ماهي أعراض تلف البوبينة للانوس؟؟؟؟؟؟ يارجالة الدايو..... وهل تظهر الاعراض وهي ساخنة ولا باردة
عرض للطباعة
ماهي أعراض تلف البوبينة للانوس؟؟؟؟؟؟ يارجالة الدايو..... وهل تظهر الاعراض وهي ساخنة ولا باردة
من اهم اعراض تلف البوبينه - على سبيل المثال وليس الحصر :-
1- حدوث نتشه (تنتيشه) أثناء السير على الغيارات
2- لما البوبينه تسخن العربيه بتفصل , ولما تبرد شويه العربيه تشتغل تاني عادي
3- حدوث شبه رجرجه او الموتور يتلت (زي ما بعض الناس بتسميها) وده نتيجه ان مخارج البوبينه مش بتطلع شرر مظبوط لكل البوجيهات
4- وجود بوجيه او اكتر غرقانين زيت وهما طالعين من المكنه , وده طبعا في حاله ان الاسلاك تكون سليمه , لان ده معناه ان البوبينه مش بتطلع شرر كهربي من المخرج الواصل بالبوجيه الغرقان
وفي طريقه لمعرفه اذا كانت البوبينه سليمه او لا
وهو انك تكون ماشي على الغيار التاني (مثلا) ومتشبعش الغيار وتنقل للتالت وتكبس بنزين مره واحده
لو العربيه نتشت فـ ده معناه ان البوبينه فيها تلف جزئي عالاقل
لو العربيه اتكتمت شويه (كعاده الدايو) وبعدها فتحت عالاخر فـ ده معناه ان البوبينه سليمه والحمد لله :-)
أيه العلاقه بين البوبينا وزيت على البوجيهات ..............؟اقتباس:
- وجود بوجيه او اكتر غرقانين زيت وهما طالعين من المكنه , وده طبعا في حاله ان الاسلاك تكون سليمه , لان ده معناه ان البوبينه مش بتطلع شرر كهربي من المخرج الواصل بالبوجيه الغرقان
أما بسبب خلل فى كفاءة الشنابر على القيام بعملية الحبك كاملة
أو بسبب كسر فجائى لأحد شنابر الزيت لأى غرفه من الغرف الأربعه
أو بسبب تلف كاوتش الصباب
غير كده .............لايوجد أسباب أخرى
هات الموضوع كله
وذاكره وركز معاه كويس
لأن أنا عارف بأقول أيه
وبالفعل قمت بالأفطار ومركز كويس
وحتى وأنا صايم
مبخرفش
---------------------------
إنذار للعضو لمخالفته القاعدة رقم 13 فى المشاركات 8 ، 14 ، 22
ل ف م
طيب ممكن شرح مبسط لحاله البوجيه في حاله انقطاع الشراره الكهربيه عنه ؟؟
شكله , اداءه , تأثيره على العربيه ؟
ياباشا البوجيه لما بيبقى غرقان زيت من عند منطقة الشراره
بتتقفل الثغره الهوائيه بالملوثات الزيتيه
ومن هنا لاتنطلق الشراره
بس الكهرباء موجوده بالفعل على نهاية الألكترود الموجب للبوجيه
ولكنها لا تستطيع أختراق الثغره الزيتيه وكسر جهد العزل الكهربى لها
لكى يتم أنتاج شراره بين الألكترود الموجب والألكترود السالب
أذا هناك كهرباء ذات جهد عالى على نهاية القطب المحورى للبوجيه ( الألكترود الموجب )
ولكن لايوجد شراره ( بسبب قفل الزيت للثغره الهوائيه بين القطبين )
يعني لو فرضنا ان البوجيه مش واصله كهرباء من البوبينه اصلا هتكون حالته ايه ؟
أحنا رايحين كده فى سكه تانيه
ونقطة الخلاف واضحه
أشمعنى أنت بالذاتاقتباس:
عالاقل بلاش معايا انا
