شيفرولية كابتيفا ام جيب رانجلر 4 ابواب الجديدة

**mummy_47** · 19-08-2010 10:50 AM

ايهما افضل من حيث الاستهلاك وتوافر قطع الغيار ,والمصروف الشهري في متوسط 100 كيلو يوميا..مع الاخذ في الاعتبار ان الاسعار هي 245 الف و 265 للجيب والكابتيفا على التوالي..وان الجيب من فئة الاس يو في الكبيرة والكابتيفا من فئة الاس يو في المتوسطة..

انا شايف ان الكابتيفا شكلها احلى ومصروفها اقل ..لكن الجيب اقوى جدا ومش هتشيل هم ان عيل خبطها او عجلة حكت فيها او حتى عربية تانية خبطت الاكصدام بتاعها...لكن استهلاك البنزين العالي وغلو قطع الغيار والمصروف الذي اعتقد انه لن يقل عن 1500 ج شهريا من اكبر عيوبها ..اعتقد ان الكابتيفا تكسب في التقطة ديه..
يعني لو انا فرضا معايا 100 الف او 150 الف اجيب كابتيفا زيرو ام رانجلر زيرو بالقسط طبعا او اجيب SUV ياجيرو مو 2002 او 2005 لو في تقسيط للمستعمل ...
ولو في معارض تقسيط المستعمل ممكن حد يقولنا عليها..

مع خالص الشكر

**yascro** · 20-08-2010 02:41 AM

جيب رانجلير واشترى دماغك

**yasserit** · 20-08-2010 07:01 AM

طبعا رانجلر و من غير كلام و دا عن تجربة لانها معايا و لو عايز اي استفسارات او تسأل عن اي حاجه فيها انا معاك و ابعتلي على الخاص وانا ابعتلك نمرتي لو عايز

**MaZaGAngeE** · 20-08-2010 08:03 AM

رانجلير أفضل
الجيب جيب

**Adham** · 20-08-2010 03:52 PM

يتوقف على استخدام حضرتك و مقدرتك عالمصاريف الشهرية من حيث البنزين و الصيانة

الرانجلر عفشتها قاسية (ناشفة) (تتحمل الطرق الجبلية و الصخرية) , عالاسفلت مش مريحه بالطبع زي الباجيرو و لا الكابتيفا لكنها تتفوق في المتانة عن الاثنين
و استهلاكها في قطع الغيار مكلف لان قطع غيارها غالية و كذلك استهلاك البنزين عالي

الكبتيفا ايضا استهلاكها لقطع الغيار مكلف لكنها اوفر الثلاث اختيارات في استهلاك البنزين لانها موتور 4 سلندر متوسط السعه 2400 سي سي
و ايضا اكثر نعومة و راحه و شكل انسيابي لكنها ليست بمتانة الرانجلر و لا الباجيرو بالطبع لكنها كسيارة City Car افضل الاثنين

الباجيرو " المستعمل" مكلفة في استهلاك البنزين لكن قطع غيارها (برغم غلوها) اكثر توفرا في السوق و ارخص من الاختيارين الأخرين التين لن تجد قطع غيارهما في معظمهما الا في التوكيل و اسعارها غالية
و هي من ناحية الاتساع و الراحه و الفخامه رائعه و Off Road و تتفوق عالاثنين في رمال الصحراء على ما اعتقد في ذلك

و الله تعالى اعلى و أعلم

**eng.m7md.ali** · 20-08-2010 04:58 PM

انا جربت الرانجلر ايام معرض اوتو مالك
بصراحة كانت تجربة هايلة جدا بس المشكلة هيا قطع الغيار
وبالنسبة لا ستهلاك البنزين الكابتيفا اقل بشوية علشان 6 سليندر

**KHALED AYMAN** · 20-08-2010 05:02 PM

رانجلر ..وابعد عن منصور و غنيله

**yasserit** · 20-08-2010 05:05 PM

السيد العضو الفاضل برجاء مراجعة معلوماتك بدقة قبل الكتابة و ان يكون تقييمك عن تجربة حيث ان عفشة الرانجلر ليست قاسية لهذة الدرجة و ايضا مريحة على الاسفلت و طرق السفر و ليست كالموديلات السابقة و قطع غيارها مش غالية قوي زي ما بتقول و تقريبا زي الكابتيفا و متوفرة ايضا خارج التوكيل و تتفوق ايضا على الباجيرو في الاوف رود وايضا هناك معلومة خاطئة بالنسبة للكابتيفا انها ٦ سلندر ٣٢٠٠ سي سي و ليست ٤ سلندر ٢٤٠٠ ....لذا لزم التنويه.

**ashouhdy** · 20-08-2010 05:09 PM

طبعا ............. الكابتيفا ! حاسس ان الرانجلر دى اللى فى مصر مش هى الرانجلر بتاعت زمان مش عارف لية مش بلعها !

الكابتيفا ناعمة واسعة اوفر مريحة فخمة كماليات اعلى

الرانجلر (موديل قبل2010 معرفش اية نظام الجديدة) اقوى انشف والرانجلر عربية صحراء بجد مش مدينة مش عارف بيبيعوها لية فى اسكندرية والقاهرة والكلام دة يعنى اخرة اللى حيجبها ودول 98% منهم حيطلع عجلتين فوق الرصيف فى الباركينج بتاع كارفور !

الموضوع: شيفرولية كابتيفا ام جيب رانجلر 4 ابواب الجديدة

LinkBack

أدوات الموضوع

عرض

-

-

-

-

المواضيع المتشابهه

جيب رانجلر 2012 الجديدة ...

عروض ترويجية خاصة على شيفرولية كابتيفا خلال فترة معرض أوتوماك

حصرى من "جينزكار" صور فرش شيفرولية (أوبترا-كابتيفا-كروز-افيو)

رانجلر الجديدة - شيروكي 2009 - x3 2008 واخيرا كابتيفا ؟!

اي معلومة عن شيفرولية كابتيفا الجديدة

الكلمات الدلالية لهذا الموضوع

المفضلات

المفضلات

ضوابط المشاركة