليكم ورحمة الله وبركاتة :verygood: وكل سنة وحضارتكم طيبين وبخير عاوز اسأل على اجهزة التكيف المنزلية الانواع بقت كتير ومش عارف احدد اى الانواع افضل من ناحية قطع الغيار والضمان والصيانة والخدمة الشاقة :majd(4)::majd(4)::majd(4)::majd(4):لو حد عندة خبرة فى هذا المجال ويقر يفدنى يبقى جزاه الله خيررررررررررررر :B4_388::B4_388::B4_388: أسف على الاطالة وشكراااااااااا
انا ركبت السامسونج ماكس
بصراحه خرافه فى التبريد واستهلاك الكهرباء
ومالوش صوت خالص
ويكفى ان الجهاز متسورد بالكامل ( مصنع فى مصانع سامسونج بالصين )
انا الحمد لله جبت ترين
مكونات امريكي تجميع صيني تربو كول وأيونيزر ومالوش صوت نهائي
افضل مكيف كاريير
عاوزين رأى الناس اللى ركبت الانواع الجديدة جزاكم الله خيررررررررررررر
ال جى ارت كوول كورى تقفيل تركى فى ميزة لما بيوصل لدرجة 22 يطلع تبريد بالبخار
انا عندى شارب بصراحة هايل وملوش صوت و كمان الشركةمحترمة جدااااااااااااااا و الصيانة ممتازة
وابعد عن اليونيون اير وحش جدااااااااااااااااا والشركةفاشلة والصيانة اخر حاجة بيفكرو فيها