الموضوع: ذكريات تهم مواليد السبعينات

المشاركة الأصلية كتبت بواسطة TaoTao

كورونا دي بقى لي معاها حكاية .. كنت من شهر باجيب حاجات من السوبر ماركت، وبعد ما حاسبت والفلوس اللي معايا تقريباً خلصت لقيت في التلاجة شيكولاتة كورونا خضراء الغلاف والغزالة الناعسة ترقد في دلال على خلفية زرقاء، والله وقفت قدام التلاجة دقيقتين مفتون من المفاجأة السارة جدا دي، وتلقائيا فتحت التلاجة وطلعت شيكولاتة للبيت كله ورجعت للراجل ودفعت آخر مليم في جيبي بس كنت في غاية الانبساط والبيت كله ماصدقش إنها مازالت تنتج

زى بتاعة زمان فى الشكل بس لكن الطعم لأ , الا اذا كنا اتعودنا على الجالاكسى و نسينا بتاعة زمان

المشاركة الأصلية كتبت بواسطة TaoTao

"ومازال النيل يجري" كان بتاع فردوس عبد الحميد وهشام سليم ونجوم كتير كدة (كان مسلسل دعائي لتنظيم الأسرة) .. المسلسل بتاع هاشم ويسرية مش فاكر اسمه .. بس أكيد ماكانش "مازال النيل يجري"

فعلا المسلسل ما كانش اسمه و مازال النيل يجرى , انا اخدت حباية ذاكرة و عرفت ان اسمه كان "و عاد النهار"

وكان في مسلسل تاني كمان كان بيغني المقدمة بتاعته محمد باشا منير بتاع فريد شوقي و تقريبا صفية العمري اللي كان بيقول فيها "الورد كان شوك من عرق النبي فتح ماشاء الله و صلي علي النبي (عليه الصلاة و السلام)"انا فاكر ان فريد شوقي كان اسمه المسيري و اللي معاه كان اسمها نفيسة

و مسلسل تاني بتاع جزرج سيدهم كان اسمه في المسلسل علي صاروخ
و كان في مسلسل ليلة القبض علي فاطمة و مسلسل تاني كان مقدمته حد بيغني يقول يا ايوب البحر ...... رحت لحد الصخر و لا ناوي تتوب

ياااااه عارفين من كام يوم و انا ماشى في رشدي كان في محل بتاع كورونا و كان حاطط علب بسكوت غزاله بس للآسف ماكانش في وقت اروح اشتري للأسف

اي و الله يا اخي بس هو مين اللي كان بيقول انا اصلي مش فاكر اي حاجة عن المسلسل ده

المشاركة الأصلية كتبت بواسطة adhamsabry51

و كان في مسلسل ليلة القبض علي فاطمة و مسلسل تاني كان مقدمته حد بيغني يقول يا ايوب البحر ...... رحت لحد الصخر و لا ناوي تتوب

تصحيحين: مقدمة مسلسل لية القبض على فاطمة كنت بتقول:
بتغني لمين و لمين و لمين
بتغني لمين يا حماااااااااااام بتغني لمين يا حمام
و هنا ترد فردوس عبد الحميد و تقول:
يا ورد على فل و ياسمين..
يا عود ريحان زان البستان..
باغني للناس الحلوين
متجمعين أهل و خلاااااااااااااااااان..
يا سلام يا سلام.. يا سلاااااااااااااااام

أما كلمات الأغاني المذكورة فكانت لمسلسل اسمه أيوب البحر تقريبا.. و تصحيحا للكلمات فهي:
يا أيوب البحر مالك يا أيوب
راح تنحت في الصخر؟ و لا ناوي تتوب.

بس فعلا كانت أيام و ذكريات جميلة :)

يافند شاكرين الأفضال

بس علي فكرة انا مكنتش بتكلم علي مقدمة ليلة القبض علي فاطمة بس حقيقي ماشاء الله ذاكرة حديديه من الأعضاء المحترمين