ذكريات تهم مواليد السبعينات

07-03-2008 05:42 AM

يااااه يا علا خلتينا نفتكر حاجات حلوه كتير _فاكره برنامج حياتي و مقدمته فايزه واصف كان بيجي الجمعه الساعه 5 و ربع _ و ماما ساميه شرابي بس كانت غلسه ههه و عالم البحار و فكر ثواني و أكسب دقايق

**sab3aawy** · 07-03-2008 10:25 AM

طالما انن بنتكلم بأه عن ذكرياتنا نحن اهل السبعينات يبقى لا يمكن ننسى اعظم ما قدمه مسرح العرائس المصرى على الإطلاق

الليلة الكبيرة

كلمات المحلق فى سماء الإبداع المرحوم صلاح جاهين

ألحان ابن مصر الأصيل، المسحراتى، المرحوم سيد مكاوى

واخراج رائد فن العرائس فى مصر الأستاذ صلاح السقا ربنا يديله الصحة(بالمناسبة هو ابو الممثل احمد السقا)

واصوات كثير من مشاهير مصر ميزت منهم هدى سلطان(طار فى الهوا شاشى) وسعاد مكاوى(يا ام المطاهر) وشفيق جلال(ورينا القوة) وابراهيم حمودة(الأسطى عمارة من درب شكمبة) ومحمد رشدى(حمص حمص) وكارم محمود

الجزء الأول

http://ca.youtube.com/watch?v=3nahFDqZKTE

الجزء الثانى

http://ca.youtube.com/watch?v=KoiU_nUvvvI

الجزء الثالث

http://ca.youtube.com/watch?v=mN0xcbes_mE

الجزء الرابع

http://ca.youtube.com/watch?v=35U3Ep...eature=related

**Ahmed Hassan** · 07-03-2008 10:51 AM

و كمان ماكجيفر

كان عنده حلول لكل حاجة و أي حاجة
__________________

صح... و كل حاجه كان (جدو) اللي معلمهاله!!

**Ahmed Hassan** · 07-03-2008 11:06 AM

المشاركة الأصلية كتبت بواسطة Khalid_Mostafa

ايوه بس انا فاكر انها كانت مش محجبه وكان اغلب لبسها اخضر بس كانت طيبة وحنينه جداً وفين ماما ساميه وماما نجوي و بقلظ

ورجل المستحيل

و البسكوت اللوكس الملفوف بروقة ذهبي وتفتحه انت وحظك يا تلاقي 4 بسكوتات يأما 5 بسكوتات والبوزو (الكاراتيه)
ياااااااااااااااااااااااا ااااااااااااااااااااااااا اااااااااااااااااااااااه

انا مش عارف اوصف الشعور الي انا حاسس بيه و انا بشوف الصور دي ..الواحد كان بسيط ساعتها والدنيا كانت سهلة مش معقدة زي دلوقتي
الله ينور عليكي والله يا علا وياريت تكملي

$

لأ..لأ...لأ...... ما ما ساميه لأ!!!! دي كان ملهاش حل... دا انا كان عندي استعداد اعمل الواجب و متفرجش عليها. كام ليها مقوله شهيره.. يا ترى حد فاكرها؟!!

**Zabady** · 07-03-2008 03:45 PM

موضوع جميل جدا بالرغم من أني من مواليد الثمانينات لكن أنا شفت بعض الأشياء

**TaoTao** · 07-03-2008 07:16 PM

المشاركة الأصلية كتبت بواسطة unounobebo

انا بقي كنت بأخد مصروف قرشين ونصف كنت بأجيب 2باكو بسكوت و زجاجة كوكاكولا أو إسباتس أم دبانة أو سبورت كولا .ياااااااة دا الواحد قديم أوي . بس بجد يا علا الموضوع رائع انا و جوزي و إحنا بنتفرج علية ما بطلناش ضحك .

آه سباتس دي العلامة المميزة ليها كانت النحلة (والناس بتفكرها دبانة :)) سباتس ده من رجال الصناعة ومصنعه في وسط البلد وأخد وسام ملكي في الصناعة أيام الملك (فؤاد على ما أذكر) بس يا خسارة ماقدرش يقاوم الهجوم الأمريكي بقوات كوكاولا وبيبسي. بس المصنع لسة شغال، وممكن تلاقوا منتجاته في ميدان رمسيس محل مثلجات موجود عند مكان موقف الأوتوبيسات القديم، والسباتس لما شربتها(أول مرة أدوقها كان من سنتين) لقيت طعمها حلو جدا غير كل المياه الغازية، بما إننا في موسم مقاطعة أنصحكم تجربوها