وعلى فكره أنا بأرد على أقتباسك لكلام من أحد ردودى
وعاوز تقوللى فيما معناه
مش ده كلامك ....يعنى أنا بأقول كلام فى المواضيع ( متناقض مع بعضه )
وغير أمين فى ردودى .....لأنها لاتحمل نفس الصبغه ( من جهة الأمانه العلميه )
وأنت مش فاهم مغزى الموضوع اللى أنت جايب منه الكلام
فشىء طبيعى أأقولك
ذاكر الموضوع كويس
والمذاكره حلوه مش وحشه
أنا مببطلش مذاكره ............نايم صاحى
:E_braces[1]:
صلوا علي رسول الله وزيدوه كمان صلاة
من اهم اعراض تلف البوبينه - على سبيل المثال وليس الحصر :-
1- حدوث نتشه (تنتيشه) أثناء السير على الغيارات
2- لما البوبينه تسخن العربيه بتفصل , ولما تبرد شويه العربيه تشتغل تاني عادي
3- حدوث شبه رجرجه او الموتور يتلت (زي ما بعض الناس بتسميها) وده نتيجه ان مخارج البوبينه مش بتطلع شرر مظبوط لكل البوجيهات
4- وجود بوجيه او اكتر غرقانين زيت وهما طالعين من المكنه , وده طبعا في حاله ان الاسلاك تكون سليمه , لان ده معناه ان البوبينه مش بتطلع شرر كهربي من المخرج الواصل بالبوجيه الغرقان
وفي طريقه لمعرفه اذا كانت البوبينه سليمه او لا
وهو انك تكون ماشي على الغيار التاني (مثلا) ومتشبعش الغيار وتنقل للتالت وتكبس بنزين مره واحده
لو العربيه نتشت فـ ده معناه ان البوبينه فيها تلف جزئي عالاقل
لو العربيه اتكتمت شويه (كعاده الدايو) وبعدها فتحت عالاخر فـ ده معناه ان البوبينه سليمه والحمد لله :-).....................شكرااااااااااا ا يا باشا علي المعلومات القيمة بس انا ليه تصحيح للنقطة رقم (4) ان البوجيه يطلع غرقان زيت في حالة المكنة ال شنبرها وبستمها خفيف(مفوته يعني)
شكرا يا استاذ وليد على التوضيح بالطريقه المهذبه واللائقه بمستوى الحديث , جزاك الله كل خير لانك اضفت معلومه لصاحب الموضوع و لاني كمان استفدت منك ومن تصحيح المعلومه
لكن كان نفسي اعرف اجابه عشان استفيد منك اكتر , لو امكن يعني :-)
طيب انا عندى لما بشوف سلك البوجيهات بلاقى الاول والتانى شرارة كويسة اوى
والتالت ضعيفة جدا وساعات لازم اقرب جدا جدا من السلك علشان يعمل شرز وساعات بيبقى كويس بس مش اوى
والسلك الرابع بيعمل شرز كويس جدا زى الاول والتانى
كده يبقى البوبينة بداة تبوظ ولا ممكن يكون فى حاجة تانية
على فكره ده اللى عيب عليك فى تلميحاتك اللى ملهاش لازمهاقتباس:
شكرا يا استاذ وليد على التوضيح بالطريقه المهذبه واللائقه بمستوى الحديث , جزاك الله كل خير لانك اضفت معلومه لصاحب الموضوع و لاني كمان استفدت منك ومن تصحيح المعلومه
ولو تفتكر
أن قولتلك .............ذاكر كويس
لأن الأخ : وليد
هو نفسه صاحب الموضوع
يعنى واضح أنك
بتقول كلام وأنت مش مركز
ومع عدم التركيز
بيحصل حاجات مش كويسه
والأنسان بيطلع أى كلام
:rfds:
أنت تأمرنى يامحمد باشااقتباس:
