-
اليوم كان اولا مرة
اليوم كان اولا مرة اسوق مكنه هوندا استيد 400 ودى كانت البدايه وعندى شوية ملاحظات
1- المكنه ثقيله فعلان
2- الجدون ثقيل جدا وبيروح شمال ويمين بس بعد ربع ساعه عرفت ظبط يدى عليه
3- كنت خائف ادوس الناس وهى بتمشى ومع انهم ناس قليله الا كنت حاسس انهم كتتتير
4- تفتكور الوحد عيتعلم السوقه فى وقت قرب ولا بعد
5- العنده اى حاجه تسعدنى فى الليله دى يقلى علاشان اخوكم حسيس انى لايص
ادعو لى ربنا يعديه على خير ومموتش اى احد وانا بتعلم
-
واحدة واحدة كلة هيبقي تمام مع الوقت ان شاء الله
السواقة تعود و كمان لازم تاخد علي الموتسيكل اللى انت سايقة
وكل الناس بتحصلها كدة
لو عندك مكان فاضي تمشي فية كل يوم ساعة مثلا هيساعدك كتير في انك تتعلم امتي تمشي و ازاي توقف وتلف وكل دة علي رواقة و علي مهلك من غير ما تشيل هم الناس و العربيات و بكده تركيزك هيكون في تعلم قيادة الموتسيكل دة
وربنا يستر علينا جميعا
-
مبروك
افرد ظهرك رجع كتافك لورا خلى الذراعين مرخيين وانت نفسك تكون مسترخي الاعصاب مش مشدود وبص امامك اثناء المشى وفى المرايات وعند التقاطعات بص حواليك وماتزودش السرعة لغاية ماتاخد على البايك وخلى بالك انا لسه عارف ان ال400 33 حصان وال600 39 حصان يعنى انت معاك بايك شديد لايستهان بيه صح خليك فى شوارع فاضية مع نفسك لغاية ما تاخد عليها وربنا يوفقك ويسترها معانا ومعاك
-
انتا هتلاقى نفسك فى خلال يومين اضبط عليها لوحدك
-
كل حاجه هتيجي معاك واحده واحده وهتلاقي نفسك متعود عليها ومع الوقت هتلاقي نفسك زهقت منها وعايز تجيب حاجه اعلي عشان تشد معاك انا مش بحبطك في البايك والله ولا حاجه بس هتلاقي نفسك انك تعلي في الموديل والسي سي مع الوقت لانك هتحس ان البايك وقفت عند امكانيات معينه انا برضه كده اول ما قولت ياركوب ركبت 900 cbr وبعدين خوفت منها جداااااا وجاتلي فيها بيعه كويسه ونزلت ل 400 بقالها معايا 2 شهور وهمشيها اهو ان شاء الله عشان بخلص في 1000 ربنا يسترها عليك وعلي اقل من مهلك اوي لحد ما تتمكن باذن الله
-
شكرا لكل بجد رفعتو عزيمتى عرفين يجماعه بجد احساس غريب انى راكب وحش وبحاول اسيطر عليه
-
ربنا يستر عليك من شر الطريق
-
اليوم تحركت بابيك من الحى العاشر الطريق الدائرى الى المريوطية بداية شارع الهرم على 80 الى 90 سرعة متهور عارف بس كانت تجربة جميله لى ثانى مرة اركب فيه البايك
لى سؤال لماذا السواقه فى طريق طولى اسهل من التحرك فى الشوارع الدخلية الخالية من المارة بخلاف العربيات التى تقف على الجانيين
-
الف مبروك وربنا يسترها معاك ومع الجميع والسواقه بتبقي اسهل في الطريق الطوالي علشان تركيزك بيكون كله في السواقه وبالاخص لما يكون الطريق فاضي بخلاف الشوارع الداخليه بيكون تركيزك مشتت مابين حد يطلعلك فجأه او تركيزك في اللفات او تركيزك في الدبرياج وكذلك التبديل بين الغيارات كل دي اسباب هتخلي السواقه مقرفه بالنسبالك وكمان مش انته بس انا كمان بكون قرفان من الشوارع الداخليه وحاول في البدايه تشوف شوارع هاديه علي قدر الامكان وتكون طويله لغايه ماتتعود علي الماكينه واخيرا ربنا يسترها معاك ومع الجميع
-
انا اول ما اتعلمت سواقة ركبت موتسيكل صيني مرة واحدة بس وبعدين سوقت الجاوا تي وان وبعدها اشتريت الجاوا 350 سي سيوقعدت معايا سنتين وجمد قلبك وماتخفش وربنا يستر طريقك
Content Relevant URLs by
vBSEO 3.6.0 PL2