اللى على السهم الابيض ده بقى ايه؟؟؟
وهل فصل الegr يؤثر على الاداء ؟
وهل الفصل بيتم بخلع خرطوم الفاكيوم فقط ولا فيه حاجة تانيه؟؟
عرض للطباعة
هو اللى فى السهم الموف دة يا كبير دة بقة يبقة اية وبيعمل اية فى العربية وهل غلط انى امشى بية كدة والا اييييييييييية؟؟
سوال تانى ياكبير النوبيراوية انت بتحط زيت اية فى الموتور لان العربية كان فيها موبيل 1 وانا حبيت اغير لفيسكو والا انت شايف اية يا كبير؟؟؟
انا مستنى بكرة يا كبير هو فيسكو كام اللى انت بتحطة ؟؟؟2000 والا 3000 والا5000
يعنى أيه egr
يعنى أختصارا للمصطلح exhaust gas recirculation
يعنى بناخد شوية عادم من بتوع المكنه قبل مايخرجوا من الشكمان ( على القد كده ) وندخلهم مع مخلوط الهواء والبنزين
زى مابنكون بنخفف تركيز مخلوط الهواء والبنزين ونلوث الشحنه شويه
طيب ليه بنعمل كده
للتخلص من أكاسيد النبتروجين الناتجه من أشتعال خليط الهواء والبنزين
لأن وجود أكاسيد النيتروجين مع غازات الأحتراق بيوصل درجة الحراره لقيم كبيره جدا ( داخل المحرك ) وده غير
مطلوب فنيا
طيب أحنا عاوزين ندخل شوية عادم أد أيه جوه المكنه
الحالات المختلفه
1- مفيش عادم بيخش من خلال البلف أثناء مرحلة السلانسيه وبالذات وقت التسخين بعد الدواره
وكذلك أثناء مرحلة الأحمال العاليه جدا ( لما ندوس على الأكسراتير لحد الأرضيه )
2- بيخش كميه قليله من العادم أثناء السرعات البطيئه ( لحد 2000 لفه تقريبا ) وكذلك أثناء الأحمال الخفيفه
3- بيخش كمية عادم كبيره أثناء مراحل تثبيت السرعه ( السواقه الهادئه )
طيب أيه اللى ممكن يحصل لو لغيناه
من الوارد جدا تعرض المحرك لظاهرة الصفح المعروفه فى محركات البنزين
لأن أرتفاع الحراره داخل الغرف من الممكن أن يؤدى الى حدوث أشتعال ذاتى مسبق للشحنه قبل صدور الشراره من البوجيهات
مما يعنى أشتعال ذاتى للخليط ( غير مطلوب )
وبالتالى بيولد ظاهرة الصفع أو الدق detonation
من كلامك ال egr مهم جدا ولابد من وجودة لتلافي عملية التصفيق (التسقيف)
طيب تفسر باية عدم وجودة في بعض موديلات اللانوس والنوبيرا وايه اللي بيعوض وظيفتة
انا قبل كدة كنت قريت لممدوح ان وظيفتة فقط الحفاظ على البيئة
وفي سؤال تانى ايه اسم القطعة المشار اليها بالسهم الابيض ووظيفتها هي شبة طرمبة البنزين في العربيات القديمة
واسمحلي يا هندسة اضيف
انى من خلال بحثي عن وظيفة egr
لاقيت انو وظفتة الاساسية دخول جزء من غازات العادم الشحنة
وهذا بهدف التخلص من الغازات السامة والغير مرغوب فيها عن طريق احتراقها مع الشحنة
وعدم خروجها مع العادم
وفي الاخر احنا بنتعلم منك