طبعا انا موافق بس في مشكله ان الموضوع هيبقي سمك لبن تمر هندي يعني جميع المشاكل كهربا-ميكانيكا-عفشه...ومن فيكترا-كورسا-استرا..وموديلات وسعات لتريه مختلفه .
اللي هيسال سؤال مش هيلحق يستني اجابه هتلاقي سؤال من نوع مختلف وراه وبكده الموضوع مش هيبقي منظم في زي كده موضوع في قسم المتسوبيشي ومش لذيذ لانه مش منظم _ انا عندي فكره تانيه .....
نعمل موضوع خبري مش استفساري يدخل فيه كل عضو قابلته مشكله في عربيته يقول الاعراض ثم التشخيص والمشكله اخيرا اتحلت ازاي ؟ مع ذكر طبعا موديل السياره وتكلفه قطع الغيار وبكده يبقي الموضوع موسوعه للاعطال وحلولها .. واللي عنده مشكله اصلا نتناقش فيها بره الموضوع عادي علي نظامنا ولما تتحل يدخل يوثقها في الموضوع الجديد ..ايه رايكم ؟؟؟لو وافقتم زيزو يبدا يفتح الموضوع لانه هو صاحب الفكره الاساسيه واكيد الاداره هتثبته ان شاء الله وعلي فكره محدش عمل الفكره دي قبل كده في الاقسام المختلفه .والله ولي التوفيق .