استفسار هام بخصوص عطل فى موبايل ( عطل touch screen )
انا معايا سامسونج ستار , دلوقتى بقاله معايا 8 شهور بدون اى مشاكل
النهارده فجأة رجعت من برا وبستعمله لقيت الشاشة مش بتستقبل اى ادخالات نهائى مما يعنى ان التاتش طبعا مش شغال
جربت انى اطفيه واشغله تانى يمكن العيب يكون سوفت وير وبالفعل الشاشة اشتغلت يادوب دخلت كلمه السر وفتح وبعدين فصلت تانى , قولت اطفيه مره كمان واشيل البطارية يبقى هو اكيد عيب سوفت وهيتظبط لكن المرة دى بقا حلف براس ابوه ما يستجيب لأى ادخال على الشاشة
انا بكرة ان شاء الله هروح اشوف الموضوع فى الضمان , بس عايز اعرف هل تغيير التاتش سكرين هيتطلب تركيب سوفت جديد ؟
لأن ارقامى ومواعيدى وبلاوى كتير مهمه جداااااااا على الموبايل ومخدتش منها ولا Backup من ساعة ما اشتريته للأسف وحتى دلوقتى لما اشتغل كنت مستهتر بالعيب وقولت اكيد لما اقفله وافتحه تانى هيروح ومجاش فى دماغى اوصله اخد منه الارقام
ولو كان العيب هيتطلب تغيير سوفت هل فى طريقه للتعامل مع التليفون لسحب Backup منه وهو مقفول بكلمه سر كدا ؟؟
افيدونى افادكم الله !!