المشاركة الأصلية كتبت بواسطة islambana
ياجماعه الراجل مقالش ان عربيته بتسخن او ان عربيته بتعطل او الكلام ده الراجل بيتكلم عن الاوبل بصفه عامه والدليل علي كلامه حد يعمل الاتي ويجي يقول الجواب بكل صراحه
1- بص بصه في منتدي الاوبل كده وعد عدد المشاكل اللي موجوده من اسبوع يعني بالعربي عدد المشاكل اللي حصلت في عربيات الاعضاء اللي معانا من الاسبوع اللي فات بس وبص في كل موضوع وشوف هل المشكله اتحلت ولا لسه عمالين نفكر مع بعض في حلول
2-خش اي قسم تاني وليكن هيونداي مثلا او ميتسوبيشي او بيجو اونيسان
وشوف عدد المشاكل اللي حصلت في عربيات اعضاء الاقسام دي من شهر فات وشوف هل فيها حاجه لسه ما اتحلتش اغلب المشاكل بتتحل في ساعتها (حلولها معروفه )(سخونه ,,,,,سلك ردياتير ) لكن في الاوبل(بص ع الردياتير-طرمبه المياه-الشكمان -........الخ ) مبروك عربيتك لسه بتسخن
شوف بقي عدد العربيات الاوبل اللي ماشيه في الشارع كام وعدد العربيات ال(هيونداي مثلا) وكميه الاعطال اللي هنا قد ايه واللي هناك قد ايه وانت تعرف الفرق
اللمقصود من الحكايه دي انك تعرف ان مشاكل العربيه الاوبل (المشاكل عامه ) ومحدش يقنعني ان المشاكل اللي قال عليها مصطفي سرور دي كلها في عربيته امال ازاي ماشيه ييه او ازاي هو صابر عليها فوق ال 5 سنين لحد دلوقتي المقصود ان الاوبل مش عربيه بالاعتماديه المطلوبه
ملحوظات:-
انا ماقولتش الاوبل عربيه وحشه بالعكس الاوبل عربيه ركوبه بس كل واحد يشوف احتياجاته عندك استعدداد تتمتع بركوبه بس تصرف ولما العربيه تعطل تلف علي صنايعيه وتوكيلات لغايه ما مشكلتك تتحل ربنا يباركلك
لكن في ناس بتدور علي راحه البال يعني مايهماش ركوبه ولا برستيج قد مايهمها ان العربيه تبقي سهله في الصيانه وكده
2- انا عندي فيكترا سي دي اكس ومش ناوي ابيعها غير لما الاقي حاجه ارتاح فيها وللأسف مش لاقي غربيه ركوبه زييها
3- اول ما اشتريت عربيتي كشفت عليها في التوكيل (اخوان مقار وعامل موضوع بكده وكاتب فيه التقرير )وكان اخر صيانه قبل ما اخدها معموله في مقار برضه وبشهاده المهندس اللي هناك قالي العربيه دي زيرو وفي نفس الوقت اشتريت عربيه لانوس 2000 وكشفت عليها بنفسي بدون توكيلات والاتني نفس الحاله والاتنين بستخدمهم نفس الاستخدام (علشان محدش يقول عيب استخدام ) لكن الاوبل بسم الله ماشاء الله عرفتني علي كل انواع الصنايعيه وشوفت الفاهم واللي مش فاهم واللي واخدها بالبركه لكن الدايو الحمد لله مروحتش بيها يوم لكهربائي مثلا او اضطريت اسافر بيها يوم لصنايعي في بلد تانيه علشان اشخص عطل مش اصلحه
ده رأيي بدوت تحيز او مجاملات وبعدين في الاخر المثل بيقول
لولا اختلاف الازواق لبارت السلع
وبعدين علشان لما يجي حد يشتري يبقي عارف اللي ليه واللي عليه وايه اللي هيريحه وايه اللي هيتعبه وايه مميزات وعيوب كل عربيه
3- الكلام اللي فات كله بناء عن تجارب شخصيه لعربيتي وعربيات اصحابي وعربيات ناس ماعرفهاش بتقابلني في الشارع او البنزينه او صدفه ونفتح كلام عن الاوبل مع بعض
وانا مش هستفيد حاجه لما حد يشتري اوبل او لما حد يبيع