فى نناس بترصص العجل عن طريق الحصان وناس ثانيه عن طريق الكمبيوتر ايهما افضل
عرض للطباعة
فى نناس بترصص العجل عن طريق الحصان وناس ثانيه عن طريق الكمبيوتر ايهما افضل
اعتقد الحصان ده بيسموه (الموتسيكل)
لكن بعيداً عن الاختلاف في المسميات فأنا من رأيي ان الترصيص على الموتسيكل بيكون أفضل لأنه بيكون على سرعه عاليه وبيكون ادق
وبصراحه انا اللي اعرفه ان الزوايا هي اللي بتتعمل عالكمبيوتر مش الترصيص
الترصيص عن طريق جهاز الأتزان الديناميكى المسمى بلغة السوق بالموتوسيكل أو الحصان
أفضل أنواع الترصيص
لأنه بتلك الطريقه يتم لم كل عيوب الأتزان الموجوده فى المحور نفسه
طنابير وخلافه بالأضافه للجنط والكاوتش
أما الترصيص للفرده وهى محلوله
لايكون بصوره دقيقه مثل حالة الموتوسيكل
وبعدين يا رجالة انا ماشوفتش فى حياتى غير نوع واحد جهاز ترصيص
اللى هو بنفك الجنط ونركبه على الجهاز وينزل عليه زى غطا ويبدأ الجنط بالدوران ويعطى القراءة على الجهاز
بتزويد الرصاص على يمين وشمال الجنط ... هل فى نوع تانى لا يلزم فك الجنط من العربية ... طيب لو فى بيركبوا الرصاص ازاى
انا سمعت عن الترصيص والعجلة راكبه بس ماشفتوش
الموتسيكل عباره عن جهاز صغير الحجم متحرك على عجلات صغيره
موجود فيه من الامام عجله معدنيه راكبه بشكل افقى وليس عمودي
وظيفه العجله دي هي انها بتلامس الكاوتش وهو راكب في العربيه , يعني الراجل بيدخل بالجهاز على الكاوتش وهو مرفوع من على الارض , وبيضغط عليه بالعجله المعدنيه الموجوده في الموتسيكل ويبدأ ينقل الحركه من الموتسيكل للكاوتش
وفي جهاز تحكم في السرعه على الموتسيكل ده
و على نفس الموتسيكل في لمبه ليها اشعه مميزه , بتنور على العجله وهي بتلف بسرعه بطريقه الفلاش (ومضات) بحيث انها تبين للشخص اللي بيرصص مناطق الخلل في الاتزان , وبتكون باينه جدا عن طريق الإضاءه دي
وطبعا اللي بيرصص بيعلم على المكان اللي فيه الخلل بأي علامه وبعدها بيوقف العجله وبيحط الرصاصه
وبيكرر نفس العمليه مع الاربع عجلات
اتمنى اكون قدرت اوضح الفكره :-)
شكرا لردودكم
استاذ محمد الشامى المعلومة وصلت على اكمل وجه ... والمفروض الجهاز يكون منتشر لان اكيد زى ما المهندس سمير قال انه
بيظهر جميع مشاكل الاتزان ..... ربنا يسهل وادور على حد يكون بيشتغل بيه ... والف شكر يا باشا على المعلومة وكل سنة وانت طيب
دي صوره موتسيكل الترصيص , لكن مع اختلاف التركيبه شويه
http://axleandwheel.com/Portals/27/wheelbalancing.jpg
اللي موجود عندنا بيكون التلامس بين العجله المعدنيه والكاوتش من الجنب مش من تحت الكاوتش زي الصوره , وطبعا في الحاله دي ميكانيكيه الحركه اكيد مختلفه شويه
والجهاز اللي ادام الراجل ده غالبا اللي بيعمل بيه الوميض او الفلاش على العجله وهي بتلف بسرعه عشان يحدد مناطق الخلل في الاتزان, لكن في الجهاز اللي عندنا بيكون الفلاش ده طالع من الموتسيكل نفسه , يعني مش من جهاز منفصل عنه
اللى فى الجيزة او فيصل . محطة اسو فى شارع فيصل قبل تقاطع المريوطية و انت قادم من الجيزة متجها للهرم فى هناك حصان او متوسيكل للترصيص للى يحب . بس يفضل تكون ظابط الهوا قبل ما تروح . اعتقد 6 جنية ترصيص الفردة
اعتقد كمان توتال اللي على اول ش سهل حمزه في فيصل فيها موتسيكل ترصيص
و محطه شيلل اللى فى شارع دمشق عندهم موتوسيكل ترصيص
و محطه مصر اللى فى ميدان الاسماعيليه برضه عندهم
بصراحه الحصان او الموتسكل ده ممتاز لسه مرصص بيه من اسبوع العربيه كانت بترعش على 90 دلوقتى الحمد لله ميه ميه كمان كفايه ان العجل مش بيتفك و بتتعمل كلها ف اقل من ربع ساعه
عن تجربة فعلا الكمبيوتر مش حلو وبعد 120 رعشة جامدة
ولما رصصت بالحصان العربية ظبطت الحمد لله على السرعات العالية
القول الفصل من الخبراء
مين الافضل
الموتوسيكل ( لو اتعمل صح) بيكون افضل ونتايجه احسن بكتير خصوصا لو السيارة فيها مشاكل اتزان في اجزاء العفشة زي ما المهندس سمير قال. ولكن المشكله في الموتوسيكل انك لو فكيت العجله لأي سبب من الاسباب لازم تعلم كل مسمار و الخرم بتاعه في الجنط، لأن الجنط لو لف وترتيب المسامير اختلف خلاص راح الترصيص.ايضا مينفعش تبدل جنط مكان التاني.
انما ترصيص الجنوط على الجهاز برة مبيكونش فيه المشكله دي والجنط تقدر تركبه بأي وضع و في اي مكان.
انا عملت اغرب ترصيص
انا اشتريت 4 فرد كاوتش من عند غطاطي اللي في فيصل نوعهم ميشلان و الويرا عندي جنوط اسبور
لقيت الراجل بيقولي
متخليش حد يرصصلك الكاوتش ده من برة، الجنط ده بيترصص من جوة بس، عشان لما تصلح حاجة في الكوتش لا قدر الله مترصص كل شوية
انا قولت ده بيهذي وانا هبقى ارصص في بريدجستون ولا حاجة، بس العربية لغاية 160 مكنش في اي نوع من انواع الرعشة باي شكل من الاشكال
الترصيص على فكرة كان كمبيوتر مش موتوسيكل
والجهاز كان شكله متطور، يعني شاشة تاتش و حاجات كده