الموضوع: محتاج دعواتكم لحد يوم السبت

المشاركة الأصلية كتبت بواسطة yoko

أنا كنت عند الدكتور النهارده بسبب مشكله في ظهري بقالها أكتر من شهر وكنت مطنش
فكشف عليا وعملت أشعة على ظهري لقى فقرتين إحتمال كبير يكونوا ضاغطين على الدسك (ومش باين سوء الحالة إيه) فهعمل رنين مغناطيسي يوم السبت أو الأحد بالكتير فياريت كل الناس تدعيلي إنها تكون حاجة بسيطة

شفاك الله وعافاك يا أحمد
لا بأس طهور إن شاء الله

المشاركة الأصلية كتبت بواسطة shnory

الف سلامه عليك يا يوكو
بص
كان واحد صاحبي عنده نفس الموضوع ولف علي الدكاتره واتفرم علاج طبيعي
واخدله بتاع 1000 حقنه
وواحد قاله علي ناس بتعالج الموضوع ده لوجه الله
بطريقه من طرق الطب الشعبي
راحله مره ورجع من عنده زي الفل
لو تحب ابقي اشوفلك العنوان فين
بس الموضوع حيحتاج سفر جوه مصر
لان الراجل اللي بيروحله بياخد 5 حالات رجاله في اليوم و5 ستات
وطريقه العلاج بدائيه عن طريق حته خشبه
بيفرد بيها الفقرات
وعلي فكره الي راح راجل محترم جدا وكلامه انا اثق فيه

فعلا يا شنوري الراجل ده فعلا مكانه في محافظة المنوفية منطقة اسمها سنتريس-قرية ابو شعرة وبيشتغل هو واولادة في الموضوع ده وبياخذ ثمن بسيط في الجلسة ولكل مريض حوالي 5 جلسات وممكن اقل وبيعالج بالطرق البدائية فعلا (بالخشبة).
انا لما قرأت ردك كلمت واحد زميل لينا في العمل بيروح له كثير بيعرض علية حالات اصحابه واقاربه وفي ناس غير مصريين بيستغلوا وجودهم في مصر وبيروحوا له.
مواعيد عملة في الأيام العادية من 7ص - 3 عصرا وممكن يستقبل اكر من 30 حالة في اليوم والناس بتروح بدري تحجز.
وكثير من الناس بتشكر فيه جدا وربنا يبارك فيه.
هو راجل محترم ونحسبه على خير وهو مش طبيب لكنه كان يعمل في جنوب إفريقيا واتعلم الموضوع ده من زمان وعلم اولاده ودخلهم علاج طبيعي .


انا نقلت الكلام ده للإفادة من واحد بيتعامل معاه وبالمناسبة الراجل المعالج ده (لأنه مش طبيب) اسمه محمود كمال.