ايهما افضل فى ترصيص العجل الحصان ولا الكمبيوتر

**mahdyez** · 17-08-2010 06:48 PM

فى نناس بترصص العجل عن طريق الحصان وناس ثانيه عن طريق الكمبيوتر ايهما افضل

**محمد الشامي** · 17-08-2010 07:01 PM

اعتقد الحصان ده بيسموه (الموتسيكل)
لكن بعيداً عن الاختلاف في المسميات فأنا من رأيي ان الترصيص على الموتسيكل بيكون أفضل لأنه بيكون على سرعه عاليه وبيكون ادق
وبصراحه انا اللي اعرفه ان الزوايا هي اللي بتتعمل عالكمبيوتر مش الترصيص

**samirayad** · 17-08-2010 08:09 PM

الترصيص عن طريق جهاز الأتزان الديناميكى المسمى بلغة السوق بالموتوسيكل أو الحصان

أفضل أنواع الترصيص

لأنه بتلك الطريقه يتم لم كل عيوب الأتزان الموجوده فى المحور نفسه

طنابير وخلافه بالأضافه للجنط والكاوتش

أما الترصيص للفرده وهى محلوله

لايكون بصوره دقيقه مثل حالة الموتوسيكل

**amr.elsayed** · 17-08-2010 08:20 PM

وبعدين يا رجالة انا ماشوفتش فى حياتى غير نوع واحد جهاز ترصيص
اللى هو بنفك الجنط ونركبه على الجهاز وينزل عليه زى غطا ويبدأ الجنط بالدوران ويعطى القراءة على الجهاز
بتزويد الرصاص على يمين وشمال الجنط ... هل فى نوع تانى لا يلزم فك الجنط من العربية ... طيب لو فى بيركبوا الرصاص ازاى

**zanativich** · 17-08-2010 08:30 PM

انا سمعت عن الترصيص والعجلة راكبه بس ماشفتوش

**محمد الشامي** · 17-08-2010 08:45 PM

المشاركة الأصلية كتبت بواسطة ringoo

هل فى نوع تانى لا يلزم فك الجنط من العربية ... طيب لو فى بيركبوا الرصاص ازاى

الموتسيكل عباره عن جهاز صغير الحجم متحرك على عجلات صغيره
موجود فيه من الامام عجله معدنيه راكبه بشكل افقى وليس عمودي
وظيفه العجله دي هي انها بتلامس الكاوتش وهو راكب في العربيه , يعني الراجل بيدخل بالجهاز على الكاوتش وهو مرفوع من على الارض , وبيضغط عليه بالعجله المعدنيه الموجوده في الموتسيكل ويبدأ ينقل الحركه من الموتسيكل للكاوتش
وفي جهاز تحكم في السرعه على الموتسيكل ده
و على نفس الموتسيكل في لمبه ليها اشعه مميزه , بتنور على العجله وهي بتلف بسرعه بطريقه الفلاش (ومضات) بحيث انها تبين للشخص اللي بيرصص مناطق الخلل في الاتزان , وبتكون باينه جدا عن طريق الإضاءه دي
وطبعا اللي بيرصص بيعلم على المكان اللي فيه الخلل بأي علامه وبعدها بيوقف العجله وبيحط الرصاصه
وبيكرر نفس العمليه مع الاربع عجلات

اتمنى اكون قدرت اوضح الفكره :-)

**mahdyez** · 18-08-2010 12:56 AM

شكرا لردودكم

**amr.elsayed** · 18-08-2010 01:34 AM

استاذ محمد الشامى المعلومة وصلت على اكمل وجه ... والمفروض الجهاز يكون منتشر لان اكيد زى ما المهندس سمير قال انه
بيظهر جميع مشاكل الاتزان ..... ربنا يسهل وادور على حد يكون بيشتغل بيه ... والف شكر يا باشا على المعلومة وكل سنة وانت طيب

**محمد الشامي** · 18-08-2010 01:41 AM

المشاركة الأصلية كتبت بواسطة ringoo

استاذ محمد الشامى المعلومة وصلت على اكمل وجه ... والمفروض الجهاز يكون منتشر ربنا يسهل وادور على حد يكون بيشتغل بيه ... والف شكر يا باشا على المعلومة وكل سنة وانت طيب

انا تحت امر حضرتك :-)

فعلا الجهاز ده افضل واسرع وفعال جدااااااا , وربنا يسهلك امورك وتلاقي حد عندك شغال بيه ان شاء الله

وكل سنه وحضرتك طيب ورمضان كريم :-)

**محمد الشامي** · 18-08-2010 02:04 AM

دي صوره موتسيكل الترصيص , لكن مع اختلاف التركيبه شويه

اللي موجود عندنا بيكون التلامس بين العجله المعدنيه والكاوتش من الجنب مش من تحت الكاوتش زي الصوره , وطبعا في الحاله دي ميكانيكيه الحركه اكيد مختلفه شويه

والجهاز اللي ادام الراجل ده غالبا اللي بيعمل بيه الوميض او الفلاش على العجله وهي بتلف بسرعه عشان يحدد مناطق الخلل في الاتزان, لكن في الجهاز اللي عندنا بيكون الفلاش ده طالع من الموتسيكل نفسه , يعني مش من جهاز منفصل عنه

الموضوع: ايهما افضل فى ترصيص العجل الحصان ولا الكمبيوتر

LinkBack

أدوات الموضوع

عرض

ايهما افضل فى ترصيص العجل الحصان ولا الكمبيوتر - انشر الموضوع فى :

-

-

-

-

-

-

-

-

المواضيع المتشابهه

ترصيص الحصان ( بالصورة+ فيديو ) سلسلة حل مشكلة الغربلة للفيرنا

ترصيص العجل؟؟؟

سوال عن ترصيص العجل

ترصيص العجل؟؟؟؟

ترصيص العجل

الكلمات الدلالية لهذا الموضوع

المفضلات

المفضلات

ضوابط المشاركة