و طبعا شكرا للاستاذ سمير اللي لفت نظري لحكايه اني مش مركز , برافو والله :-)
عليك بالمذاكره
وأنا أراجع وراك
:36_3_10[1]:
استاذ وليد اتمنى ان حضرتك تتقبل اعتذاري لو كان في بعض المشاركات اخدت اتجاه بعيد عن موضوعك الاصلي , واتمنى تكون الامور وضحت الى حد ما
وتقبل خالص تحياتي :-)
متابع باهتمام اراء الخبراء
بالنسبة لاستفسار الاخ محمد الشامى . لو مثلا بوجية قاطع سواء من السلك او من البوبينة المفترض انك لما تفكة تلاقية معرق بنزين بسسسسسسسسسسسسسسسس . اما لو فكيتة و لقيتة معرق زيت او حارق زيت يبقى فى غلط فى السلندر دا . ممكن يكون كاوتش صباب مهرب زيت ممكن شنبر زيت ضعيف لان وظيفة البوجية حرق بنزين مش زيت
و اعتقد مهندس سمير يوافقنى فى الرأى
عموما هدوا اللعب شوية و بلاش اى لفظ مستفز معلش لكلامى دا اعتبرونى اخوكم الكبير انا عندى تقريبا 50 سنة و انتو شباب و بتتلككوا على اى كلمة تولعوها حريقة طبعا انا عارف ان مهندس سمير هيفهم انى بتكلم علية اة فى جزئية ذاكر هى كلمة مستفزة بصراحة . ممكن تقولة راجع و ركز و اقرا تانى الموضوع و اى حاجة مش واضحة افهمهالك . فى الاول و الاخر احنا ولاد بلد و نخاف على بعض مش ناكل بعض . معلش سامحونى لكلامى . اخوكم الكبير كريم . و كل سنة و انتو طيبين
بسم الله
قبل ما نقول الموبينه سليمه او بايظه
لازم نعمل الآتى
1 نركب طقم بوجيهات جديد خاص بالعربيه و نظبط الخلوص بتاعه صح حسب زبطة المصنع
2 طقم سلوك بوجيهات جديد
بعد كده
نلف ايدينا بفوطه ونخلع سلوك البوجيهات من ناحية الموبينه والعربيه دايره سلك سلك ونبص على الشراره اللى خارجه من كل واحد قد ايه يعنى بيوصل لحد فين لما نقرب السلك من الموبينه
تمام كده
لو لاقينا سللك او اكتر شرارته ضعيفه عن الباقيين بطريقه ملحوظه يبقى كده الموبينه بتودع
ولازم تتغير فى اقرب فرصه ( لانها بتعمل خلل كبير فى الموتور , زياده استهلاك بنزين , هدر كبير فى قوة الموتور , خلل فى القوه الواقعه على البيلات وعمود الكرنك ودى اكبر مشكله )
طيب انا قلت نغير بوجيهات و سلوك البوجيهات اول ليه ؟
لسببين
الاول
لان كل من البوجيهات ( لو فيها بوجيه رديئ او بايظ ) و سلوك البوجيهات ( لو فيها سلك مقطوع ) بتدى نفس اعراض تلف الموبينه
ده بجانب ان لو فى سلك او بوجيه بايظين بيوصلوا لتلف الموبينه
التانى
ان سعر طقم السلوك 40 جنيه + طقم البوجيهات 40 = 80
اوفر من انى اشترى موبينه ب 500 جنيه ومفيهاش رجوع
ده غير انك لما تغير موبينه جديده اكيد بتغير السلوك والبوجيهات
كده وضحت
بالنسبه للسؤال
لو بوجيه مش واصله كهرباء هيبقى ايه شكله ؟
ولا حاجه
هيبقى نضيف ومفيش عليه اى آثار حريق بالمره
انما مش هيبقى عليه زيت لانه هيجيبه منين
الكلام ده وارد فى المواتير الثنائى الاشواط اللى بيتخلطلها زيت على بنزين ( زى موتور الفيسبا القديمه مثلاٌ )
انما مواتير رباعى الاشواط لآ.
