تنتيش على السرعات العالية 120-140

ازيكوا يا مازداوية و سلام خاص للزوميين
امبارح و انا راجع من اسكندرية بالليل او بعد منتصف الليل
كان التنك فيه فوق نص التنك بنزين
قلت ياد خش مون Full Tank ,ما هو انت كدة كدة هتحط بنزين و انا بمون اساسا على ربه التنك
دخلت بنزينة موبيل اللى قبل البوابة و اللى هى المفروض انضفهم و فولت 92
و يا رتنى ما عملت كدة
تنتيش على السرعات لعالية 120-140
طول السكة ,تنتيش بسيط بس باين و واضح بياثر على السحب
و زاد الشوية رحت قارص عليها (حبيبتى الغالية) و كيك داون و سقطت نقلة
فى الحرق مفيش ,على 160-170 موجود بس مش باين اوى
انزل على 120-140
تنتيش تانى تانى تانى
و بعدين لمبت الCheck الصفراء قعدت تنور و تطفى متقطع لمدة نص دقيقة و بعد كدة تطفى و ترجع تانى تنور و تطفى و بعج كدة نزلت شوية بقى 110-120 وكنت قربت من البوابات
المهم اللمبة طفت خالص و منورتش تانى
مفيش تنتيش فى المشى العدى ولا الحرق و مجربتش صراحة اطلع تانى على 140
شارك معايا بخبرتك و جاوب على السؤال
هل السبب:

1. مياة فى البنزين
2. شوائب او (اسف وساخة) فى بوابة البنزين او الانجكشن
3. سبب تانى خالص

مع انى لسة عامل تنضيف للبوابة فى العالمية و كنت يومها حاطط كمان منظف الانجكشن وانا بمون بنزين مع انها الحمد للة مكانتش محتاجة اساسا

و عليكم السلام و رحمة الله و بركاته

الف سلامة عليك يا باشا و الحمد لله جت سليمة المره دى

انا اعتقد و الله اعلم ان كان فى مياه فى البنزين

الف سلامة عليك يا باشا و الحمد لله انها ما وقفتش على الطريق بس هيا فعلا يا مياة يا وساخة وربنا يسترها علينا

هو مش ممكن يكون ممزوج ب 80 شويه و بتحصل و يا باشا احسن بنزينه هيا الوطنيه بجد لا تقولى موبيل و حتى توتال كده و حصل مع واحد من رجاله فيات كده برضه

انت كنت مدور العربية وهو بيملى التنك
ممكن تكون فيه شوائب من التنك دخلت عالرشاشات

على فكرة احسن بنزينة هيا الامارات الى قبل موبيل على طول

اقتباس:

---

المشاركة الأصلية كتبت بواسطة Fadi Ezzat

على فكرة احسن بنزينة هيا الامارات الى قبل موبيل على طول

---

+ 1111111111111

رائعة جدااااااااا:verygood:

هيا ممكن تكون ميه
هو انا بصراحه مافيش كل البنزينات دى عندنا فى بنى سويف هيا بنزينه موبيل وبس :d

اكييييييييد 80 و الله اعلم

لا كنت مبطل
دى ناس متعرفش ربنا يخلطوا 92 ب 80!!!!
دى المياة ارحم :)))))))))))))

اكيد مياة لان فى واحد صاحبى كان راجه معايا من السفر واول مادخلنا مصر حط فل تنك وعملت معاه زى مانت بتقول والكمبيوتر بتاع العربية طلعلو رسايل خطأ
الله يسامحهم

بص كل سنة وانت طيب الاول طالما ان العيب ما كنش فى الطريق يبقى أكيد العيب فى البنزين

من غير تفكير طبعا العربية كانت ماشية زى الفل قبل التفويلة بعد ما فوت حصل الكلام ده يبقى أكيد المشكلة فى البنزين

طبعا لان البنزينة عليها ضغط قالك حط كله على كله مش هيحصل حاجة

بص يا باشا,
انا حصلت معايا نفس المشكله بظبط من غير اي اختلاف غير في حاجه هقولها دلوقتي.
لعد ما حطيت ب 20 جنيه بنزين 92 حصل معايا اللي بتقوله ده كله + ان العربيه لما كنت بدوس بنزين(مثلا 2 و نص rpm ) ال rpm بيطلع لحد 3 و ينزل تاني و مفيش عزم خالص,يعني الموتور بيطلع صوت و خلاص,و المشكله ده كانت عندي علي اي سرعه مش سرعات عاليه بس, و كمان تنتيش في السرعات العاليه من اول 100 110 تقريبا.

المهم رحت رايح لسمارت.
و قالولي هو الاكيد ان البنزين مخلط مع ميه,بس هنعمل كام تجربه كده عشان نحاول نتخلص منها من غير فك(هقوا فكو ايه) :

1. فول العربيه 95 و افضل طول التانك احرق عليها (حرااااااااام دي حبيبتي الغاليه ) و قفل العداد لو عرفت و فعلا طلعت طريق السخنه و جبت عدادها(200 بظبط) و برده مفيش نتيجه.
2.نفك التانك و ننزل البنزين كله و ننظف الرشاشات و نشوف ,,و هنا كانت الصاعقه!!البنزين نزل و في النص بقعه كبييييييره ميه !!!!,,,و برده مفيش نتيجه بعد مافولت 95 تاني !!!
3.الحل الخير اننا نغير طرمبه البنزين عشان اتاثرت و ضغطها ضعف ..

و غيرت فعلا الطرمبه و الحمد لله اتعدلت و رجعت زي الاول,,بعد عذاااااااااب,,بعد 4 ايام العربيه بايته معاهم و بيجربو فيها,بعد ما كشفو علي حساس الاكسجين,بعد ما فضلت احرق عليها تانك بحاله,,
حسبي الله و نعم الوكيل.

بلنسبه للتكلفه بقي:
1. تفويله 95 بتعمل 134 جنيه.
2. فك التانك و تنظيفه و تنظيف الرشاشات ب 350 جنيه.
3. طرمبه بنزين 4500 جنيه .


ربنا يستر و متكونش الطرمبه عندك حصل ليها حاجه,عشان كده اكشف علي العربيه باسرع ما يمكن عشان تاحق الطرمبه,

ان شاء الله عربيتك ترجع زي الاول.

تقبل مروري

انااا استنيت لما البنزيت قرب يشطب و رحت العالمية و حطوا العربية على الجهاز و الErorr

يانهار اسود طرمبة بنزين ب 4500 جنيه؟؟؟؟؟؟؟؟؟؟

ده المفروض نعمل نشرة باسماء محطات البنزين اللى بتحط مياه على البنزين لان كده خراب بيوت

ولا المفروض ان الوحد يدوق طعم البنزين الاول ولا ايه بالظبط حسبى الله ونعم الوكيل

كتييييير اوى
و الله ده كده بجد حرام 4500

انا ممكن اجيبلكم سعر احسن من كده بكتير

اقتباس:

---

المشاركة الأصلية كتبت بواسطة mazdamazda

انا ممكن اجيبلكم سعر احسن من كده بكتير

---

معاك يا ريس بس انت قولنا على الاسعار الجديدة

ده اكيد مياه مع البنزين
و سعر الطلمبه غالى جدااا استر يارب