اسكورت مطلعى عينى

**drkia** · 18-08-2010 10:14 PM

السلام عليكم ورحمه الله وبركاته

ان بشكر كل اعضاء المنتدى على تعاونهم مع بعض فى سبيل نفع الجميع
مش هطول عليكو
عندى عربيه اسكورت موديل 99 1600 سس بس المتور مش زيتك العربيه دى كنت شاريها من واحد فى الجيش عندى مشكله بئلها فتره كبيره ومش عارف اصلحا ان العربيه بتسجن جداااااا وساعات وانا ماشى ئلا العربيه بتعلا جداا بدون اى مبرر
فلو سمحت لو حد فيكو ممكن يسعدنى يبئا مشكور جدااا لانها مطلعا عينى والعربيه مع التكيف بتعلى برده ومش بتهدى
وعلى فكره دى اول موضوع لا فى المنتدى ويارب امى تكون دعيالى مع اجابه شافيه

**egytamer** · 19-08-2010 12:14 PM

حضرتك المشكلة انها مش موجودة كتير بس شوف الحاجات العامة الي بتسخن اي عربية يعني اتاكد ان ترموستات تسخين المية متشال ونضف الردياتير واتاكد انو سليم ومش مخروم هوا وديرة المياة ونضف سربنتينة التكيف
والله الموفق

**mostafa_aziz** · 19-08-2010 02:45 PM

على فكرة انا كانت معايا العربية بردو بتسخن جامد وخليتنى فكرت ابيعا عشان اخلص منها بس قبل مبيعها رحت منضف الريداتير ودورة التبريد ظبطت وبقت تمام

**aYaBooY** · 19-08-2010 03:02 PM

الاخ صاحب الموضوع
الريدياتير عندك نحاس ولا بتاع العربية
ايه الشغل الي عملتة في العربية علشان السخونة
ايه اخبار جوان وش السلندر ( المياه بتنقص بكمية قد ايه و استهلاك البنزين ايه نظامة )
الحالة العامة للموتور بتاعك ايه ( خفيف كويس جيد جدا )
الترموستات الداخلي موجود ولا متشال
المروحة بتاعت العربية ولا متوفق لها مروحة و بتشتغل سرعتين مع التكييف ولا لا
ارجو الاجابة و بعدين نشوف