طيب مفيش كشف سكانر يبين حالة البوبينة ولا ملهاش كود أعطال ممكن قياسة
عرض للطباعة
طيب مفيش كشف سكانر يبين حالة البوبينة ولا ملهاش كود أعطال ممكن قياسة
للاسف لا مش ممكن
الله ينور علينا وعليك يا رباقتباس:
انت جبت الخلاصة ................الله ينور
السلام عليكم ورحمه الله ..كل سنه ورجاله الدايو طيبين ...
بالاضافه للي اتقال احب اضيف ان لون الشرز الخارج من سلوك البوجيهات عند خلع طرف الكابل وتقريبه من ارضي الموتور بيحدد حاله الموبينه ..فلوكان الشرز لونه ازرق شفاف دل ذلك علي كفاءه الموبينه وان كان لونه احمر يبقي البقاء لله في الموبينه بدات تضعف .
على فكره أنا عجوز زيك ياحج : كريماقتباس:
عموما هدوا اللعب شوية و بلاش اى لفظ مستفز معلش لكلامى دا اعتبرونى اخوكم الكبير انا عندى تقريبا 50 سنة و انتو شباب و بتتلككوا على اى كلمة تولعوها حريقة طبعا انا عارف ان مهندس سمير هيفهم انى بتكلم علية اة فى جزئية ذاكر هى كلمة مستفزة بصراحة . ممكن تقولة راجع و ركز و اقرا تانى الموضوع و اى حاجة مش واضحة افهمهالك . فى الاول و الاخر احنا ولاد بلد و نخاف على بعض مش ناكل بعض . معلش سامحونى لكلامى . اخوكم الكبير كريم . و كل سنة و انتو طيبين
ومفيش فرق بين المذاكره ومراجعة المنهج
وقبل ماتقول على كلامى مسنفذ
راجع الموضوع كويس الأول
وشوف مين سبب أثارة الأمور
ولا نسيب كل واحد عاوز يفتى ....يفتى ويضلل الناس
وفى الآخر بيصر على أنه صح ....والمفروض اللى مش متأكد من معلومته
مايجادلش بأه
وأحنا داخلين المنتدى
نعلم ونتعلم ................
مش كده ولا أيه
تسمحولي اتدخل واشارك برأي معاكم(بعد اذنكم)
كل المنتدي بيشيد بالدور البارز اللي بتقدموه انتوا الاتنين
محمد الشامي شخص محترم جدا ومجتهد لاقصي الحدود وخدوم وفعلا لما يكون مش متاكد من حاجه بيكون صريح فيها وبيقول لما نستني راي باقي الزملاء ( ودي شفتها اكتر من مرة فيه واحترمته جدا بعدها)
المهندس سمير بارك الله لنا فيه فعلا راي شخص فاهم ودارس ..
ياريت يبقي صدرنا رحب اكتر من كده ...احنا اخوات لازم نلتمس لبعض العذر ونساعد بعض بشويييش شويه علشان الكلمه الطيبه تلين الحديد......رمضان كريم
ياحج : محمد
أنت مش واخد بالك منى أبدأ
أخوك ( العبد لله )
وبدون أى غرور ..........بيفهمها وهى طايره
وعارف كل واحد بيكتب كلمه ......ماذا يقصد من وراها
كأننا قاعدين جنب بعض وشايفيين بعض
( فضل من عند الله .....منحنى أياه )
وأنت عارف بأه حداقة المصريين وفهلوتهم
وبفضل الله تقدر تدينى أنا شخصيا ( أمتياز مع مرتبة الشرف ...أن أردت تقييمى فى جزئية الحداقه )
لأننى مصرى برضه .........والحمد لله
انا بشكر حضرتك والله على ذوقك
لو العضو الفاضل ركز مع كلامي ومشاركاتي , هيلاقي اني كنت بطلب منه الفهم بشكل ابسط ومفصل , مش كنت بجادل في حاجه غلط ومصر على انها صح , والدليل على كلامي اني تقبلت المعلومه الصحيحه من الاخ وليد وعصام بصدر رحب وبمنتهى المحبه والاحترام وبدون اي جدال , وانا معنديش اي مشكله على الاطلاق في اني اقول اني اخطأت
عالعموم انا مش ناوي ارد على العضو الفاضل تاني (بخصوص نفس الموضوع) , عشان مفسدش الموضوع لصاحبه
انا اعتذرت لصاحب الموضوع عن الخطأ والخروج عن سياق المشاركات وعرفت المعلومه بشكلها الصحيح من الاخوه الافاضل الكرام , وبكده انا مرتاح نفسياً ومبسوط والحمد لله
وبشكر حضرتك تاني على ذوقك وكلامك الطيب