ذكريات تهم مواليد السبعينات

**OlaOsman** · 16-04-2008 05:27 PM

المشاركة الأصلية كتبت بواسطة emam

اية الجمال دة يا جماعة ... رجعتونا لايام جميلة - ( فية حاجه غلط - وعائلة شلش - اوراق الورد ) لما كان التليفزيون فيه القناة الاولى والثانية فقط . ولا فضائيات ولا غيرة - بالمناسبة مين فاكر مسلسل سعيد عبدالغنى واحمد بدير لما كان بيقول
هراس جاى ى ى - حد فاكرة ؟؟؟

المسلسل ده كان اسمه مارد الجبل.. مارد و فااااااااارد في الجبل طوله.. ماحد داج عذابه و لا حد جال جووووووووله

**OlaOsman** · 16-04-2008 09:27 PM

بمناسبة مارد الجبل.. حد فاكر الفيلم ده و الألابان اللي عمله في مصر؟

**ahmedfra** · 16-04-2008 09:41 PM

زمان الأفلام الهندى دى كان ليها شنة و رنه و اميتاب بتشاب كان عامل عمايل هندى .
و مسلسل غاويش بتاع كلام اخوك الكبير يصير يا ولدى كان فيه شوية موسيقى لعمر خيرت عجب .
و فكرتونى بكتاب ابتدائى امل و عمر و ساعى البريد عم سعيد

**Adham_Sabry** · 16-04-2008 10:45 PM

محدش رد عليا

حد فاكر يا جماعه مسلسل اجنبي رائع كان بيتعرض علي القناه الثانيه سنه 1996 تقريبا كان اسمه "Nowhere Man"
المسلسل ده كان بيفضح المخابرات الأمريكيه

انا مش فاكره اوي بس هو كان بيتكلم عن صحفي صور مشاهد من افعال امريكا في فيتنام ومن هنا بدأت تحصله مواقف صعبه
نفسي اشوفه تاني ..
حد يعرف ممكن نعمله دوونلود منين ؟؟

**OlaOsman** · 17-04-2008 07:01 AM

المشاركة الأصلية كتبت بواسطة ABOZAYED

محدش رد عليا انا مش فاكره اوي بس هو كان بيتكلم عن صحفي صور مشاهد من افعال امريكا في فيتنام ومن هنا بدأت تحصله مواقف صعبه
نفسي اشوفه تاني ..
حد يعرف ممكن نعمله دوونلود منين ؟؟

أول مرة اسمع عنه

**Adham_Sabry** · 17-04-2008 03:32 PM

يا جماعه المسلسل ده جامد جدا انا عندي حوالي 7 حلقات
(كان نزل علي يوتيوب وبعد كده اتحذف ..ممكن تكون CIA هي اللي عملت كده :D:D)
وده لينك بيتكلم عنه
Fact or Fiction - True Stories of CIA Mind Control
http://video.google.com/videoplay?do...90719452&q=cia

"The date is August 28, 1995. Thomas Veil, a photojournalist, has his identity erased by a mysterious conspiracy. His wife doesn’t recognize him, the key to his house doesn’t work, and his ATM cards are useless. People are chasing him, but he doesn’t know why, except that it has something to do with "Hidden Agenda", a picture of an execution he took a year earlier that’s missing from his studio. He has the negative, "they" want it, and the hunt is on. Tom veil is hunting for the truth, while "they" are hunting him for the negative.
.

,وكان في ناس بتقول ان معظم احداث المسلسل حقيقيه ..

**TaoTao** · 17-04-2008 10:25 PM

المشاركة الأصلية كتبت بواسطة hazem_khidr

مسلسل غوايش بتاع فاروق الفيشاوي و صفاء ابو لسعود.
لما كان ابو فاروق الفيشاوي بيقوله
كلام اخوك الكبير يصير يا حسانين
يقوم فاروق قايل
ليه يا بوي
يقو ابوه يرد
علشان هو الكبير يا ولدي
دي الجمله الوحيده اللي فاكرها من المسلسل دا :)

آه كان أبو حسنين الأستاذ "عبد البديع العربي" والد محمد ووجدي وكاميليا العربي (كلهم اعتزلوا تقريبا :))

وكان نبيل الحلفاوي -أخو حسنين الكبير- اسمه "معلى قانون" معلى ألف لينة يعني تنطق "معلا جانون" أنا بقى كنت اموت واعرف هو اسمه كدة ليه؟!!:D
ده اسم ده؟ ولا صفة؟ ولا ايه؟ :D
أساساً أنا ماعرفتش افسر اسمه غير بعد عرض المسلسل ب 15 سنة :D

**TaoTao** · 17-04-2008 10:31 PM

المشاركة الأصلية كتبت بواسطة ahmedfra

زمان الأفلام الهندى دى كان ليها شنة و رنه و اميتاب بتشاب كان عامل عمايل هندى .
و مسلسل غاويش بتاع كلام اخوك الكبير يصير يا ولدى كان فيه شوية موسيقى لعمر خيرت عجب .
و فكرتونى بكتاب ابتدائى امل و عمر و ساعى البريد عم سعيد

أنا فاكر طشاش ساعي البريد، واظن كان اسمه فريد، الولد هو اللي كان "سعيد"
سعاد: افتح الباب "سعيد" ... إنه عمي "فريد"
إنه ساعي البريد

مش فاكر غير كدة، بس هو كان ديالوج بين "سعاد" و "سعيد"، وسايبين عم "فريد" ملطوع ع الباب، ولما فتحوله الباب الراجل كان مبسوط ع الآخر وقالهم:
مرحباً ابني وبنتي .. مرحباً من كل قلبي

وكام بيت تاني كدة مش فاكر منهم أي حاجة، والنشيد ده كان في كتاب سنة تالتة أو تانية ابتدائي.
بجد والله برافو عليك فكرتنا بحاجات ظريفة جداً :)

**ows212** · 18-04-2008 04:50 AM

كتاب اولى ابتدائى ...
بم بم بسبس خافت بسبس جرت الى امل
مسلسل غوايش فاكرين اجمد بدير لما كان بيقول لأمه قوطع الزميير واللى شار بيه
وكان بيحب فى المسلسل انعام سالوسة اخت المعلى وحسانين

**abou_ruqi** · 26-05-2008 08:33 PM

موضوع تحفة تحفة تحفة
أنا بأقراه وأنا بعيط

وحشارك معاكم إن شاء الله جامد

أولا

سؤال لللعيبة مواليد السبعينات وبخاصة أوائل السبعينات

فاكرين الراجل ده

مين أول واحد حيقول اسمه ؟؟؟

الراجل ده بيمثل طفولتي بحق ربنا