( لو لاقيت عندك اى بوجيه عليه زيت يبقى ( جوان ضارب , او شميز متأكل , او جلد صباب بيهرب او بستم خفيف عايز شمبر) وتبقى المكنه عايزه عمره )
وبرده مش هتلاقيه معرق بنزين
لان البنزين سريع التطاير واللى بيجى على البوجيه رزاز ميبلوش ابداٌ
( لو لاقيت البوجيه مبلول بنزين يبقى عندك رشاش بيسيل بايظ يعنى )
( قضى الامر الذى فيه تستفتيان )
+1 كلام سليم
و لكنى اختلف بعض الشئ فى موضوع مش هتلاقى البوجية معرق . لية مع استمرار تشغيل المحرك تتشبع الغرفة بالبنزين طبعا بيخرج بس على الاقل هتلاقى البوجية ريحتة نفادة بنزين مش هيخر فى ايدك بنزين يعنى طبعا
الاستاذ/ عصام غنايم ابو فارس من زمان وان بقول انك ماشي في طريق الخبراء م/ممدوح وم/سمير... وربنا يزيدك علما...تسلم ايديك
لا اله الا الله يا شباب
والله كلامك زي الفل يا استاذ عصام :-) جزاك الله كل خير , ومتألق دايما كعادتك
بالتوفيق ياصديقي ان شاء الله :-)
يعنى إية بيوصل لحد فين أن خلعت السلك وقربتة مسافة سنتية من البوبية وملاحظتش أى شرارة ولكن الميكانيكى كان بيجيب سلك خارجى ويوصلة فى فتحات البوبينة وطرفة الثانى فى الموتور ويشوف الشرز الطالع
أرجو الرد لان عندى تقريبا مشكلة فى المكنة ومشعارف هى فى الرشاشات ولا البوبينة وهى أن المكنىة البستم رقم 2-3 مبيحرقوش كويس بمعنى ساعات تبقى العربية تمام وساعات تقلب وتبقى بستمين شغالين وبستمين لا والعادم والموتور يبقوا ريحتهم بنزين مش محروق ودايما البوجيهات فى البستمين 2-3 مهببين على طول خلاف 1- 4 ودى حاجة مضايقانى خصوصا أن الميكانيكية كل واحد بكلمتة ومش راسيين وأنا كان ليا موضوع قبل كدا ومرستش على بر
وشكرا للرد الجميل
وصلوا على النبى يا جماعة رمضان كريم والله أكرم ومش أحنا النزعل من بعضنا على حاجات صغيرة أحنا اكبر من كدا بكتير
يعنى المفروض ان من طرف السلك الى اقرب مكان لفيشة الموبينه تحصل شراره لمسافة 5 سم فى المتوسطاقتباس:
يعنى إية بيوصل لحد فين أن خلعت السلك وقربتة مسافة سنتية من البوبية وملاحظتش أى شرارة ولكن الميكانيكى كان بيجيب سلك خارجى ويوصلة فى فتحات البوبينة وطرفة الثانى فى الموتور ويشوف الشرز الطالع
أرجو الرد لان عندى تقريبا مشكلة فى المكنة ومشعارف هى فى الرشاشات ولا البوبينة وهى أن المكنىة البستم رقم 2-3 مبيحرقوش كويس بمعنى ساعات تبقى العربية تمام وساعات تقلب وتبقى بستمين شغالين وبستمين لا والعادم والموتور يبقوا ريحتهم بنزين مش محروق ودايما البوجيهات فى البستمين 2-3 مهببين على طول خلاف 1- 4 ودى حاجة مضايقانى خصوصا أن الميكانيكية كل واحد بكلمتة ومش راسيين وأنا كان ليا موضوع قبل كدا ومرستش على بر
وشكرا للرد الجميل
ولو مش بتقدر تشوف الشرز ولا تسمع صوته جرب فى مكان مظلم شويه وانت تشوف الشراره وهى بتتنقل بين الطرفين فى الهواء زى البرق فى السماء بالظبط
لو معندكش كده يبقى الموبينه بتودع
انا مشفتش الوضع عندك بالظبط ولاكن من خلال كلامك ( خلعت السلك وقربتة مسافة سنتية من البوبية وملاحظتش أى شرارة ,, البستمين 2-3 مهببين على طول ) اقدر اقوللك ان عندك نصف موبينه طاير او بيشاور عقله
وغالباٌ
العيب اللى بيروح ويجى بيبقى عيب كهربى لان العيب الميكانيكى لو جه ميروحش الا بأصلاح الجزء المعيب او تغييره
وبرده ميمنعش انك تتمم على سلوك البوجيهات والبوجيهات الاول وبرده تروح لاى حد عنده تنضيف رشاشات يبصلك على رشاشاتك بتسيل ولا لآ
وأهى نضافه ومش هتخسر حاجه
انت جبت الخلاصة ................الله ينوراقتباس:
العيب اللى بيروح ويجى بيبقى عيب كهربى لان العيب الميكانيكى لو جه ميروحش الا بأصلاح الجزء المعيب او تغييره