**TaoTao** · 07-03-2008 07:38 PM

المشاركة الأصلية كتبت بواسطة emadkamel

دى كانت البواخه فى صورتها الاوليه ... يعنى قبل ما يخففوها بأى حاجه .... دى اللى نجحت انها تكرهنى فى اخترنالك وسمعنالك واى حاجه تتعمل لك

عايزين صور المذيعه بتاعت جوله الكاميرا .. كل يوم حد.. مش فاكر اسمها ... والمعلق بتاع عالم الحيوان ... كان فى 4 -5 برامج كده يوم الجمعه ورا بعض من أول 9 الصبح سينما الأطفال ... سينما ... سينما الاطفال ... سينما ... دى احلى حقيقه واحلى خيااااااااااااااال ...سينما الاطفاااااااااااااال سينما الأطفاااااااااااااال لحد الساعه 5 تقريبا .. تكنولوجيا

بجد يا علا موضوع فوق الممتاز

جولة الكاميرا تقديم هند أبو السعود، عالم الحيوان (مازال يعرض بعد صلاة الجمعة) تعليق محمود سلطان
ودي برامج متميزة جداً ومعاها برنامج العلم والإيمان للدكتور مصطفى محمود ، وبرنامج تكنولوجيا تقديم .... مش فاكر غالبا يوسف مظهر، وبرنامج عصر العلم للدكتورة فرخندة حسن (قبل المجلس القومي للستات)
كانت برامج علمية وبسيطة جدا غرست في حب العلم، حتى أنا من كتر حبي لعالم البحار (للدكتور عبد الفتاح جوهر رحمه الله) كنت عاوز ادخل معهد علوم البحار جامعة قناة السويس، بس شخطة واحدة من الحاج دخلتني هندسة القاهرة :)
أيام
دلوقتي للأسف التليفزيون مافيهوش غير الهلس، والبرامج العلمية الجميلة دي اختفت للأسف :(

**TaoTao** · 07-03-2008 07:55 PM

المشاركة الأصلية كتبت بواسطة hatem_badawe

انتو اكيد بتهرجوا انا مش مصدق انكم جمعتم المعلومات دي كلها

الاطفال روبي والعلم والايمان واميجو ولاسي انا مش مصدق

في حاجة ممكن نسيتوها لما القناة الاولي كان الرسال بينتهي الساعة تقريبا 11 وبيزيعوا النشيد الوطني في الاخر حد فاكر

أيوة فاكر، وكنت باقلب كرسي السفرة واقف عليه وامسك في إيدي إبرة التريكوو بتاعة ماما واقلد عبد الوهاب (كان لابس زي عسكري وكان هو قائد فريق العزف) واعمل فيها مايسترو
وأحيانا (من كتر إعجابي بالراجل اللي ماسك آلة كدة مش عارف اسمها بس هي شبه غطايين حلة كدة) كنت باجيب غطايين حلة واعمل بيهم طشششششششششششش واغني النشيد الوطني برضه :D:D:D
كانت ايااااااااااااااااااام :D

**TaoTao** · 07-03-2008 08:11 PM

المشاركة الأصلية كتبت بواسطة douha_wise

أنا البرادعى يا لطفى مش هو كان اسمة لطفى برضة

أنا البرادعي يا رشدي
المسلسل ده كان مشهور بـ "البرادعي" اسمه الرسمي "وتوالت الأحداث عاصفة"
للأسف ماجتليش الفرصة اشوفه :(

**Sharky** · 07-03-2008 10:38 PM

المشاركة الأصلية كتبت بواسطة t5554983

أموت وأعرف بتجيبى الكلام والصور دى منين

مؤرخة المنتدى ونداء الماضى الجميل

أنا برضه من مواليد أواخر السبيعينات

إيه يا علا دا إيه الموضوع الجميل دا إنتى رجعتنى بصورك الحلوة لأجمل أيام
بجد أنا نفسى أعرف جبت الصور دى منين

أنا عــــــــــــايز أرجع تانى للأيـــــــــــــام الحلوة دى ما فيشحد يعرف يرجعنى :(

الموضوع: ذكريات تهم مواليد السبعينات

LinkBack

أدوات الموضوع

عرض

-

-

-

المواضيع المتشابهه

ذكريات أول خبطة + ذكريات أجمد خبطة

الى كل مواليد الثمانينات

لو من مواليد سنه 80 الى 91

بيتـــــــــــــــــــــــــــــلز السبعينات

عربيتين في السبعينات

الكلمات الدلالية لهذا الموضوع

المفضلات

المفضلات

ضوابط المشاركة