الموضوع: ذكريات تهم مواليد السبعينات

المشاركة الأصلية كتبت بواسطة OlaOsman

يا ستاااااااااااا يا رب.. القصة دي كانت مكررة علية في ثانوي.. كانت عصير كآبة الصراحة.

والله كان نفسي افتح الموضوع من تاني بس ماكنتش لاقي مواضيع اتكلم فيها :) ربنا يبارك فيكِ يا أستاذة علا
القصة دي اللي فهمهالنا أستاذ فاضل أدين له بكل فضل اسمه أ/ محمود كانت طريقة شرحه سلسة جداً مخلياني فاكر أحداث القصة حتى الآن .. كنت أقوم بتعريب أسامي الأبطال عشان افتكرهم، يعني مثلا ستيفن بلاكبول "Stephen Blackpool" كنت بادلعه بـستيفن "وحل البِرك" :) هي ترجمة شبه حرفية لاسمه وهو كان فعلا حظه أوحل من وحل البرك :) الراجل النحس الأمنية الوحيدة اللي اتحققت له كانت إنه يموت لما قال:
And the sooner I dead is better
وبعدها وقع في الحفرة ومات !!

المشاركة الأصلية كتبت بواسطة TaoTao

والله كان نفسي افتح الموضوع من تاني بس ماكنتش لاقي مواضيع اتكلم فيها :) ربنا يبارك فيكِ يا أستاذة علا
القصة دي اللي فهمهالنا أستاذ فاضل أدين له بكل فضل اسمه أ/ محمود كانت طريقة شرحه سلسة جداً مخلياني فاكر أحداث القصة حتى الآن .. كنت أقوم بتعريب أسامي الأبطال عشان افتكرهم، يعني مثلا ستيفن بلاكبول "Stephen Blackpool" كنت بادلعه بـستيفن "وحل البِرك" :) هي ترجمة شبه حرفية لاسمه وهو كان فعلا حظه أوحل من وحل البرك :) الراجل النحس الأمنية الوحيدة اللي اتحققت له كانت إنه يموت لما قال:
And the sooner I dead is better
وبعدها وقع في الحفرة ومات !!

تصور انا مش فاكرة حاجة عن وحل البرك.. أقصد بلاك بول ده حاجة خالص؟ كل اللي فاكراه هو الراجال اللي في الصورة دي والناس البائسة اللي كانت في الفيلم.. تصور انا من كتر الظلام و اللون الرمادي اللي كان مغظي أجواء الفيلم طول الوقت أخدت عهد على نفسي اني عمري ما هاروح لندن دي خالص لما أكبر أيا كانت الأسباب

بس انت ما أخدتش بالك اني كاتبة تحت الصورة ان الرواية دي كانت "مكررة" علينا مش "مقررة"؟

المشاركة الأصلية كتبت بواسطة OlaOsman

بس انت ما أخدتش بالك اني كاتبة تحت الصورة ان الرواية دي كانت "مكررة" علينا مش "مقررة"؟

أخدت بالي .. بس قلت أفوتها :)

فاكرين اللعبة دي؟ فكرتها في منتهى البساطة :)



لتر شويبس بتاع زمان



أحمد حلمي و أول ظهوره خالص على الساحة الإعلامية

الطفولة و البراءة حلوين و الله يا جماعة



نضارات العيد اللي كانت بتجيب عمى مؤقت دي



نبلة. عمري ما عرفت استعملها.. كنت باحط فيها الطوبة و كانت بتيجي فية بدل ما تروح للحتة اللي انا عايزاها.

متهيألي ماحدش لسه بيغني من كل دول غير 3 أو 4 بالكتير



أغاني الراجل ده كانت محتاجة يتحط لها ترجمة على الشريط :D



مدحت صالح لما كان في كي جي وان :D